Mijimbu 1 20:1-8
20 Kukuputuka chamwaka,* halwola luze vayilenga vamyangana kujita, Yowave+ atwaminyinyine lizavu lyamaswalale kujita, kaha vakanongesele lifuchi lyavaAmone. Vakahakile nawa nganda yaLava+ muchingombela. Oloze Ndavichi asalile muYelusalema.+ Yowave alukukile nganda yaLava nakuyinongesa.+
2 Kaha Ndavichi azulile muchama kumutwe waMalakame.* Muchama kana walemene talende* yaulu yimwe. Wapwile nawa namalolwa andando yayinene. Kaha vavwikile Ndavichi uze muchama kumutwe. Ndavichi ambachile nawa vyuma vyakupupa vyavivulu munganda kana.+
3 Ambachile nawa vatu vamunganda kana, avahanyine mulimo+ wakuzachisa malolwa akutetesa, navinoma vyafwelu vyakuvambuka, najingimbu jafwelu. Omu mukiko alingile nakujinganda jeka javaAmone josena. Kufumaho, Ndavichi namaswalale vosena vakindulukile kuYelusalema.
4 Kutwala muze, vaIsalele valwile cheka jita navaFwilishite kuNgezele. Halwola kana Shivekai+ wakuHusha ajihile Shipai uze apwile wakutanga yaLefwaime.+ Kaha vaFwilishite vavafungulwile.
5 VaIsalele valwile cheka jita navaFwilishite, kaha Elehanane mwanaYaile ajihile Lami ndumbwaNgolyate+ wakuNgata. Mulunda walikunga lyaLami wapwile nge mwalachi wavaka-kutunga mahina.+
6 Jita yepukile cheka kuNgata.+ Kujita kana kwapwile lunga umwe wakutaluka chikuma,+ uze apwile naminwe 6 kulivoko hilivoko, naminwe 6 kulihinji hilihinji. Minwe yosena yapwile 24. Naikiye apwile wakutanga yaLefwaime.+
7 Ou lunga ahulamishilenga+ vaIsalele. Ngocho Yonatane mwanaShimeya,+ Shimeya ndumbwaNdavichi amujihile.
8 Malunga vosena ava vapwile vakutanga yaLefwaime+ muNgata.+ Kaha vavajihile kuli Ndavichi navangamba jenyi.
Kwinyikila Chamwishi
^ Kulumbununa, kuchivatuko chavula.
^ Malakame apwile pamo kaponya, kalunga kavaAmone. Muvisoneka vyeka vamuvuluka ngwavo Moleke chipwe Milikome.
^ Kafwe jikilongalamu 34.2. Tala Chihande B14.
