Kusoloka 4:1-11
4 Kufumaho, ngwatalile, kaha ngwamwene chikolo chakusokolola mwilu. Lizu lyatete lize ngwevwile lyevwakanyine nge luneta, kaha lyahanjikile kuli ami ngwalyo: “Twaya muno mwilu, kaha nangukulweza vyuma vize vyatela kulingiwa kalinwaha.”
2 Ngocho hahaze vene ngwapwile mungolo jashipilitu, kaha ngwamwene litanda lili muchihela chalyo mwilu. Halitanda kana hapwile umwe atwamineho.+
3 Uze atwamineho asolokele nge lilolwa lyayashipili+ nalilolwa lyasachiu,* kaha kulitanda lize kwajingulukile kongolo uze asolokele nge limelate.+
4 Kulitanda lize kwajingulukile nawa matanda 24, kaha hamatanda aze hatwamine vakulwane 24,+ vanavwale mahina atoma. Kumitwe yavo kwapwile michama yaulu.
5 Kulitanda lize kwafuminenga miveso,+ namazu, namikalateta.+ Kulutwe lwalitanda kwapwile manongo akakahya 7, akiko vashipilitu vaKalunga 7.+
6 Kulutwe lwalitanda lize kwapwile chuma chimwe chakufwana nge chijiva chize chasolokelenga nge chitalilo,+ nge kulusutalu.
Mukachi kalitanda lize nakulitanda lyosena jingulwishi, kwapwile vaka-kuyoya+ vawana vali nameso kwosena nakulutwe nakunyima.
7 Kaha muka-kuyoya watete afwanyine nge ndumba,+ muka-kuyoya wamuchivali afwanyine nge mwanangombe,+ muka-kuyoya wamuchitatu+ apwile nachihanga nge chamutu, kaha muka-kuyoya wamuchiwana+ afwanyine nge ngonga+ wakutuka.
8 Kaha vaze vaka-kuyoya vawana vapwile umwe naumwe namavava 6. Mavava kana apwile nameso mukachi nahaweluka jingulwishi ndo.+ Kaha musana naufuku veji kwambanga lika ngwavo: “Wajila, wajila, wajila, Yehova*+ Kalunga Wangolo Josena, uze apwileko, uze apwako, uze ali nakwiza.”+
9 Jino vaze vaka-kuyoya omu veji kutohwesanga nakuvumbika nakusakwilila Uze atwama halitanda, Uze ayoya haya myaka namyaka,+
10 vaze vakulwane 24 + veji kulimbilanga hamavu kumeso ayaUze atwama halitanda kana nakulemesa Uze ayoya haya myaka namyaka, kaha veji kumbilanga michama yavo kulutwe lwalitanda lize nakwamba ngwavo:
11 “Ove Yehova* Kalunga ketu, ove watamo kutambula upahu+ nakavumbi+ nangolo,+ mwomwo ove yove watangile vyuma vyosena,+ kaha mwomwo mukiko mwaya muchima wove, shikaho vyapwileko kaha nawa wavitangile.”
Kwinyikila Chamwishi
^ Chipwe “nalilolwa lichiluluka lyandando yayinene.”
^ Tala Chihande A5.
^ Tala Chihande A5.
