Kusoloka 15:1-8
15 Kaha ngwamwene chinjikizo chikwavo mwilu, chachinene chakukomwesa. Ngwamwene vangelo 7 + vaze vapwile navipupu 7. Evi vipupu vikiko vyamakumishilo, mwomwo kusoloka chavyo chikiko nachikumisa matoto aKalunga.+
2 Ngwamwene chuma chimwe chakufwana nge chijiva chakufutula nakakahya chize chasolokelenga nge chitalilo,+ kaha vaze vafungulwile+ uze chisuma nachifwanyisa+ chenyi nanambala yalijina+ lyenyi, vemanyine kuchijiva chize chasolokelenga nge chitalilo, vapwile natulyalya twaKalunga.
3 Vapwile nakwimba mwaso waMose,+ ndungo yaKalunga, namwaso waMwanamukoko+ ngwavo:
“Ove Yehova* Kalunga Wangolo Josena,+ vilinga vyove vyapwa vyavinene vyakukomwesa.+ Ove Mwangana wahaya myaka yosena,+ jijila jove japwa jakwoloka jamuchano.+
4 Ove Yehova,* iyaze mwahona kukwivwa woma, nakutohwesa lijina lyove, hakuwana nge ove wapwa wajila?+ Mwomwo vaka-mafuchi osena naveza kumeso ove nakukulemesa,+ mwomwo jishimbi jove jakwoloka jinasoloka hatoma.”
5 Kufumaho, ngwamwene chihela chajila chambalaka yaunjiho+ chinasokoloka mwilu,+
6 kaha vangelo 7 vaze vapwile navipupu 7,+ valovokele muze muchihela chajila. Vavwalile mahina atoma akejima, kaha mujitulo javo vanavwale mihya yaulu.
7 Umwe wavaze vaka-kuyoya vawana, ahanyine vaze vangelo 7 viloso vyaulu 7 vyakuzala namatoto aKalunga+ uze ayoya haya myaka namyaka.
8 Chize chihela chajila chazalile nawishi mwomwo yaupahu waKalunga+ nangolo jenyi. Kaha naumwe wauchi ahashile kwingila muze muchihela chajilako palanga nomu vyakumine vize vipupu 7 + vyavaze vangelo 7.
