Lushimbi lwamuchivali 33:1-29
33 Eji jikiko jikisu jize Mose, mutu waKalunga wamuchano avilikile kuli vaIsalele shimbu kanda afwenga.+
2 Ambile ngwenyi:“Yehova ejile kufuma kuShinai,+Avamunyikilile kufuma kuSeile.Asolokele muupahu kungalila yajipili yaPalane,+Ejile namayongomena ajila,*+Kaha kulivoko lyenyi lyachilyo kwapwile vatu jenyi vaka-kulwa jita.+
3 Azangile vatu jenyi.+Vatu vajila vosena vali mumavoko enyi.+Vatwamine kutungi yenyi.+Vaputukile kwivwilila kumazu enyi.+
4 (Mose atuhanyine jishimbi,+Jize japwa luheto kuchikungulwilo chaYakova.)+
5 Kalunga apwile mwangana muli vaYeshulune,*+Omu vatwamina javatu valikungulwile,+Hohamwe namiyachi yavaIsalele yosena.+
6 Luvene ayoyenga, kanda afwako,+Kaha vatu jenyi kanda vakehako.”+
7 Mose avilikile jikisu eji kuli Yuta+ ngwenyi:“Ove Yehova ivwilila lizu lyaYuta,+Mukindulwise kuli vatu jenyi.Mavoko enyi anakingi* vyuma vize vyapwa vyenyi.Mukafwe afungulule vaka-kole jenyi.”+
8 Kuli Levi ambile ngwenyi:+“Tumime yove* naUlime+ wove vinapu vyavaze vashishika kuli ove,+Vaze wesekele kuMasa.+Walikokojwesele navo kumeya akuMeliva,+
9 Vaze vambile kuli masevo namanevo ngwavo, ‘Katwavavumbikileko.’Navandumbwavo nawa kavavahakile manganako,+Kaha vahumbwile navana vavo.Mwomwo vakavangijilenga mazu ove,Kaha valamine lushiko lwove.+
10 Vamunangule Yakova mazu ove akuyula+Vanangule navaIsalele Jishimbi jove.+Vakuhane vyuma vyalivumba lyamwaza+Nawana wosena halijiko lyove lyakulumbila.+
11 Ove Yehova, vakisule vapwenga nangolo,Kaha ivwila kuwaha milimo yamavoko avo.Hokojola mahinji* avaze navavanyemukila,Mangana vaze vavahunga vahone kuvakatukila.”
12 Kuli Mbenjamine ambile ngwenyi:+“Ou vazanga kuli Yehova amutwamise mukuunda,Amuhane kwakutwama makumbi osena,Atwame havifwiji vyenyi.”
13 Kuli Yosefwe+ ambile ngwenyi:“Lifuchi lyenyi valikisule kuli Yehova,+Valikisule navyuma vyamwaza vyamwilu,Nalyume nameya akufuma kutuselwoke vahamavu,+
14 Valikisule navyuma vyamwaza vyakufuma kulikumbi,Najimbuto jamwaza kakweji hikakweji,+
15 Valikisule navyuma vyamwaza vyakujipili jakushikulu,*+Navyuma vyamwaza vyakumilundu yahaya myaka yosena,
16 Valikisule navyuma vyamwaza vyahamavu navize vyasokaho,+Valivwile uselewa kuli Uze atwama muchiputa.+Jikisu eji jikeze hamutwe waYosefweJikeze mumbambamutwe yauze vahandunwine kuli vandumbwenyi.+
17 Ulangaji wenyi unapu nge uze wakuji yangombe watwatwa,Jimbinga jenyi jinapu nge jangombe wamuchipapa.Mwakajituvisa vatu veka navekaMbwe nakusongosongo yamavu,Vanapu tununu natununu twaEfwalime,+Vanapu makombakaji aManase.”
18 Kuli Zevulune+ ambile ngwenyi:“Ove Zevulune wahilila namaungeji ove akusekasana,Nayove Isakale nawa wahilila kujimbalaka jove.+
19 Navakasanyika vatu veka naveka vakeze kupili.Navakahana vimuna vakuvatula kuze mukwoloka.Mwomwo navakalya luheto lwaluvulu* lwakutulungalwijiNavikumba vyakusweka muusekeseke.”
20 Kuli Ngate+ ambile ngwenyi:“Ou mwatohwesa jingiza jaNgate+ apwenga wakukisula.Nautama kuze nge ndumba,Nalizange kutanya livoko namutwe hamwe.
21 Mwakalisakwila chihanda chamwaza,+Mwomwo kuze kukiko vanalamina chazano chamuka-kuhana jishimbi.+Vatwamina javatu navakalikungulwila hamwe.Kaha navakasolola kwoloka chaYehovaNamazu enyi akuyula kuli vaIsalele.”
22 Kuli Ndane ambile ngwenyi:+“Ndane napu mwevu wandumba.+Mwakafuminyina kuMbashane.”+
23 Kuli Nafwatale ambile ngwenyi:+“Nafwatale nasuuluka hakumwivwila uselewaJikisu jaYehova jinamuvulila.Heta ngalila yakumulauko neyi yakusulo.”
24 Kuli Ashele ambile ngwenyi:+“Ashele navakamukisula hakumuhana vana vavavulu.Vandumbwenyi vakamwivwile uselewa,Akalyate* mahinji enyi mumaji.
25 Tupachiso twavikolo vyove tukapwe twafwelu naunengu,+Kaha naukayoyanga kanawa makumbi osena.*
26 Kakweshi umwe wakufwana nge Kalunga wamuchano+ wavaYeshuluneko,+Kalunga uze eji kuhitanga mumelu mangana akukafweUze eji kutambukanga hamavwi muukelenga wenyi.+
27 Kalunga apwa uchinyino wove kufuma kushikulu,+Mwakakukwachilila namavoko enyi ahaya myaka yosena.+Mwakahanga vaka-kole kumeso ove,+Kaha mwakakwamba ngwenyi, ‘Vanongese!’+
28 VaIsalele navakapwanga vakukingiwa,Kaselwoke kaYakova nakakapwa kakushita,Mulifuchi lyamanona navinyo vyavihya,+Lize nalikazova nalyume lyakufuma kwilu.+
29 Enu vaIsalele,+ mwatokwa.Veyaze vanapu nge enu,+Vatu vaze veji kumonanga ulwilo waYehova,+Nalukepwe lwenyi lwakukingisa,+Napoko yenyi yamukwale?Vaka-kole jenu navakamivwa woma,+Kaha namukalyatangila hajinyima javo.”*
Kwinyikila Chamwishi
^ Chipwe “natununu natununu twavaze vajila.”
^ Ulumbunwiso, “Mutu Wakwoloka,” hivulukiso yayilemu yavaIsalele.
^ Chipwe “analipikila.”
^ “Yove,” “wove,” “ove,” vili nakutalikisa kuli Kalunga.
^ Chipwe “jitungi.”
^ Chipwe pamo, “vyakujipili jakumututuko.”
^ Hepe., “Mwomwo navakamwa vyuma vyakumbwambumuka.”
^ Chipwe “Akasane.”
^ Hepe., “Kaha ngolo jove najikapwa nge makumbi ove.”
^ Chipwe pamo, “havihela vyavo vyakulunduka.”
