Lungungu 3:1-66
-
Yelemiya mwahanjika havyuma vyakumuchima wenyi navyevi natalilila
א [Aleph]
3 Ngunamono vihuli mwomwo Kalunga nanguzangamisa hamatoto enyi.
2 Nanguhange nakungutambukisa mumilima, kangutambukishile mumusanako.+
3 Eji kunguvetanga nalivoko lyenyi lwola lwosena.+
ב [Beth]
4 Nenyeka nyama yami nachikova chami.Vifuwa vyami navihokwojola.
5 Nanguhake muchingombela. Nangukupilika usungu+ navihuli.
6 Nangutwamisa muvihela vyamilima, nge vatu vaze vafwile kushikulu.
ג [Gimel]
7 Nangujingulwisa kembwe mangana nguzeneke kuchina.Nangukase malenge aunengu amalemu.+
8 Kahomu ngweji kumulombanga angukafwe, keshi kwivwilila* kulomba chamiko.+
9 Jijila jami najijiki namalolwa akwola.Jijila jami najihengesa.+
ד [Daleth]
10 Nanguswaminyina nge ulusu, nge ndumba.+
11 Nangupyapumuna mujila, kaha nangutanye tanyutanyu.*Nangulingisa ngusale uka.+
12 Nanane uta wenyi wamanana, kaha nangunongo mivwi yenyi.
ה [He]
13 Nangutuu kujiso namivwi* yamumusakali wenyi.
14 Vatu veka naveka vali nakunguseha, vali nakungwimba mumyaso yavo hakumbi hakumbi.
15 Nangulisa vyuma vyavisasu, nangunwisa mwaji.+
ו [Waw]
16 Eji kuhokwojola mazo ami namalolwa.Eji kungulingisanga ngulyalange muuto.+
17 Unangulingisa nguzeneke kutwama mukuunda. Ngunavulyama navyuma vyamwaza.
18 Ngocho ngunambe ngwami: “Ulangaji wami, nalutalililo lwami muli Yehova vinakumu.”
ז [Zayin]
19 Anuka vihuli vyami nakulumbwangila chami,+ namwaji nausungu ngweji kunwanga.+
20 Naungwanuka, kaha naunongama nakungukafwa.+
21 Nangwanukanga chumechi mumuchima wami, ngocho nangupwa namuchima wakutalilila.+
ח [Heth]
22 Katwanongele ndolokotoko mwomwo yazangi yaYehova yakwilila.+Keke yenyi kayakumako.+
23 Eji kusololanga keke yenyi hakumbi hakumbi.+ Apwa wakushishika lwola lwosena.+
24 Ngunambe ngwami,* “Yehova ikiye chazano chami,+ shikaho nangumutalililanga.”+
ט [Teth]
25 Yehova apwa wamwaza kuli vaze veji kumutalililanga,+ apwa wamwaza kuli vaze veji kumutondatondanga.+
26 Chapwa chamwaza kuhola kulu nakuvandamina*+ ulwilo waYehova.+
27 Chapwa chamwaza mutu kumbata toka shimbu achili mukweze.+
י [Yod]
28 Mutu kana atwame ukawenyi nakuhola kulu omu Kalunga mwamutwikayo.+
29 Afukame chameso hamavu+ nakutalilila kulutwe.+
30 Ahane likili lyenyi kuli ou ali nakumuveta. Etavile vamutukane.
כ [Kaph]
31 Yehova keshi kutumbila haya myaka yosenako.+
32 Numba tuhu natumwenesa vihuli, oloze mwatwivwila keke mwomwo zangi yenyi yapwa yakwilila.+
33 Ikiye kasaka kuyanjisa vana vavatu chipwe kuvamwenesa vihuliko.+
ל [Lamed]
34 Kasaka vatu valyatangile vafunge vahamavuko.+
35 Kasaka vatu vahengese chiyulo hakusopesa mutu kumeso ayou Wakulitulaho Chikumako.+
36 Kasaka vatu vayule chihande chamutu mujila yakuhengako.Yehova kasaka vyuma vyanganako.
מ [Mem]
37 Iyaze nahase kuhanjika chuma, kaha chilingiwe? Kuvanga Yehova achihanjike numba chilingiwe.
38 Mukanwa kayou Wakulitulaho ChikumaKamweshi kulovoka vyuma vyamwaza navyevi vyavipi hamweko.
39 Ikaze mutu mwayayavalila haukalu ali nakumona mwomwo yashili yenyi?+
נ [Nun]
40 Tukekesenu jijila jetu nakujihehwojola,+ kaha tukindulukenu kuli Yehova.+
41 Tumulembelelenu Kalunga namichima yetu yosena, twololenu mavoko etu mwilu nakwamba ngwetu:+
42 “Tunazomboka jishimbi, tunalikange,+ kahove kawatukonekeleleko.+
ס [Samekh]
43 Unapihilila nakutujikila jila mangana tuhone kupandama kuli ove.+Unatuhangasana nakutujiha, kawatuteteleleko.+
44 Unahake livwi mujila kuchina kulomba chetu nachiheta kuli ove.+
45 Unatulingisa tupwenga nge swali, nge majilo muli vatu veka naveka.”
פ [Pe]
46 Vaka-kole jetu vosena vanasama mutunwa mangana vatulye.+
47 Tunatwame muchiwomawoma, tuli muukalu waunene.+ Tunasale uka, tunalemana.+
48 Mumeso ami muli nakupwelumuka masoji nge kalwiji wamuta mwomwo yavatu jami vaze vanalemana.+
ע [Ayin]
49 Nangulila lika, kangweshi kulitwaminako+
50 Palanga nomu Yehova mwatala hamavu nakumona vyuma vinakulingiwa.+
51 Nguli* nakwivwa chinyengo hakumona vyuma vinasolokela vana vamapwevo vamunganda yami.+
צ [Tsade]
52 Vaka-kole jami vanangukwate nge kajila. Vanangukwate chakuzeneka mulonga.
53 Kuyoya chami vanachivatwilako. Vangwashilenga malolwa.
54 Meya angujimikile, kaha ngwambile ngwami: “Kwami ngu.”
ק [Qoph]
55 Ove Yehova ngwakusanyikile halijina omu ngwapwile muwina.+
56 Ivwilila kawelele kami. Kanda naujika matwitwi ove kukawelele kamiko.
57 Wapandamine hakamwihi omu ngwakusanyikile. Wambile ngwove: “Kanda nawivwa womako.”
ר [Resh]
58 Ove Yehova, unanguhakwila, unapululula mwono wami.+
59 Ove Yehova, unamono vyuma vyavipi vanangulingi. Sopa kanawa chihande chami.+
60 Unamono omu vanangulingi sambanjinga, unamono vyuma vyavipi vanajinyi kungulinga.
ש [Sin] chipwe [Shin]
61 Ove Yehova, unevu omu vanangutoleka, unevu vyuma vyavipi vanajinyi kungulinga.+
62 Unevu vyuma vanahanjikanga vaka-kole jami, vyuma vyavipi vanayevetanga hali ami lwola lwosena.
63 Achivatale. Vali nakunguhenda mumyaso yavo nahakutwama nahakukatuka.
ת [Taw]
64 Ove Yehova nauvashishishilamo kweseka navilinga vyavo.
65 Naukakamisa michima yavo, kahechi chikiko changu chavo.
66 Naupihilila nakuvahangasana, kaha nauvalalisa mwishi yamelu ayove Yehova.
Kwinyikila Chamwishi
^ Chipwe “eji kuhonesa.”
^ Chipwe pamo, “kaha nanguseze kuswanga.”
^ Hepe., “navana.”
^ Chipwe “Mwono wami unambe ngwawo.”
^ Chipwe “nakuvandamina namuchima wakuunda.”
^ Chipwe “Mwono wami uli.”
