Lungungu 2:1-22
א [ʼAleph]
2 Yehova nafwiki mwanapwevo Zeyone utenu wenyi kwijiva nge livwi.Kuwaha chaIsalele nachifumisa mwilu nakuchimbila hamavu.+Chitwamo chakulyata mahinji enyi+ kachanukile halikumbi lyamatoto enyiko.
ב [Beth]
2 Yehova naminyi vihela vyaYakova vyosena chakuzeneka kuvitetela.Nanongesa vihela vyakukola vyamwanaYuta wapwevo mwomwo yautenu wenyi.+Najilulula nakwinyisa mawangana+ navilolo jawo.+
ג [Gimel]
3 Nakumisa ngolo* jaIsalele josena mwomwo yamatoto enyi.Kakafwile Isalele omu vamulukukile kuli vaka-koleko.+Utenu nakwachila Yakova uli nakwepuka nge kakahya kaze kali nakwocha vyuma vyosena.+
ד [Daleth]
4 Nanane uta wenyi wamanana kwijiva nge muka-kole. Nakaze livoko lyenyi nge muka-kole.+Ajihilenga vosena vaze twazangilenga.+Utenu wenyi aumwangilile mumbalaka yamwanapwevo Zeyone+ nge kakahya.+
ה [He]
5 Yehova napu nge mukakole.+Naminyi Isalele.
Naminyi tuposhi twayo twosena.Nanongesa vihela vyayo vyakukola vyosena.Nalingisa mwanaYuta wapwevo alishone chikuma nakulila jingungu.
ו [Waw]
6 Nashiula chisakila chenyi+ nge omu navashiula kapundo kamuwande.Nafumisako* viwanyino vyenyi.+Yehova nalingisa vatu muZeyone vavulyame viwanyino najisambata.Katetelele mwangana chipwe kapilishituko mwomwo yamatoto enyi amanene.+
ז [Zayin]
7 Yehova nakane lijiko lyenyi lyakulumbila.Nakane chihela chenyi chajila.+Jikembwe jatuposhi twayo twakukola najihane mumavoko avaka-kole.+Kaha vali nakulikuwila muzuvo yaYehova+ kwijiva nge halikumbi lyachiwanyino.
ח [Heth]
8 Yehova najinyi kunongesa kembwe yamwanapwevo Zeyone.+Natanduula mukole wakupimisa.+Nolola livoko lyenyi mangana anongese.*Nalingisa milundu najikembwe vilishone.Vyosena vanavisekenyesa.
ט [Teth]
9 Vikolo vyayo vinashitama hamavu.+Nanongesa nakuhokola tupachiso twayo.Mwangana wayo navilolo jayo vali jino muli vaka-mafuchi.+Naumwe wauchi ali nakukavangiza jishimbi.* Vapolofweto jayo kaveshi nakumona vyakumwenesa vyakufuma kuli Yehovako.+
י [Yod]
10 Vakulwane jamwanapwevo Zeyone vanaholo kulu nakutwama hamavu.+Vali nakulishikila mavu kumitwe yavo, kaha vanavwale vikeleyi.+Vajike vamapwevo vamuYelusalema vanalinongamina.
כ [Kaph]
11 Meso ami anazeye nakulila.+Mujimo* lyami muli nakunyota.Lisuli lyami linahingunukila hamavu mwomwo vatu jami vananongo,+Mwomwo vanyike navakemba vali nakulezumukila muvihela vyasanga mumbongi.+
ל [Lamed]
12 Omu vali nakulezumuka nge mutu uze vanalemekela muvihela vyasanga vyamunganda,Omu vali nakufwila hamavoko amanevo,Vali nakwihula manevo ngwavo, “Vyakulya navinyo vili kulihi?”+
מ [Mem]
13 Ove mwanapwevo Yelusalema, unjiho muka nanguzachisa?Nangukufwanyisa kuli iya?Ove mwanapwevo Zeyone, nangukwesekesa kuli iya numba ngukuvendejeke?Mbandu yove yinatoho nge omu atohwa kalungalwiji.+ Iyaze mwahasa kuyuka?+
נ [Nun]
14 Vyakumwenesa vakulwezelenga vapolofweto jove vyapwile vyamakuli, vyamokomoko.+Kachi nge vakulwezele hatoma jishili jove, kachi kavakutwalile muufungeko.+Vyakumwenesa vakulwezelenga vyapwile vyamakuli, vyakuhungumwishile.+
ס [Samekh]
15 Vosena vaze vali nakuhita mujila vali nakulinga pu mumavoko avo nakukuseha.+Vali nakulihaha+ nakunyengesa mitwe yavo hali mwanapwevo Yelusalema, kaha vali nakwamba ngwavo:“Eyi keshi yikiko nganda yize vavulukilenga ngwavo, ‘Nganda yamwaza chiyovo, yize veji kulisambilanga vaka-mavu vosena’ nyi?”+
פ [Pe]
16 Vaka-kole jove vosena vanasama mutunwa hululu.Vali nakulihaha nakulingenjunga kumazo, vali nakwamba ngwavo: “Tunamuminyi.+Eli likiko likumbi tunavandaminanga.+ Lineza, kaha tunalimono.”+
ע [Ayin]
17 Yehova nalingi vyuma ajinyine.+ Natesamo mazu enyi,Natesamo vyuma ahanjikile+ kushikulu.+Nakunongesa chakuzeneka kukutetela.+Nechelela muka-kole alisambe hali ove. Natohwesa ngolo* javaka-kole jove.
צ [Tsade]
18 Ove kembwe yamwanapwevo Zeyone, vatu vali nakutwa kawelele kuli Yehova.Masoji ove ahite nge kalwiji musana naufuku.Kanda naunokako, kanda naulitwamina kulilako.
ק [Qoph]
19 Katuka! Lila naufuku, lila kumaputukilo achilo chatete.Vyosena vili kumuchima wove vihingunwine kumeso aYehova nge meya.Olola mavoko ove nakulomba kuli ikiye mwomwo yavana voveVaze vali nakulezumuka nazala+ hamakanyiko ajijila.*
ר [Resh]
20 Ove Yehova, tala ou unazangamisa.Kutala chakutamo mapwevo kulya vana vavo vakulisemena, vana* vavo+ vaze vanakolo lyehi tahi?Kutala chakutamo vapilishitu navapolofweto kuvajihila hachihela chajila chayove Yehova tahi?+
ש [Shin]
21 Vanyike vamalunga natushinakaji vanasavala kuswanga hamavu mujijila, vanafu.+Vajike jami vamapwevo* navakweze jami vanalindumuka kujipoko jamikwale.+Unavajihi halikumbi lyove lyautenu. Unavajihi chakuzeneka kuvatetela.+
ת [Taw]
22 Unasanyika vyuma vyakwivwisa woma kufuma kumitamba yosena, nge omu nausanyika vatu halikumbi lyachiwanyino.+Naumwe wauchi apulukile chipwe kuyovoka halikumbi lyautenu wove, ove Yehova.+Muka-kole wami nalalisa vana vami vaze ngwasemene* nakulela.+
Kwinyikila Chamwishi
^ Hepe., “Natete jimbinga.”
^ Chipwe “Nanongesa.”
^ Hepe., “amine.”
^ Chipwe “jindongi.”
^ Hepe., “Mijingwa.”
^ Hepe., “lumbinga.”
^ Hepe., “nazala kumitwe yajijila josena.”
^ Hepe., “mihako.”
^ Chipwe “Vana vami vamapwevo.”
^ Chipwe “vaze ngwasemene vakulikangula.”