Kusoloka 10:1-11
10 Jino ngwamwene kangelo weka wangolo mwafuma mwilu, nalikupilika livwi. Hamutwe wenyi hapwile kongolo, kumeso enyi kwapwile nge likumbi,+ mahinji enyi apwile nge jipanda jakakahya.
2 Apwile namukanda waundende wakuvungulula mulivoko lyenyi. Alyachile lihinji lyenyi lyachilyo hakalungalwiji, kaha lyachimoswe hatunda.
3 Atambakanyine nalizu lyakukanguka nge omu eji kutahwokanga ndumba.+ Kahomu atambakanyine, mazu amikalateta+ 7 ahanjikile.
4 Jino omu yahanjikile yize mikalateta 7, ngwasakile ngwami ngusoneke, oloze ngwevwile lizu lyakufuma mwilu+ ngwalyo: “Lamika katachikijilo kuvyuma vize yinahanjika mikalateta 7, kaha kanda uvisonekako.”
5 Kangelo uze ngwamwene nemana hakalungalwiji nahatunda azundwile livoko lyenyi lyachilyo helu,
6 kaha alishingile Uze ayoya haya myaka namyaka,+ uze atangile melu navyuma vyatwamamo, namavu nawa navyuma vyatwamaho, nakalungalwiji navyuma vyatwamamo,+ ngwenyi: “Kakweshi kukapwa kulangisa chekako.
7 Oloze omu kangelo wakusokesa 7 + mwakapwa kwakamwihi nakwimba luneta+ lwenyi hamakumbi aze, vyuma vyajila vyakusweka+ vize Kalunga avilikile kupwa mujimbu wamwaza kuli vandungo jenyi vapolofweto,+ navikatesamo chikupu.”
8 Jino ngwevwile lizu lyakufuma mwilu+ nalihanjika cheka kuli ami ngwalyo: “Yako utambule uze mukanda wakuvungulula uli mulivoko lyakangelo uze nemana hakalungalwiji nahatunda.”+
9 Kaha ngwayile kuli uze kangelo nakumulweza anguhane uze mukanda waundende. Kaha ambile kuli ami ngwenyi: “Tambula uulye,+ kaha nawivwa kusasa mujimo lyove, oloze mukanwa kove nauyekemena nge uchi.”
10 Ngwatambwile uze mukanda waundende kulivoko lyayauze kangelo nakuulya,+ kaha mukanwa kami wapwile uyekemena nge uchi.+ Oloze omu ngwamanyishile kuulya, ngwevwile kusasa mujimo lyami.
11 Kaha vangulwezele ngwavo: “Watela kupolofweta cheka kutalisa kuli vatu veka naveka, navaka-mafuchi, navaka-malimi, navamyangana vavavulu.”
