Lushimbi lwamuchivali 34:1-12
34 Jino Mose afumine mulikundu lyaMowave, akandukile kuPili yaNevo,+ helu lyaPishinga+ yize yalitalasana naYeliko.+ Kaha Yehova amulwekesele lifuchi lyosena, kuputukila kuNgileyate swi nakuNdane,+
2 nakuNafwatale kwosena, nangalila yaEfwalime naManase, nangalila yaYuta yosena swi nakukalungalwiji wakumulauko,*+
3 naNengeve+ nangalila+ yaYotau, navinema vyakuYeliko, nganda yamikoma swi nakuZowale.+
4 Jino Yehova ambile kuli ikiye ngwenyi: “Eli likiko lifuchi lize ngwalishingile kuli Apalahama, naIsaka naYakova ngwami, ‘Lifuchi lino nangulihana kuli vaka-tanga yove.’+ Ngunakutalisalyo nameso ove, oloze kaweshi kwingilamoko.”+
5 Kaha Mose ngamba yaYehova afwililile kuze, mulifuchi lyaMowave nge muze ahanjikile Yehova.+
6 Ngocho amufunjile muchinema, mulifuchi lyaMowave, kwakulitalasana naMbete-peyole. Kaha kakweshi mutu naumwe amona fuka yenyi nakulikumbi lyaleloko.+
7 Mose afwile omu apwile namyaka yakusemuka 120.+ Meso enyi kawafuvalalileko, kaha ngolo jenyi kajamukumineko.
8 VaIsalele valilile Mose mulikundu lyaMowave hamakumbi 30.+ Kaha makumbi valilile nakulishona hali Mose akumine.
9 Yoshuwa mwanaNune azalile namangana, mwomwo Mose amunangikile mavoko enyi.+ Ngocho vaIsalele vamwononokele, kaha valingile nge muze Yehova alwezele Mose.+
10 Oloze muli vaIsalele kamwakatukile kapolofweto weka wakufwana nge Mose,+ uze vatachikijile chikuma kuli Yehovako.+
11 Mose alingile vinjikizo navyuma vyakukomwesa vize Yehova amutumine kulinga muEjipitu kuli Fwalo, nakuli vangamba jenyi, nakulifuchi lyenyi lyosena.+
12 Avilingile nalivoko lyangolo, lyakwivwisa woma hameso avaIsalele vosena.+
Kwinyikila Chamwishi
^ Kulumbununa, Kalungalwiji Wamunene, waMendetelenya.
