Kulovoka 40:1-38
40 Jino Yehova ambile kuli Mose ngwenyi:
2 “Halikumbi lyakulivanga mukakweji wakulivanga ukatunga tavanaku, mbalaka yakuliwanyina.+
3 Kaha ukahakamo chikasha chaUnjiho+ nakuhaka lihina lyakuvatasana+ hakachi katavanaku mangana likajikinyine chize Chikasha.
4 Kaha ukengisamo mesa+ nakuwahisa vyuma vyahaze hamesa. Ukengisamo nawa chitumbikilo+ chamanongo nakumunyika manongo acho.+
5 Kaha kulutwe lwachize chikasha chaUnjiho ukahakako lijiko lyaulu lyakulumbila vyuma vyalivumba lyamwaza+ nakuhaka chivamba* kuchikolo chatavanaku.+
6 “Ukahaka lijiko lyakulumbila wana wakulumba+ kulutwe lwachikolo chatavanaku, mbalaka yakuliwanyina,
7 nakutumbika nawa mbashiya mukachi kambalaka yakuliwanyina nalijiko lyakulumbila, nakuhakamo meya.+
8 Kaha ukatungilako chipango+ nakuhaka chivamba*+ kuwingililo wacho.
9 Kufumaho ukambata maji akuwavisa+ nakuwavisa tavanaku navyuma vyosena vili mukachi,+ nakujilika tavanaku navyuma vyayo vyakuzachisa vyosena, kaha nayikapwa yajila.
10 Ukawavisa lijiko lyakulumbila wana wakulumba navyuma vyalyo vyosena, nakujilika lijiko kana, kaha nalikapwa lyajila chikuma.+
11 Kufumaho ukawavisa nawa mbashiya nachitumbikilo chayo nakuyijilika.
12 “Kaha ukaneha Alone navana venyi vamalunga kwakamwihi nachikolo chambalaka yakuliwanyina nakuvasanyisa meya.+
13 Ukavwika nawa Alone uvwalo wajila+ nakumuwavisa+ nakumujilika, kaha mwakanguzachilanga milimo yaupilishitu.
14 Kufumaho ukaneha vana venyi vamalunga nakuvavwika vikuto.+
15 Ukavawavisa ngana muze unawavisa sevo,+ kaha navakanguzachilanga milimo yaupilishitu. Kuvawavisa kana chikiko nachikalingisa upilishitu ukapwenga wavo muvisemunwino vyavo vyosena.”+
16 Ngocho, Mose alingile vyuma vyosena vize amulwezele Yehova.+ Kaha alingile vene ngocho.
17 Jino mukakweji wakulivanga mumwaka wamuchivali, halikumbi lyakulivanga, vajikile tavanaku.+
18 Omu Mose apwile nakujika tavanaku, ahakileko manevo,+ nakutungilako vipamba,+ nakuhaka myalachi+ mukachi, nakwimika jipanda jayo.
19 Atanduwile mahina+ helu lyatavanaku, kaha alileho chiwuva chamalambu,+ ngana muze amulwezele Yehova.
20 Kaha ambachile malolwa aUnjiho+ akuya muuhanda nakuwahaka muChikasha,+ kaha ahakile myalachi+ kuChikasha+ nakufwikako chifwiko.+
21 Engishile chize Chikasha mutavanaku nakusukika lihina lyakuvatasana+ hakachi mangana lijikinyine chize chikasha chaUnjiho,+ ngana muze vamulwezele kuli Yehova.
22 Kufumaho Mose ahakile mesa+ mumbalaka yakuliwanyina kumutamba wakunote yatavanaku kusali yimwe yalihina lyakuvatasana.
23 Ahakile nawa mbolo+ kumeso aYehova ngana muze vamulwezele kuli Yehova.
24 Kaha ahakile chitumbikilo chamanongo+ mumbalaka yakuliwanyina kulutwe lwayize mesa kumutamba wakusulo yatavanaku.
25 Amunyikile manongo+ kumeso aYehova ngana muze vamulwezele kuli Yehova.
26 Kufumaho ahakile lijiko lyakulumbila+ lyaulu mumbalaka yakuliwanyina kulutwe lwalihina lyakuvatasana,
27 mangana hakakakumukenga wishi+ wavyuma vyalivumba lyamwaza+ ngana muze vamulwezele kuli Yehova.
28 Kaha ahakile jino chivamba*+ kuchikolo chatavanaku.
29 Ahakile nawa lijiko lyakulumbila wana+ wakulumba kuchikolo chatavanaku, chipwe ngwetu mbalaka yakuliwanyina, mangana akochelengaho wana wakulumba,+ nawana wamanona, ngana muze vamulwezele kuli Yehova.
30 Atumbikile nawa mbashiya mukachi kambalaka yakuliwanyina nalijiko lyakulumbila nakuhakamo meya akusana.+
31 Kaha Mose naAlone navana venyi vasanyinenga kumavoko nakuvilyachilo vyavo kuze kumbashiya.
32 Lwesholwo lwola vengililenga muze mumbalaka yakuliwanyina chipwe kuswenya kwakamwihi nalijiko lyakulumbila, vavangililenga kusana,+ ngana muze Yehova alwezele Mose.
33 Kaha atungile chipango+ nakujingulwisa tavanaku nalijiko lyakulumbila, nakuhaka chivamba* kuwingililo wachipango.+
Ngocho Mose akumishile mulimo wosena.
34 Jino livwi lyaputukile kufwika yize mbalaka yakuliwanyina, kaha upahu waYehova wazalile muze mutavanaku.+
35 Mose kengililenga muze mumbalaka yakuliwanyinako mwomwo lize livwi lyafwikilenga yize mbalaka, kaha nawa upahu waYehova wazalile muze mutavanaku.+
36 Kahomu lyakatukilenga lize livwi hatavanaku, vaIsalele vakatukilenga hachilombo nakuya. Omu mukiko valingilenga muungeji wavo wosena.+
37 Oloze nge lize livwi kalyakatukile haze hatavanakuko, kaha kavakatukilenga nakufuma haze hachilomboko palanga nakulikumbi lize nalikafumaho lize livwi.+
38 Lize livwi lyaYehova lyapwilenga haze hatavanaku namusana, kaha naufuku hapwilenga kakahya. VaIsalele vosena vamwenenga vyuma kana halwola vatambukilenga ungeji wavo.+
Kwinyikila Chamwishi
^ Chipwe “lihina lyakuvatasana.”
^ Chipwe “lihina lyakuvatasana.”
^ Chipwe “lihina lyakuvatasana.”
^ Chipwe “lihina lyakuvatasana.”