Mijimbu 1 25:1-31
-
Vaka-kwimba visaji namyaso kuzuvo yaKalunga (1-31)
25 Ndavichi navatwamina jamazavu avaka-kuzata vahandunwine vana vamwe vaAsafwe, naHemane, naYelutune+ mangana vapolofwetenga natulyalya, navisaji vyamikole,+ najingunga.+ Awa akiko majina amalunga vaze vazachilenga mulimo kanou:
2 Kuli vana vaAsafwe vamalunga kwapwile Zakule, naYosefwe, naNetanyiya, naAshalela. Ava vakiko vapwile vana vaAsafwe vaze vatwaminyinyinenga kuli Asafwe, uze nawa vatwaminyinyinenga kuli mwangana hakuzata mulimo wakupolofweta.
3 Kuli vana vaYelutune+ vamalunga kwapwile Ngetaliya, naZeli, naYeshaya, naShimei, naHashaviya, naMachichiya.+ Vosena vapwile 6. Vavatwaminyinyinenga kuli sevo Yelutune, kaha vapolofwetelenga natulyalya mangana vasakwilile Yehova+ nakumwalisa.
4 Kuli vana vaHemane+ vamalunga kwapwile Mbukiya, naMatanyiya, naUjiyele, naShevuwele, naYelimote, naHananyiya, naHananyi, naEliyata, naNgitalachi, naLomamachi-ezele, naYoshovekasha, naMalochi, naHochile, naMahajote.
5 Vosenava vapwile vana vaHemane uze apwile mutu wamwangana muka-kumona vyakumwenesa vyakupandama kuli Kalunga wamuchano, vize vyamutohweselenga.* Kalunga wamuchano ahanyine Hemane vana vamalunga 14 navana vamapwevo vatatu.
6 Vosenava vavatwaminyinyinenga kuli sevo hakwimba myaso kuzuvo yaYehova. Vembilenga jingunga, navisaji vyamikole, natulyalya.+ Ou ukiko mulimo vazachilenga kuzuvo yaKalunga wamuchano.
Asafwe, naYelutune, naHemane vavatwaminyinyinenga kuli mwangana.
7 Malunga kana hohamwe navandumbwavo vaze vanangwile kwimbila Yehova myaso, vaze vapwile vakuluwa, vosena vapwile 288.
8 Shikaho vaze vavalemu navaze vamokomoko, vakuluwa navaze vapwile nakulinangula, vazachishile tutachikijilo+ hakulipangila milimo vatelele kuzata mutu himutu.
9 Katachikijilo kakulivanga kaholokelele hali Yosefwe+ mwanaAsafwe, kaha kamuchivali kaholokelele hali Ngetaliya.+ (Ngetaliya navandumbwenyi navana venyi vamalunga vapwile 12).
10 Kamuchitatu kaholokelele hali Zakule,+ navana venyi vamalunga, navandumbwenyi. Vosena vapwile 12.
11 Kamuchiwana kaholokelele hali Ijili, navana venyi vamalunga, navandumbwenyi. Vosena vapwile 12.
12 Kamuchitanu kaholokelele hali Netanyiya,+ navana venyi vamalunga, navandumbwenyi. Vosena vapwile 12.
13 Kakusokesa 6 kaholokelele hali Mbukiya, navana venyi vamalunga, navandumbwenyi. Vosena vapwile 12.
14 Kakusokesa 7 kaholokelele hali Yeshalela, navana venyi vamalunga, navandumbwenyi. Vosena vapwile 12.
15 Kakusokesa 8 kaholokelele hali Yeshaya, navana venyi vamalunga, navandumbwenyi. Vosena vapwile 12.
16 Kakusokesa 9 kaholokelele hali Matanyiya, navana venyi vamalunga, navandumbwenyi. Vosena vapwile 12.
17 Kakusokesa 10 kaholokelele hali Shimei, navana venyi vamalunga, navandumbwenyi. Vosena vapwile 12.
18 Kakusokesa 11 kaholokelele hali Azalele, navana venyi vamalunga, navandumbwenyi. Vosena vapwile 12.
19 Kakusokesa 12 kaholokelele hali Hashaviya, navana venyi vamalunga, navandumbwenyi. Vosena vapwile 12.
20 Kakusokesa 13 kaholokelele hali Shuvayele,+ navana venyi vamalunga, navandumbwenyi. Vosena vapwile 12.
21 Kakusokesa 14 kaholokelele hali Machichiya, navana venyi vamalunga, navandumbwenyi. Vosena vapwile 12.
22 Kakusokesa 15 kaholokelele hali Yelemote, navana venyi vamalunga, navandumbwenyi. Vosena vapwile 12.
23 Kakusokesa 16 kaholokelele hali Hananyiya, navana venyi vamalunga, navandumbwenyi. Vosena vapwile 12.
24 Kakusokesa 17 kaholokelele hali Yoshovekasha, navana venyi vamalunga, navandumbwenyi. Vosena vapwile 12.
25 Kakusokesa 18 kaholokelele hali Hananyi, navana venyi vamalunga, navandumbwenyi. Vosena vapwile 12.
26 Kakusokesa 19 kaholokelele hali Malochi, navana venyi vamalunga, navandumbwenyi. Vosena vapwile 12.
27 Kakusokesa 20 kaholokelele hali Eliyata, navana venyi vamalunga, navandumbwenyi. Vosena vapwile 12.
28 Kakusokesa 21 kaholokelele hali Hochile, navana venyi vamalunga, navandumbwenyi. Vosena vapwile 12.
29 Kakusokesa 22 kaholokelele hali Ngitalachi,+ navana venyi vamalunga, navandumbwenyi. Vosena vapwile 12.
30 Kakusokesa 23 kaholokelele hali Mahajote,+ navana venyi vamalunga, navandumbwenyi. Vosena vapwile 12.
31 Kakusokesa 24 kaholokelele hali Lomamachi-ezele,+ navana venyi vamalunga, navandumbwenyi. Vosena vapwile 12.
Kwinyikila Chamwishi
^ Hepe., “vyazezwilenga lumbinga lwenyi helu.”
