Malaki 4:1-6
4 Yehova wamayongomena nambe ngwenyi: “Likumbi lyakwenya nge lilungu lyakakahya lili nakwiza,+ kaha vatu vakazamuzamu vosena navaze veji kulinganga vyuma vyavipi, navakawema nakunonga nge visachi. Likumbi kana nalikanongesa vosena, kaha kalyeshi kukasezaho mwiji chipwe mutangoko.
2 Oloze enu mweji kuvumbikanga* lijina lyami, likumbi lyakwoloka nalikamimunyikila namiteleji* yakuhindula. Kaha namukatumbwojoka nge vana vavangombe vakununa.”
3 Yehova wamayongomena nambe ngwenyi: “Vaka-kuhuka namukavalyatangila namahinji enu, mwomwo navakapwa nge mavu muvilyachilo vyenu halikumbi lize nangukavazangamisa.”
4 “Anukenu Jishimbi jangamba yami Mose najindongi jami, namazu ami akuyula, vize ngwahanyine vaIsalele vosena kuHoleve mangana vavilamenga.+
5 “Talenu! Nangumitumina kapolofweto Elija+ shimbu kanda likumbi lyaYehova lyalinene, lyakwivwisa woma lizenga.+
6 Kaha mwakakindulwisa michima yamasevo kuli vana vavo,+ kaha michima yavana vavo nawa mwakayikindulwisa kuli masevo, mangana ngukazeneke kwiza nakwenyeka mavu nakuwanongesa.”
