Mijimbu 1 7:1-40
7 Jino vana vaIsakale vawana vapwile Tola, naPuwa, naYashuve, naShimilone.+
2 Kaha vana vaTola vapwile Uji, naLefwaya, naYelyele, naYamai, naIvisame, naShemwele, vaze vapwile vatwamina vakujizuvo javakakuluka javo. Ava vaka-tanga yaTola vapwile vaka-kwasa jita vangolo. Mumakumbi aNdavichi vapwile 22,600.
3 Vaka-tanga* yaUji vapwile Yezelahiya navana vaYezelahiya. Vana vaYezelahiya vapwile Mikayele, naOvachiya, naYowele, naIshiya. Ava vaka-tanga yaUji vatanu vapwile tupitau.*
4 Hakuwana nge vapwile namapwevo vavavulu navana vavavulu, ngocho vapwile namaswalale vakulwa jita 36,000 kweseka najitanga javo najizuvo javakakuluka javo.
5 Kaha vandumbwavo vakujitanga jaIsakale josena vapwile vaka-kwasa jita vangolo. Vapwile 87,000 kweseka nomu vavasonekele muvisaka vyavo.+
6 Vana vaMbenjamine+ vatatu vapwile Mbela,+ naMbekele,+ naYechayele.+
7 Vana vaMbela vatanu vapwile Ezevone, naUji, naUjiyele, naYelimote, naIli. Vapwile vatwamina vakujizuvo javakakuluka javo, vaka-kwasa jita vangolo. Vapwile 22,034 kweseka nomu vavasonekele muvisaka vyavo.+
8 Vana vaMbekele vapwile Zemila, naYowashe, naEliyeze, naEliyowenai, naOmoli, naYelemote, naAviya, naAnatote, naAlemete. Vosenava vapwile vana vaMbekele.
9 Vapwile vaka-kwasa jita vangolo 20,200 vaze vasonekele kweseka navisaka vyavatwamina vakujizuvo javakakuluka javo.
10 Vana vaYechayele+ vapwile Mbilihane navana vaMbilihane. Vana vaMbilihane vapwile Yeushe, naMbenjamine, naEhute, naKenana, naZetane, naTalashishe, naAhishahale.
11 Vosenava vapwile vana vaYechayele kweseka navatwamina vakujizuvo javakakuluka javo. Vapwile vaka-kwasa jita vangolo 17,200.
12 VaShupime navaHupime vapwile vana vaIle.+ Kaha vaHushime vapwile vana vaAhele.
13 Vana vaNafwatale+ vapwile Yajele, naNgunyi, naYezele, naShalume vaze vapwile vaka-tanga* yaMbiliha.+
14 Ava vakiko vana vaManase:+ Asalyele uze asemenene kuli pwevo lyenyi mukwavo wakaSulya. (Ou pwevo asemene nawa Makile+ uze apwile ise yaNgileyate.
15 Makile ambachilile Hupime naShupime mapwevo. Lijina lyandumbwavo wapwevo apwile ikiye Maka.) Mwanenyi wamuchivali apwile Zelofwehate.+ Oloze Zelofwehate apwile navana vamapwevo kaha.+
16 Maka pwevo lyaMakile asemene mwana walunga, kaha amulukile lijina ngwenyi Peleshe. NdumbwaPeleshe apwile Sheleshe, kaha vana vaSheleshe vapwile Ulame naLekeme.
17 MwanaUlame* apwile Mbetane. Vosenava vapwile vaka-tanga yaNgileyate mwanaMakile, Makile mwanaManase.
18 NdumbwaNgileyate wapwevo apwile Hamolekete. Hamolekete asemene Ishitote, naAviyezele, naMala.
19 Vana vaShemita vapwile Ahyane, naShekeme, naLiki, naAnyame.
20 MwanaEfwalime+ apwile Shutela,+ kaha Shutela asemene Mbelete, Mbelete asemene Tahate, Tahate asemene Eleyata, Eleyata asemene Tahate,
21 Tahate asemene Zavate, Zavate asemene Shutela. Efwalime asemene nawa Ezele naEleyate. Oloze vavajihile kuli malunga vamuNgata+ mwomwo vayile nakumbata vimuna javo.
22 Sevo Efwalime alishonene hamakumbi amavulu, kaha vandumbwenyi vejilenga nakumuvendejeka.
23 Kutwala muze, Efwalime alisavalile napwevo lyenyi, kaha pwevo lyenyi emichile lijimo nakusema mwana walunga. Efwalime amulukile lijina ngwenyi Mbeliya* mwomwo asemukile halwola luze mutanga yavo mwapwile ukalu.
24 Kaha mwanenyi wapwevo apwile Shela uze atungile Mbete-holone+ yaKuchikulo,+ naMbete-holone yaKutunda, naUzeneshela.
25 Efwalime asemene nawa Lefwa naLeshefwe.* Leshefwe asemene Tela, Tela asemene Tahane,
26 Tahane asemene Latane, Latane asemene Amihute, Amihute asemene Elishama,
27 Elishama asemene Nune, Nune asemene Yoshuwa.*+
28 Elu lukiko lwapwile luheto lwavo namembo avo: Nganda yaMbetele+ najimbongi jajingilikileko, kaha kumututuko kwapwile nganda yaNalane, kumulauko kwapwile Ngezele najimbongi jajingilikileko, naShekeme najimbongi jajingilikileko, swi nakuAya* najimbongi jajingilikileko.
29 Kuli vaka-tanga yaManase kwahachile nganda yaMbete-sheyane+ najimbongi jajingilikileko, naTanake+ najimbongi jajingilikileko, naMengito+ najimbongi jajingilikileko, naNdole+ najimbongi jajingilikileko. Omu mukiko vatwaminenga vaka-tanga yaYosefwe mwanaIsalele.
30 Vana vaAshele vamalunga vapwile Imina, naIshiva, naIshivi, naMbeliya,+ naSela ndumbwavo wapwevo.+
31 Vana vaMbeliya vapwile Hevele naMalakiyele uze apwile ise yaMbilizaite.
32 Hevele asemene Yafwalete, naShomele, naHotame, namwana wapwevo Shuwa.
33 Vana vaYafwalete vapwile Pasake, naMbimihale, naAshavate. Ava vakiko vapwile vana vaYafwalete.
34 Vana vaShemele* vapwile Ahi, naLonga, naYehumba, naAlame.
35 Vana vandumbwenyi Heleme* vapwile Zofwa, naImina, naSheleshe, naAmale.
36 Vana vaZofwa vapwile Suwa, naHalanefwele, naShuwale, naMbeli, naImila,
37 naMbezele, naHote, naShama, naShilisha, naIchilane, naMbela.
38 Vana vaYetele vapwile Yefune, naPishipa, naAla.
39 Vana vaUla vapwile Ala, naHanyele, naLija.
40 Vosenava vapwile vaka-tanga yaAshele, vaze vapwile vatwamina vakujizuvo javakakuluka javo, kaha nawa vakusakula, vaka-kwasa jita vangolo, vatwamina javamyata. Vaze vasonekele+ kweseka navisaka vyavo vapwile malunga vaka-kwasa jita 26,000.+
Kwinyikila Chamwishi
^ Hepe., “vapwile vatwamina.”
^ Hepe., “Vana.”
^ Hepe., “vana.”
^ Hepe., “Vana vaUlame.”
^ Ulumbunwiso, “Naukalu.”
^ Chasoloka nge Lefwa naLeshefwe vapwile vana vaMbeliya.
^ Chipwe “Yehoshuwa,” kulumbununa “Yehova Ikiye Ulwilo.”
^ Chipwe pamo, “nakuNgaza.” Oloze keshi Ngaza yakuFwilishiteko.
^ Ou Shemele ikiye uze vanavuluka muvesi 32 ngwavo Shomele.
^ Pamo ikiye Hotame. Tala vesi 32.
