Kuputuka 36:1-43
36 Ou ukiko mujimbu waEsau, chipwe ngwavo, Etome.+
2 Esau ambachile mapwevo vakuli vana vavaKanane. Vapwile Ata+ mwanaElone kaHete,+ naOholivama+ mwanaAna muzukulu lyaZeveyone kaHivi,
3 naMbasemate+ mwanaIshimele ndumbwaNevayote.+
4 Ata asemene Elifwaze kuli Esau, kaha Mbasemate asemene Leule.
5 Kaha Oholivama asemene Yeushe, naYalame, naKola.+
Ava vakiko vana vaEsau vamalunga vaze asemenene mulifuchi lyaKanane.
6 Kufumaho, Esau ambachile mapwevo jenyi, navana venyi vamalunga navava vamapwevo, navatu* vakuzuvo yenyi vosena, navimuna jenyi vosena, naluheto lwenyi lwosena+ luze ahetele mulifuchi lyaKanane, nakuya kulifuchi lyeka kwakusuku nakuze apwile songo yenyi Yakova.+
7 Luheto lwavo lwavulile chikuma, ngocho kavahashile kutwama hamweko, kaha nawa ngalila yize vatwaminenga* yavakehelele mwomwo yavimuna javo.
8 Ngocho Esau atwaminenga kungalila yajipili yaSeile.+ Esau ikiye Etome.+
9 Ou ukiko mujimbu waEsau sevo yavaEtome, vaze vatwaminenga kungalila yajipili yaSeile.+
10 Awa akiko majina avana vaEsau vamalunga: Elifwaze mwanaAta, pwevo lyaEsau, naLeule mwanaMbasemate, pwevo lyaEsau.+
11 Vana vaElifwaze vamalunga vapwile Temane,+ naOmale, naZefwo, naNgatame, naKenaze.+
12 Chimina apwile pwevo mukwavo lyaElifwaze mwanaEsau. Kutwala muze Chimina asemene Amaleke+ kuli Elifwaze. Ava vakiko vapwile vazukulu jaAta, pwevo lyaEsau.
13 Vana vaLeule vamalunga vapwile Nahate, naZela, naShama, naMiza. Ava vakiko vapwile vazukulu jaMbasemate,+ pwevo lyaEsau.
14 Vana vaOholivama vamalunga asemene naEsau vapwile Yeushe, naYalame, naKola. Oholivama pwevo lyaEsau apwile mwanaAna muzukulu lyaZeveyone.
15 Ava vakiko vapwile vamyata* kuvana* vaEsau:+ Vamyata vakuli vana vaElifwaze mwanaEsau watwatwa vapwile Mwata Temane, naMwata Omale, naMwata Zefwo, naMwata Kenaze,+
16 naMwata Kola, naMwata Ngatame, naMwata Amaleke. Ava vakiko vana vaElifwaze+ vaze vapwile vamyata mulifuchi lyaEtome. Kaha nawa vakiko vapwile vazukulu jaAta.
17 Vana vaLeule mwanaEsau vapwile Mwata Nahate, naMwata Zela, naMwata Shama, naMwata Miza. Ava vakiko vana vaLeule vaze vapwile vamyata mulifuchi lyaEtome.+ Kaha nawa vakiko vapwile vazukulu jaMbasemate, pwevo lyaEsau.
18 Vana vaOholivama pwevo lyaEsau vapwile Mwata Yeushe, naMwata Yalame, naMwata Kola. Ava vakiko vapwile vana vaOholivama pwevo lyaEsau. Oholivama apwile mwanaAna.
19 Ava vakiko vana* vaEsau vamalunga navamyata javo. Esau ikiye Etome.+
20 Vana vaSeile kaHole vamalunga vaze vatwaminenga mulifuchi lize+ vapwile Lotane, naShovale, naZeveyone, naAna,+
21 naNjishone, naEzele, naNjishane.+ Ava vakiko vapwile vana vaSeile, vamyata javaHole mulifuchi lyaEtome.
22 Vana vaLotane vamalunga vapwile Holi, naHemane. NdumbwaLotane wapwevo apwile ikiye Chimina.+
23 Vana vaShovale vamalunga vapwile Alavane, naManahate, naEvale, naShefwo, naOname.
24 Vana vaZeveyone+ vamalunga vapwile Aya, naAna. Ou Ana ikiye uze awanyine tuselwoke vameya azuma mupambo omu apwile nakufunga vimbulu jaise Zeveyone.
25 Vana vaAna vapwile Njishone, naOholivama mwana wapwevo.
26 Vana vaNjishone vamalunga vapwile Hemetane, naEshevane, naIchilane, naKelane.+
27 Vana vaEzele vamalunga vapwile Mbilihane, naZavane, naAkane.
28 Vana vaNjishane vamalunga vapwile Uze, naAlane.+
29 Vamyata vavaHole vapwile Mwata Lotane, naMwata Shovale, naMwata Zeveyone, naMwata Ana,
30 naMwata Njishone, naMwata Ezele, naMwata Njishane.+ Ava vakiko vapwile vamyata javaHole kweseka namwata himwata mulifuchi lyaSeile.
31 Ava vakiko vamyangana vaze vayulilenga mulifuchi lyaEtome+ shimbu kanda vaIsalele* vapwenga namwangana wakuvayula:+
32 Mbela mwanaMbeyole uze ayulilenga muEtome. Lijina lyanganda yenyi lyapwile Njinyihava.
33 Omu afwile Mbela, Yovave mwanaZela wakuMbozola amuswanyine.
34 Omu afwile Yovave, Hushame wakungalila yavaTemane amuswanyine.
35 Omu afwile Hushame, Hatate mwanaMbetate uze afungulwile vaMichane+ mungalila yaMowave amuswanyine. Lijina lyanganda yenyi lyapwile Avite.
36 Omu afwile Hatate, Samala wakuMasaleka amuswanyine.
37 Omu afwile Samala, Shaulu wakuLehovote kwakamwihi naKalwiji amuswanyine.
38 Omu afwile Shaulu, Mbale-hanane mwanaAkavole amuswanyine.
39 Omu afwile Mbale-hanane mwanaAkavole, Hatate amuswanyine. Lijina lyanganda yenyi lyapwile Pau, kaha pwevo lyenyi apwile ikiye Mehetavele mwanaMatalete, Matalete mwanaMezahave.
40 Jino majina avamyata vakuli Esau kweseka namwaya jitanga javo, navihela vyavo valukile majina avo vapwile Mwata Chimina, naMwata Alava, naMwata Yetete,+
41 naMwata Oholivama, naMwata Ela, naMwata Pinone,
42 naMwata Kenaze, naMwata Temane, naMwata Mivizale,
43 naMwata Makachele, naMwata Ilame. Ava vakiko vapwile vamyata vamuEtome kweseka namembo avo mulifuchi lyavo.+ Echi chikiko chisemunwino chaEsau sevo yavaEtome.+
Kwinyikila Chamwishi
^ Chipwe “namyono.”
^ Chipwe “vatwaminenga mwavamwiza.”
^ MuchiHepeleu, lizu “vana” lyazata nakuli vazukulu.
^ Ava vamyata vapwile vamyangana jamiyachi.
^ MuchiHepeleu, lizu “vana” lyazata nakuli vazukulu.
^ Hepe., “vana vaIsalele.”
