Mako 16:1-8
-
Yesu mwasanguka (1-8)
16 Jino omu yalingile Sambata+ yinahichi lyehi, Maliya Mangatala naMaliya+ naye yaYakova, naSalome, valanjile vyuma vyalivumba lyamwaza mangana vayenga nakukwita mujimba waYesu.+
2 Kaha vejile kuchimbumbe*+ nachimene halikumbi lyatete muchalumingo, oho likumbi linatutuka lyehi.
3 Jino vapwile nakulihwojola ngwavo: “Iyaze mwatushindumwina lilolwa kuchikolo chachimbumbe?”
4 Oloze omu vandwile meso avo, vamwene lilolwa vanalishindumunako lyehi, numba tuhu lyapwile lyalinene chikuma.+
5 Omu vengilile muchimbumbe, vamwene mukweze walunga natwame kuchilyo, navwale chikuto chitoma, kaha vevwile woma.
6 Ikiye ambile kuli vakiko ngwenyi: “Kanda namwivwa womako.+ Ngunatachikiza ngwami muli nakutonda Yesu wakuNazaleta, uze vasukikanga hachitondo. Vanamusangula lyehi,+ kuno wauchiko. Talenu! Aha hakiko vamusavalikanga.+
7 Oloze yenunga mukalweze tumbaji twenyi naPetulu ngwenu, ‘Ikiye natetekela lyehi kuNgalileya,+ kukiko namukamumwena, nge muze amilwezele.’”+
8 Jino omu valovokele, vafumine jimbushi kuze kuchimbumbe, vachikimine nakulikomokela chikuma. Kaha kavalwezele mutu numba umwe chuma kanako, mwomwo vevwile woma.*+
Kwinyikila Chamwishi
^ Chipwe “kuchimbumbe chakwanukila.”
^ Kweseka najimanyusikilipiti jakulivanga jamwenemwene, mukanda waMujimbu Wamwaza waMako wakumina hamazu amuvesi 8. Tala Chihande A3.
