Kusoloka 17:1-18
17 Umwe wavaze vangelo 7, vaze vapwile naviloso 7 + ejile nakuhanjika kuli ami ngwenyi: “Twaya, nangukulwekesa kusopesa chize navasopesa pwevo muka-kulinga ujila chikuma, uze atwama havimeya vyavivulu,+
2 uze vamyangana vahamavu vanalingi nenyi ujila,*+ kaha vaze vatwama hamavu vanapende navinyo vyaujila*+ wenyi.”
3 Jino angutwalile nangolo jashipilitu mupambo. Kaha ngwamwene pwevo natwame hachisuma uchila uze azalile namajina akusaula Kalunga, kaha nawa apwile namitwe 7 najimbinga 10.
4 Uze pwevo avwalile uvwalo waungonyi+ nawou uchila, aliwahishile navyuma vyaulu, namalolwa andando yayinene, najipela,+ kaha mulivoko lyenyi mwapwile lupasa lwaulu lwakuzala navyuma vyaunyengwe, navyuma vyamajilo vyaujila* wenyi.
5 Haluholo lwenyi vasonekeleho lijina lyalikalu kulumbununa lyakwamba ngwavo: “Mbavilone Yayinene, nevo yamapwevo vaka-ujila+ navyuma vyaunyengwe vyahamavu.”+
6 Ngwamwene uze pwevo napende namanyinga avaka-kujila namanyinga avinjiho jaYesu.+
Kaha hakumumona ngwalikomokelele chikuma.
7 Ngocho uze kangelo ambile kuli ami ngwenyi: “Ikaze unalikomokela ngana? Nangukulweza omu alumbunukila ou pwevo,+ nayou chisuma wamitwe 7 najimbinga 10,+ uze namuveleka:
8 Uze chisuma wamonanga, uze apwileko, oloze keshiko chekako, kaha kalinwomu alovoke muwina wakuzeneka kukuma,+ mwanonga. Kaha vaze vatwama hamavu, vaze vakwechi majina vazeneka kusoneka mumukanda wakuyoya+ kufuma kukwala chihela chakaye, navakalikomokela hakumona uze chisuma, uze apwileko, oloze keshiko chekako, kaha mwakapwako nawa.
9 “Echi chasakiwa kushinganyeka mwamangana:* Yize mitwe 7 + yinapu jipili 7, haze natwame uze pwevo.
10 Kuli vamyangana 7 : Vatanu vanaholoka lyehi, umwe kwali, mukwavo kanda ezenga, kaha omu mweza mwatwama kaha katando kakandende.
11 Uze chisuma apwileko, oloze keshiko chekako,+ napu mwangana wakusokesa 8, oloze afuma hali vaze 7, kaha mwanonga.
12 “Jize jimbinga 10 wamonanga jinapu vamyangana 10 vaze kanda vachitambule wangana wavo, oloze veji kutambulanga ngolo jakuyula kupwa vamyangana nachisuma hamwe haola yimwe kaha.
13 Vali navishinganyeka vyovimwe kaha, ngocho veji kuhananga ngolo javo nawata wavo kuli chisuma.
14 Navakalwa jita naMwanamukoko,+ oloze Mwanamukoko hakupwa Mwata wavamyata, Mwangana wavamyangana,+ mwakavafungulula.+ Kaha navaze nawa ali navo hamwe, vaze vasanyika, vaze vasakula, vaze vakushishika mukiko navakalinga.”+
15 Ambile kuli ami ngwenyi: “Vize vimeya wamonanga, haze natwame uze pwevo muka-ujila, vakiko vatu veka naveka, namayongomena, navaka-mafuchi, navaka-malimi.+
16 Kaha jize jimbinga 10 + wamonanga nauze chisuma,+ navikahunga uze pwevo muka-ujila+ nakumwenyeka nakumuseza uselesele. Navakalya nyama yenyi, navakamwocha nakakahya.+
17 Mwomwo Kalunga nachihake mumichima yavo mangana valinge mwaya kujina chenyi,+ eyo, valinge mwaya kujina chavo chochimwe chakuhana wangana wavo kuli uze chisuma+ palanga nomu nawakalinga mazu aKalunga anatesamo.
18 Kaha uze pwevo+ wamonanga, yikiko nganda yayinene yize yili nawangana wakuyula vamyangana vahamavu.”
Kwinyikila Chamwishi
^ Tala Mukana waMazu.
^ MuchiHelase, por·neiʹa. Tala Mukana waMazu.
^ MuchiHelase, por·neiʹa. Tala Mukana waMazu.
^ Chipwe “Echi chasaka kunangakana.”
