Kuputuka 10:1-32
10 Ou ukiko mujimbu wavana vaNowa, Sheme,+ Hame, naYafwete.
Omu lyakumine Livaji, vasemene vana.+
2 Vana vaYafwete vapwile Ngomele,+ naMangonge,+ naMatai, naYavane, naTuvale,+ naMesheke,+ naChilase.+
3 Vana vaNgomele vapwile Ashekenaze,+ naLifwate, naTongalama.+
4 Vana vaYavane vapwile Elisha,+ naTalashishe,+ naKichime,+ naNdotalanyime.
5 Kuli ava kukiko kwafumine vatu vaze vatwamine kumatungu akujingalila javo, kweseka namwaya malimi avo, najitanga javo, namiyachi yavo.
6 Vana vaHame vapwile Kushe, naMizelaime,+ naPute,+ naKanane.+
7 Vana vaKushe vapwile Seva,+ naHavila, naSavata, naLama,+ naSavateka.
Vana vaLama vapwile Sheva naNdetane.
8 Kushe asemene Nyimelote. Nyimelote ikiye apwile chindume watete hano hamavu.
9 Apwile muka-kuzomba wangolo uze emanyinyine Yehova nakole. Shikaho kwatwama hanjikiso yakwamba ngwavo: “Ngana mwaNyimelote, muka-kuzomba wangolo chikuma uze emanyinyine Yehova nakole.”
10 Wangana wenyi waputukilile* kungalila yaShinale,+ muMbavele,+ namuEleke,+ namuAkate, namuKalane.
11 Kahomu afumine kungalila kana, ayile kuAsulya,+ kaha atungile Nyineve,+ naLehovote-ile, naKala,
12 naLesene yize atungililile hakachi kaNyineve naKala. Eyi yapwile nganda yayinene.*
13 Mizelaime asemene Lute,*+ naAname, naLehave, naNafutuhe,+
14 naPataluse,+ naKasaluhe (kuze kwafumine vaFwilishite),+ naKafwatole.+
15 Kanane asemene mwanenyi watwatwa Shitone,+ kaha asemene nawa Hete,+
16 navaYevuse,+ navaAmole,+ navaNgilingashe,
17 navaHivi,+ navaAlake, navaShine,
18 navaAlavate,+ navaZemale, navaHamate.+ Kufumaho jitanga javaKanane jalimwangile kwosena.
19 Ngocho ngiza yavaKanane yafumine kuShitone swi nakuNgelale+ kwakamwihi naNgaza,+ kaha yahetele nakuSotome naNgomola+ nakuAtama naZevowime+ kwakamwihi naLasha.
20 Ava vakiko vapwile vana vaHame kweseka namwaya jitanga javo, namalimi avo, najingalila javo, namiyachi yavo.
21 Kuli Sheme kakuluka yavana vaEvele+ vosena, songo yaYafwete,* kwasemukile nawa vana.
22 Vana vaSheme vapwile Elame,+ naAshule,+ naAlapakashate,+ naLute, naAlame.+
23 Vana vaAlame vapwile Uze, naHule, naNgetele, naMashe.
24 Alapakashate asemene Shela,+ kaha Shela asemene Evele.
25 Evele asemene vana vavali. Umwe lijina lyenyi ikiye Pelenge,*+ mwomwo hamakumbi enyi vaka-mavu valihandunwine. Kaha lijina lyandumbwaPelenge apwile ikiye Yokotane.+
26 Yokotane asemene Alamotate, naShelefwe, naHazalamavete, naYela,+
27 naHatolame, naUzale, naNjikila,
28 naOvale, naAvimayele, naSheva,
29 naOfwile,+ naHavila, naYovave. Vosena ava vapwile vana vaYokotane.
30 Ngalila yavo vatwaminenga yaputukilile kuMesha swi nakuSefwale kungalila yajipili yakuMututuko.
31 Ava vakiko vapwile vana vaSheme kweseka namwaya jitanga javo, namalimi avo, najingalila javo, namiyachi yavo.+
32 Eji jikiko japwile jitanga javana vaNowa kweseka namwaya visaka vyavo namiyachi yavo. Kuli ava kukiko kwafumine miyachi yosena yize yalimwangilile kumavu kwosena omu lyalingile Livaji hilinakumu lyehi.+
Kwinyikila Chamwishi
^ Chipwe “Jinganda jatete muwangana wenyi japwile.”
^ Chipwe pamo, “Joseneji vajifutwile kupwa hinganda yimwe yayinene.”
^ Awa majina ali muvesi 13 na 14, anahase kwimanyinako nawa miyachi chipwe vatu vakufuma kuli Mizelaime.
^ Chipwe pamo, “yaya yaYafwete.”
^ Ulumbunwiso, “Kuhandunuka.”
