Mijimbu 1 4:1-43
4 Vana vaYuta vamalunga vapwile Peleze,+ naHezelone,+ naKalami, naHule,+ naShovale.+
2 Leyaya mwanaShovale asemene Yahate. Kaha Yahate asemene Ahumai naLahate. Ava vakiko vapwile jitanga javaZola.+
3 Ava vakiko vapwile vana valunga umwe uze apwile ise yaEtame:*+ Yezelele, naIshima, naItavashe (kaha lijina lyandumbwavo wapwevo apwile ikiye Hezeleleponyi).
4 Penwele asemene Ngetole, kaha Ezele asemene Husha. Ava vakiko vapwile vana vaHule+ twatwa yaEfwalata. Hule ikiye apwile ise yaMbetelema.+
5 Ashule+ uze apwile ise yaTekowa+ apwile namapwevo vavali. Umwe apwile Hela, mukwavo apwile Nala.
6 Kuli Nala asemeneneko Ahuzame, naHefwele, naTemenyi, naHahashatali. Ava vakiko vapwile vana vaNala vamalunga.
7 Vana vaHela vamalunga vapwile Zelete, naIzahale, naEtenane.
8 Koze asemene Anuve, naZoveva, najitanga jaAhalahele mwanaHalume.
9 Yaveze vamuvumbikilenga chikuma kuhambakana vandumbwenyi. Kaha naye amulukile lijina ngwenyi Yaveze,* mwomwo ngwenyi: “Ngwamusemene naluyando.”
10 Yaveze alombele kuli Kalunga kaIsalele ngwenyi: “Ngukisule nakutohwesa ngalila yami. Ngukafwe nangolo jove, ngukinge kuvihuli kuchina navinguyanjisa.” Ngocho Kalunga amulingilile vyuma alombele.
11 Keluve ndumbwaShuha asemene Mehile ise yaEshetone.
12 Eshetone asemene Mbete-lafwa, naPaseya, naTehina uze apwile ise yaIle-nahashe. Ava vakiko vapwile malunga vamuLeka.
13 Vana vaKenaze vamalunga vapwile Otonyele+ naSelaya. Kaha mwanaOtonyele* walunga apwile Hatate.
14 Meyonotai asemene Ofwola. Selaya asemene Yowave uze apwile ise yavatu vaze vatwaminenga muNge-halashime.* Vatu kana vapwile vitotombwe.
15 Vana vamalunga vaKaleve+ mwanaYefune vapwile Ilu, naEla, naName. Kaha mwanaEla* walunga apwile Kenaze.
16 Vana vaYehalelele vamalunga vapwile Jifwe, naJifwa, naChiliya, naAsalele.
17 Vana vaEzela vamalunga vapwile Yetele, naMelete, naEfwele, naYalone. Pwevo umwe* emichile lijimo, kaha asemene Milyame, naShamai, naIshiva uze apwile ise yaEshetemowa.
18 (Pwevo wakaYuleya uze asombokele kuli Melete asemene Yelete uze apwile ise yaNgetole. Asemene nawa Hevele uze apwile ise yaSoko. Kaha asemene nawa Yekuchele uze apwile ise yaZanowa.) Ava vakiko vana vamalunga vaMbichiya mwanaFwalo uze vambachile kuli Melete.
19 Vana vapwevo lyaHochiya, ndumbwaNahame vakiko vapwile venyaKeila yavaNgalame, naEshetemowa yavaMakate.
20 Vana vaShimone vamalunga vapwile Amanone, naLina, naMbene-hanane, naChilone. Kaha vana vaIshi vamalunga vapwile Zohete naMbene-zohete.
21 Vana vaShela+ mwanaYuta vapwile Ele uze apwile ise yaLeka, naLata uze apwile ise yaMalesha, najitanga javaze vakuzuvo yaAshaveya vaze vatungilenga mahina amwaza,
22 naYokime, namalunga vakuKozeva, naYowashe, naSalafwe vaze vambachile mapwevo vavaMowave, naYashuvi-leheme. Mijimbu kana yakushikulu.*
23 Vatu kana vapwile vaka-kutenga vyuma vyaunonga vaze vatwaminenga kuNetaime nakuNgetela. Vatwaminenga kuze nakuzachila mwangana.
24 Vana vaShimeyone+ vamalunga vapwile Nemwele, naYamine, naYalive, naZela, naShaulu.+
25 Shaulu asemene Shalume, Shalume asemene Mivisame, Mivisame asemene Mishima.
26 Mishima asemene Hamwele, Hamwele asemene Zakule, Zakule asemene Shimei.
27 Shimei apwile navana vamalunga 16 navana vamapwevo 6. Oloze vandumbwenyi kavapwile navana vamalunga vavavuluko, kaha nawa jitanga javo kajapwile navana vavavulu ngana mwamalunga vavaYutako.+
28 Vatu kana vatwaminenga kuMbele-sheva,+ nakuMolata,+ nakuHazale-shuwale,+
29 nakuMbiliha, nakuEzeme,+ nakuTolate,
30 nakuMbetwele,+ nakuHoloma,+ nakuJikilange,+
31 nakuMbete-malakavote, nakuHazale-sushime,+ nakuMbete-mbili, nakuShalaime. Eji jikiko japwile jinganda javo palanga nakulwola ayulile Ndavichi.
32 Jinganda javo jitanu japwile Etame, naAine, naLimone, naTokene, naAshane,+
33 kuhakilako namembo avo aze ajingilikile kujinganda kana swi nakuMbale. Omu mukiko muvihela vatwaminenga, kaha nawa awa akiko majina avisaka vyavo.
34 Awa akiko majina avamyata vajitanga javo: Meshovave, naYamaleke, naYosha mwanaAmajiya,
35 naYowele, naYehu mwanaYoshiviya, Yoshiviya mwanaSelaya, Selaya mwanaAshiyele,
36 naEliyowenai, naYakova, naYeshohaya, naAsaya, naAchele, naYeshimiyele, naMbenaya,
37 naJiza mwanaShifwi, Shifwi mwanaAlone, Alone mwanaYetaya, Yetaya mwanaShimili, Shimili mwanaShemaya.
38 Ava vanavuluka hamajina avo vakiko vapwile vamyata mujitanga javo. Kaha vatu vamujitanga javakakuluka javo vavulile chikuma.
39 Kutwala muze vayile kuwingililo waNgetole, kumututuko wachinema nakutondatonda kwakulila vimuna javo.
40 Kaha vawanyine maulilo amwaza amwila wauvulu. Ngalila kana yapwile yayinene, yakuhola kulu, yakuunda. Kungalila kana kwapwilenga vaHame+ shimbu kanda vakiko vezengako.
41 Hamakumbi aMwangana wavaYuta Hezekiya,+ ava malunga vakwechi majina vanasoneka vayile nakushiula jimbalaka javaHame navaMeune vaze vapwilenga kuze kungalila. Vanongesele vaHame navaMeune, kaha kavatwamako palanga nakulelo lino. Ngocho vatwamine kungalila kana mwomwo kwapwile maulilo avimuna javo.
42 VaShimeyone 500 vayile kuPili yaSeile.+ Vavatwaminyinyine kuli Pelachiya, naNeyaliya, naLefwaya, naUjiyele, vana vaIshi.
43 Kaha vajihile vaAmaleke+ vaze vachinyine. Ngocho vatwama kuze palanga nakulelo lino.
Kwinyikila Chamwishi
^ Majina amwe mukapetulu uno anatalikisa kuvihela keshi kuvatuko. Ngocho mujivesi kana lizu “ise” linahase kulumbununa “mwenyachihela.”
^ Lijina Yaveze lyalifwana nalizu lyachiHepeleu lyalumbununa “kukola.”
^ Hepe., “vana vaOtonyele.”
^ Ulumbunwiso, “Chinema chaVitotombwe.”
^ Hepe., “vana vaEla.”
^ Pamo Mbichiya vanavuluka muvesi 18.
^ Chipwe “Mazu kana anapu achisemwa chamwaka.”
