Lungungu 4:1-22
א [Aleph]
4 Ulu wamwaza wakuvyakuma, unafuvalala.+Malolwa+ azuvo yajila vanawamwangila kumakanyiko ajijila josena.*+
ב [Beth]
2 Vana vaZeyone vavalemu vaze vapwilenga nge* ulu wakutomesa,Vali nakuvamona nge milondo yaunonga,Yize vanatenge kuli muka-kutenga unonga.
ג [Gimel]
3 Vamyumbwe veji kwamwisanga vana vavo,Oloze vatu jami vanakenyuka+ nge vanyamalanda mupambo.+
ד [Daleth]
4 Malimi avakemba anakakachila mujindakwila javo mwomwo yalipwila.Vanyike vali nakulomba kulya,+ oloze naumwe wauchi ali nakuvahanacho.+
ה [He]
5 Vaze valilenga kulya chamwaza, vanasavala mujijila kuswanga mwomwo yazala.*+Vaze vavwalilenga uvwalo wandando yayinene*+ putu kuunyike wavo, vali nakulyalanga muvishita vyauto.
ו [Waw]
6 Kuzangamisa vanazangamisa* vatu jami chinahambakana chize vazangamishile Sotome hashili yayo,+Sotome yize vanongesele mukapyapya kakandende, chakuzeneka mutu wakuyipululula.+
ז [Zayin]
7 VaNajili+ vamuZeyone vatomene kuhambakana mbundu, vatomene kuhambakana mavele.Vachilanyine kuhambakana malolwa akolale.* Vapwile nge safwila yakutomesa.
ח [Heth]
8 Vanelava kuhambakana makala.Kaveshi nakuvatachikiza mujijilako.Vikova vyavo vinominyina havifuwa.+ Vinominyina ngo nge vitondo vyaumu.
ט [Teth]
9 Vaze vanafu kujipoko jamikwale vanawahe kuhambakana vaze vali nakufwa kuzala,+Vanawahe kuhambakana vaze vanahokama, vaze vali nakulindumuka kuzala kwijiva nge vanavatuu poko yamukwale.
י [Yod]
10 Mapwevo vaze vatwama nakeke vali jino nakuteleka vana vavo vakulisemena.+Vali nakulya vana vavo halwola lwavihuli vinawane vatu jami.+
כ [Kaph]
11 Yehova nakwachila vatu matoto.Navahingunwina utenu wenyi.+Naswamika kakahya muZeyone, kaha kanocho vihela vyayo.+
ל [Lamed]
12 Vamyangana vahamavu navatu vatwamaho kavashinganyekele ngwavoMuka-kole mwengila kuvikolo vyaYelusalemako.+
מ [Mem]
13 Oloze chuma kana chalingiwile mwomwo yajishili javapolofweto nakuhenga chavapilishitu+Vaze vamwangilenga manyinga avatu vakwoloka vaze vapwilengamo.+
נ [Nun]
14 Vapolofweto navapilishitu vali nakwijiva kuhitangana nge tupuputa+ mujijila.Vanapihi namanyinga,+Kaha vatu kaveshi nakukwata kuuvwalo wavoko.
ס [Samekh]
15 Vatu vali nakuvamba ngwavo, “Fumenu kuno. Munapihi. Fumenu kuno. Fumenu kuno. Kanda namutukwatako.”Vali nakulumbwangila, vali nakwijiva kuhitangana kaha.Vatu muli vaka-mafuchi vali nakwamba ngwavo: “Kaveshi kuhasa kutwama nayetu kunoko.*+
פ [Pe]
16 Yehova navamwange.+Keshi kukavevwila cheka uselewako.Vatu kaveshi kukavumbika cheka vapilishituko,+ chipwe kutetela vakulwaneko.”+
ע [Ayin]
17 Tunazeye nakutalilila ou mwatukafwa.+Omu twasakile kutukafwa, twafwelelele lifuchi lize kalyeshi kuhasa kutulwilako.+
צ [Tsade]
18 Vali nakutuzomba,+ ngocho naumwe wauchi ali nakuya kuvihela vyetu vyasanga.Kalinwomu vatunongese, makumbi akuyoya chetu anakumu, kunonga chetu chinahete.
ק [Qoph]
19 Vaze vatuhangasanyine vapwile najimbushi kuhambakana vangonga.+Vatuhangasanyine hajipili. Vatuswaminyinyine mupambo.
ר [Resh]
20 Ou vawavisa waYehova,+ ou apwa nge kuhwima chamumazulu etu vanamwozo muwina wavo waunene.+Ou twambilenga ngwetu: “Natutwamanga mumuvule wenyi muli vaka-mafuchi” vanamukwate.
ש [Sin]
21 Ove mwanapwevo Etome,+ ove uli nakutwama mulifuchi lyaUze, wahilila, lisambe.Oloze nayove navakuhana lupasa,+ kaha naupenda nakulizula.+
ת [Taw]
22 Ove mwanapwevo Zeyone, lwola vanakuzangamisa hakuhenga chove lunakumu.Kalunga keshi kukakutwala cheka muufungeko.+Olozenyi ove mwanapwevo Etome, Kalunga mwakuzangamisa hakuhenga chove.Mwasolola jishili jove hatoma.+
Kwinyikila Chamwishi
^ Hepe., “kumitwe yajijila josena.”
^ Chipwe “vaze vapwilenga vavalemu nge.”
^ Hepe., “vanazeye mujijila.”
^ Hepe., “uvwalo uchila,” kulumbununa uvwalo uchila wandando yayinene.
^ Hepe., “Kuhenga vanahengesa.”
^ Malolwa akolale himalolwa andando yayinene akukalungalwiji.
^ Chipwe “kuhasa kuzuzumana kunoko.”