Mijimbu 1 12:1-40
-
Vaka-kukundwiza wangana waNdavichi (1-40)
12 Malunga vamwe vayile kuli Ndavichi kuJikilange+ omu apwile nakuchinwojoka Saulu+ mwanaKishe. Malunga kana vapwile vaka-kwasa jita vangolo vaze vamukundwijilenga hakulwa jita.+
2 Vapwile namata amanana, kaha vahashilenga kwasa mivwi namalolwa amuvikapa+ namavoko avo avilyo nawawa avimoswe.+ Ava malunga vapwile vandumbwaSaulu vakumuyachi waMbenjamine.+
3 Malunga kana vapwile Ahyezele kapitau kavo, naYowashe vaze vapwile vana vaShema wakuNgiveya,+ naYejele naPelete vaze vapwile vana vaAzamavete,+ naMbelaka, naYehu wakuAnatote,
4 naIshimaya wakuNgiveyone+ uze apwile hali vaka-kwasa jita vangolo 30+ kaha nawa kapitau kavo, naYelemiya, naYahajele, naYohanane, naYozavate wakuNgetela,
5 naEluzai, naYelimote, naMbeyaliya, naShemaliya, naShefwachiya wakuHalufwe,
6 naElekana, naIshiya, naAzalele, naYowezele, naYashoveyame vaze vapwile vaKola,+
7 naYowela, naZevachiya vaze vapwile vana vaYelohame wakuNgetole.
8 VaNgate vamwe navakiko vayile nakukundwiza Ndavichi kuchihela chachikalu kuheta mupambo.+ Malunga kana vapwile vaka-kwasa jita vangolo, maswalale vaze valinangwile kwasa jita, vaze vapwilenga najikepwe jajinene namakunga. Vihanga vyavo vyapwilenga nge vyavandumba, kaha vapwilenga vajimbushi chikuma nge vakayi vaze vali hajipili.
9 Ezele ikiye apwile kapitau kavo, kaha muhato wenyi apwile Ovachiya, wamuchitatu apwile Elyave,
10 wamuchiwana apwile Mishimana, wamuchitanu apwile Yelemiya,
11 wakusokesa 6 apwile Atai, wakusokesa 7 apwile Elyele,
12 wakusokesa 8 apwile Yohanane, wakusokesa 9 apwile Elezavate,
13 wakusokesa 10 apwile Yelemiya, kaha wakusokesa 11 apwile Makavanai.
14 Malunga kana vapwile vaNgate,+ tupitau twamaswalale. Wakuzeneka ngolo chikuma ahashile kulwa navatu 100, kaha uze wangolo chikuma ahashile kulwa navatu 1,000.+
15 Ava malunga vakiko vazaukile Yotau mukakweji wakulivanga oku jisanga jaYotau josena jinazale nameya. Kaha vatu vosena vaze vatwaminenga muvyana vavahangilile kumututuko nakumulauko.
16 Malunga vavaMbenjamine navava vavaYuta vamwe navakiko vayile kuchihela chakukola+ kuze apwile Ndavichi.
17 Kaha Ndavichi alovokele nakuvasesa, ambile kuli vakiko ngwenyi: “Kachi nge muneza kuli ami mukuunda mangana mungukafwe, kaha nangulinunga nayenu. Oloze nge munakatukila kungusolola kuli vaka-kole jami okunyi ami kangwalingile chuma chachipi numba chimweko, kaha Kalunga kavakakuluka jetu atale havyuma namulinga nakumisopesa.”+
18 Jino shipilitu yejile hali* Amasai+ uze apwile kapitau kavaka-kwasa jita vangolo 30. Ambile ngwenyi:“Ove Ndavichi, etu tunapu tuvatu jove, kaha nawa tuli nayove, Ove mwanaYese.+Kuunda chipwenga nayove, kaha nawa chipwenga naweshowo ali nakukukafwa,Mwomwo Kalunga kove ali nakukukafwa.”+
Ngocho Ndavichi avatambwile, kaha avatongwele navakiko vapwenga tupitau twamaswalale.
19 Malunga vamwe vakumuyachi waManase navakiko nawa vayile kuli Ndavichi omu ejile hamwe navaFwilishite mangana valwenga jita naSaulu. Oloze Ndavichi kakafwile vaFwilishite kulwa jitako, mwomwo omu valingile hivanatwame lyehi punga, vamyata javaFwilishite+ vamuhangile. Vambile ngwavo: “Mwatuseza nakukundwiza mwata wenyi Saulu, ngocho navatuteta mitwe.”+
20 Ava vakiko malunga vakumuyachi waManase vaze vayile kuli Ndavichi omu apwile kuJikilange:+ Atanu, naYozavate, naYechayele, naMikayele, naYozavate, naElihu, naJiletai, vaze vapwile tupitau twamakombakaji amuyachi waManase.+
21 Vakafwile Ndavichi kulwa nalizavu lyavaka-kunyemukila, mwomwo malunga kana vosena vapwile vindume vakuhamuka.+ Kaha vapwile jino tupitau twamaswalale.
22 Vatu vejilenga kuli Ndavichi+ hakumbi hakumbi mangana vamukafwe, kaha vapwile jino hilizavu lyavaka-jita lyalinene kwijiva nge hilizavu lyaKalunga lyavaka-jita.+
23 Ava vakiko vapwile tupitau twavaka-kwasa jita vaze vejile kuli Ndavichi kuHevelone+ mangana vamuhane wangana waSaulu, kweseka nomu ahanjikile Yehova:+
24 Malunga vavaYuta vaka-kwasa jita vaze vambachilenga jikepwe jajinene namakunga vapwile 6,800.
25 Malunga vavaShimeyone vaka-kwasa jita vangolo, vakuhamuka vapwile 7,100.
26 Malunga vavaLevi vapwile 4,600.
27 Yehoyata+ ikiye apwile kapitau kavana vaAlone,+ kaha apwile navatu 3,700,
28 kuhakilako naZatoke+ uze apwile mukweze wangolo, wakuhamuka hohamwe navatwamina 22 vakuzuvo yakakuluka yenyi.
29 Malunga vavaMbenjamine, vandumbwaSaulu+ vapwile 3,000. Kunyima vavavulu valaminenga vyuma vyakuzuvo yaSaulu.
30 Malunga vavaEfwalime vapwile 20,800. Vapwile vindume vakuhamuka vakuya puho kujizuvo javakakuluka javo.
31 Malunga vakuchimbwa chamuyachi waManase vaze vasakwile halijina halijina mangana vezenga nakuhaka Ndavichi hawangana vapwile 18,000.
32 Malunga vakumuyachi waIsakale vaze vatachikijile kanawa vyalwola navyuma vatelele kulinga vaIsalele vapwile tupitau 200. Vakiko vapwile tupitau twavandumbwavo vosena.
33 Malunga vakumuyachi waZevulune vaze valwilenga jita, vaze valitanjikilenga mumazavu akulongesa kanawa oku vanakwate vitwa vyakulisezaseza vapwile 50,000. Vosena valipanjikile kuli Ndavichi, vashishikile kuli ikiye namichima yavo yosena.*
34 Malunga vakumuyachi waNafwatale vapwile tupitau 1,000, kaha vapwile namalunga 37,000 vaze vambachilenga jikepwe jajinene namakunga.
35 Malunga vakumuyachi waNdane vaze valitanjikilenga mumazavu akulongesa kanawa vapwile 28,600.
36 Malunga vakumuyachi waAshele vaze valwilenga jita, vaze valitanjikilenga mumazavu akulongesa kanawa vapwile 40,000.
37 Malunga vakumuyachi waLuvene naNgate nakuchimbwa chamuyachi waManase vaze vafumine musali yaYotau+ vapwile maswalale 120,000. Valwilenga jita navitwa vyakulisezaseza.
38 Malunga vosenava vapwilenga vaka-kwasa jita vaze valinungile hamwe hakwasa jita. Vejile kuHevelone namuchima umwe mangana vahake Ndavichi hawangana, ayule vaIsalele vosena. Kaha nawa vaIsalele veka vosena valinungile hamwe* mangana vahake Ndavichi hawangana.+
39 Vapwile kuze naNdavichi makumbi atatu, kaha valile nakunwa, mwomwo vandumbwavo vavawahishilile vyakulya.
40 Kaha nawa vatu vaze vapwile hakamwihi navaze vapwile kwakusuku kuIsakale, nakuZevulune, nakuNafwatale vanehele vyakulya vyavivulu havimbulu, nahavangamela, nahavangombe. Vyakulya kana vyapwile unga, navindanda vyajikuyu, navindanda vyamihako yamivinyo yaumu, navinyo, namaji, navangombe, namikoko mwomwo vatu vawahililile chikuma muIsalele.
Kwinyikila Chamwishi
^ Hepe., “yafwikile.”
^ Chipwe “Vosena vaze valipanjikile kuli Ndavichi kavapwile namichima yivaliko.”
^ Hepe., “vapwile namuchima umwe.”
