Kusoloka 8:1-13
8 Omu alamwine+ katachikijilo kakusokesa 7,+ mwilu mwaholele kulu, kafwe chimbwa chaola.
2 Ngwamwene vangelo 7 + vaze veji kwimananga kumeso aKalunga, kaha vavahanyine jineta 7.
3 Kaha kangelo mukwavo uze apwile nachiloso chaulu chakulumbila vyuma vyalivumba lyamwaza, ejile nakwimana kulijiko lyakulumbila,+ kaha vamuhanyine vyuma vyalivumba lyamwaza vyavivulu,+ mangana avilumbe halijiko lyakulumbila lyaulu+ lize lyapwile kulutwe lwalitanda, oku vaka-kujila vosena vali nakulomba.
4 Wishi wavyuma vyalivumba lyamwaza wafwinjile mulivoko lyakangelo, kaha wahetele mwilu kumeso aKalunga hohamwe nakulomba+ chavaka-kujila.
5 Hahaze vene uze kangelo ambachile chize chiloso chakulumbila, achizalishile nakakahya kahalijiko lyakulumbila nakuchimbila hamavu. Kaha kwapwile mikalateta namazu namiveso+ namundenda.
6 Kaha vangelo 7 vaze vapwile najize jineta 7,+ vapwile vakulizanga kwimba jineta kana.
7 Jino uze watete embile luneta lwenyi. Kaha kwapwile vula yamalolwa nakakahya vyakulifutula namanyinga, kaha vavimbilile hamavu.+ Chimbwa chimwe chakusokesa muvimbwa vitatu vyamavu chawemene, kaha chimbwa chimwe chakusokesa muvimbwa vitatu vyamitondo chawemene, navyuma vyakusoka hamavu vyosena vyawemene.+
8 Kangelo wamuchivali embile luneta lwenyi. Kaha chuma chimwe chakufwana nge pili yayinene yakukwata kakahya vachimbilile mukalungalwiji.+ Chimbwa chimwe chakusokesa muvimbwa vitatu vyakalungalwiji chalumukile kupwa manyinga,+
9 kaha chimbwa chimwe chakusokesa muvimbwa vitatu vyavyuma vyakuyoya* mukalungalwiji chafwile,+ chimbwa chimwe chakusokesa muvimbwa vitatu vyamato chalyenyekele.
10 Kangelo wamuchitatu embile luneta lwenyi. Kaha tanganyika yayinene yakukwata kakahya nge linongo, yahosomokele kufuma mwilu, yaholokelele hachimbwa chimwe chakusokesa muvimbwa vitatu vyatulwiji, nahatuselwoke vameya.+
11 Lijina lyatanganyika kana likiko Mwaji.* Chimbwa chimwe chakusokesa muvimbwa vitatu vyameya chalumukile kupwa mwaji, kaha vatu vavavulu vafwile nameya kana, mwomwo apwile amasasu.+
12 Kangelo wamuchiwana embile luneta lwenyi. Kaha chimbwa chimwe chakusokesa muvimbwa vitatu vyalikumbi vachichikile,+ nachechi chakusokesa muvimbwa vitatu vyakakweji, nachechi chakusokesa muvimbwa vitatu vyavatanganyika, mangana chimbwa chavyo chimwe chakusokesa muvimbwa vitatu chilave wi,+ mangana nawa chimbwa chimwe chakusokesa muvimbwa vitatu vyamusana chihone kumunyika, chochimwe naufuku nawa.
13 Jino ngwamwene nakwivwa ngonga uze apwile nakutuka muutangatanga mwahanjika nalizu lyakukanguka ngwenyi: “Lamba, lamba, lamba+ kuli vaze vatwama hamavu, mwomwo yajineta jize jinalituluho javangelo vatatu vaze vali kwakamwihi nakwimba jineta+ javo.”
