Mateu 1:1-25
1 Ou ukiko mukanda wamujimbu* waYesu Kulishitu,* mwanaNdavichi,+ mwanaApalahama:+
2 Apalahama asemene Isaka,+Isaka asemene Yakova,+Yakova asemene Yuta+ navana veka vamalunga,
3 Yuta asemene Peleze naZela+ kuli Tamale,Peleze asemene Hezelone,+Hezelone asemene Lame,+
4 Lame asemene Aminatave,Aminatave asemene Nashone,+Nashone asemene Salamone,
5 Salamone asemene Mbowaze kuli Lahave,+Mbowaze asemene Ovete kuli Lute,+Ovete asemene Yese,+
6 Yese asemene mwangana Ndavichi.+Ndavichi asemene Solomone+ kuli uze apwile pwevo lyaUliya.
7 Solomone asemene Lehovowame,+Lehovowame asemene Aviya,Aviya asemene Asa,+
8 Asa asemene Yehoshafwate,+Yehoshafwate asemene Yeholame,+Yeholame asemene Ujiya,
9 Ujiya asemene Yotame,+Yotame asemene Ahaze,+Ahaze asemene Hezekiya,+
10 Hezekiya asemene Manase,+Manase asemene Amone,+Amone asemene Yoshiya,+
11 Yoshiya+ asemene Yekonyiya+ navana veka vamalunga, kafwe halwola lwakuvatwala muufunge kuMbavilone.+
12 Omu valingile vanavatwale lyehi muufunge kuMbavilone, Yekonyiya asemene Sheyalachele,Sheyalachele asemene Zeluvavele,+
13 Zeluvavele asemene Avyute,Avyute asemene Elyakime,Elyakime asemene Azole,
14 Azole asemene Zatoke,Zatoke asemene Akime,Akime asemene Elyute,
15 Elyute asemene Eleyaza,Eleyaza asemene Matane,Matane asemene Yakova,
16 Yakova asemene Yosefwe, lunga lyaMaliya, Maliya uze asemene Yesu,+ ou vavuluka ngwavo Kulishitu.+
17 Visemunwino vyosena kufuma hali Apalahama nakuheta hali Ndavichi vyapwile 14, kaha kufuma hali Ndavichi nakuheta halwola vavatwalile muufunge kuMbavilone hapwile visemunwino 14, kaha nawa kufuma halwola vavatwalile muufunge kuMbavilone nakuheta hali Kulishitu hapwile visemunwino 14.
18 Jino kusemuka chaYesu Kulishitu chapwile ngana. Halwola luze vahuhwile naye Maliya kuli Yosefwe, shimbu kanda valimbate, vawanyine nemita lyehi lijimo nashipilitu yajila.*+
19 Jino hakuwana nge lunga lyenyi Yosefwe apwile wakwoloka, kaha nawa kasakile kumwivwisa sonyi kumeso avatuko, ngocho ajinyine kumulukulula* mukusweka.+
20 Oloze omu alingile nashinganyeka lyehi vyumevi, kangelo kaYehova* alisolwele kuli Yosefwe muchilota, kaha ambile ngwenyi: “Ove Yosefwe mwanaNdavichi, kanda nawivwa woma wakumbata pwevo lyove Maliyako, mwomwo eli lijimo nalimita nashipilitu yajila.+
21 Mwakasema mwana walunga, kaha ukamuluka lijina ngwove Yesu,*+ mwomwo ikiye mwakalwila vatu jenyi kujishili javo.”+
22 Vyuma vyosenevi vyasolokele mangana vitesemo mazu ahanjikile Yehova* kuhichila muli kapolofweto kenyi ngwenyi:
23 “Mwanapwevo uze kanda achilisavaleho lyehi nalunga, mwakemita lijimo, kaha mwakasema mwana walunga. Ou mwana navakamuluka lijina ngwavo Emanwele,”+ kulumbununa, “Kalunga Ali Nayetu.”+
24 Jino Yosefwe ahindukile kutulo, kaha alingile ngana muze vamulwezele kuli kangelo kaYehova,* ambachile pwevo lyenyi.
25 Oloze kalisavalile nenyiko palanga nomu alingile hanaseme lyehi mwana walunga,+ kaha amulukile lijina ngwenyi Yesu.+
Kwinyikila Chamwishi
^ Chipwe “wachisaka.”
^ Chipwe “Meshiya; Ou Vawavisa.”
^ Chipwe “nangolo jaKalunga.”
^ Chipwe “kumutumbika.”
^ Lijina lyaKalunga, Yehova, lyasoloka mapapa 237 muVisoneka VyachiHelase vyaVaka-Kulishitu, kaha hano hakiko hakulivanga kuvuluka lijina kana. Tala Chihande A5.
^ MuchiHepeleu, lijina kana valivuluka ngwavo Yeshuwa chipwe Yoshuwa, kulumbununa “Yehova Ikiye Ulwilo.”
^ Tala Chihande A5.
^ Tala Chihande A5.
