Mijimbu 1 9:1-44
9 VaIsalele vosena vavasonekele kweseka navisaka vyavo. Vavasoneka muMukanda waVamyangana javaIsalele. VaYuta vavatwalile muufunge kuMbavilone hakuhona chavo kushishika.+
2 VaIsalele vamwe, navapilishitu, navaLevi, navangamba vakutembele*+ vakiko vapwile vakulivanga kukinduluka kuluheto lwavo mujinganda javo.
3 Ava vakiko vatu vamwe vakumuyachi waYuta,+ namuyachi waMbenjamine,+ namuyachi waEfwalime, namuyachi waManase vaze vayile nakutwama muYelusalema:
4 Kuli vaka-tanga yaPeleze+ mwanaYuta kwafumine Utai mwanaAmihute, Amihute mwanaOmoli, Omoli mwanaImili, Imili mwanaMbanyi.
5 Kuli vaShilo kwafumine Asaya uze apwile twatwa navana venyi.
6 Kuli vana vaZela+ vamalunga kwafumine Yuwele navandumbwavo veka 690.
7 Kuli vaka-tanga yaMbenjamine kwafumine Salu mwanaMeshulame, Meshulame mwanaHotaviya, Hotaviya mwanaHasenuwa.
8 Kwafumine nawa Ivineya mwanaYelohame, naEla mwanaUji, Uji mwanaMikili. Kaha kwafumine nawa Meshulame mwanaShefwachiya, Shefwachiya mwanaLeule, Leule mwanaIvinyiya.
9 Vandumbwavo vapwile 956 kweseka navisaka vyavo. Malunga vosenava vapwile vatwamina vakujizuvo javakakuluka javo.*
10 Kuli vapilishitu kwafumine Yetaya, naYehoyalive, naYakine,+
11 naAzaliya mwanaHilikiya, Hilikiya mwanaMeshulame, Meshulame mwanaZatoke, Zatoke mwanaMelayote, Melayote mwanaAhituve uze apwile twamina kuzuvo* yaKalunga wamuchano.
12 Kwafumine nawa Ataya mwanaYelohame, Yelohame mwanaPashule, Pashule mwanaMalakiya. Kaha kwafumine nawa Masai mwanaAchele, Achele mwanaYazela, Yazela mwanaMeshulame, Meshulame mwanaMeshilemite, Meshilemite mwanaImele,
13 navandumbwavo vaze vapwile vatwamina vakujizuvo javakakuluka javo. Vapwile vindume 1,760 vaze vazachilenga milimo kuzuvo yaKalunga wamuchano.
14 Kuli vaLevi vakutanga yaMelali kwafumine Shemaya+ mwanaHashuve, Hashuve mwanaAzalikame, Azalikame mwanaHashaviya.
15 Kwafumine nawa Mbakambakale, naHeleshe, naNgalale, naMatanyiya mwanaMika, Mika mwanaJikili, Jikili mwanaAsafwe.
16 Kaha kwafumine nawa Ovachiya mwanaShemaya, Shemaya mwanaNgalale, Ngalale mwanaYelutune. Kwafumine nawa Mbelekiya mwanaAsa, Asa mwanaElekana uze atwaminenga mumembo avaNetofwa.+
17 Vaka-kulama kuvikolo+ vapwile Shalume, naAkuve, naTalamone, naAhimane, nandumbwavo Shalume uze apwile twamina.
18 Shalume alaminenga kuchikolo chamwangana chakumututuko+ kuheta nakulwola kanelu. Ava vakiko vapwilenga vaka-kulama kuvikolo vyavilombo vyavaLevi.
19 Kaha Shalume mwanaKole, Kole mwanaEviyasafwe, Eviyasafwe mwanaKola, navaKola vaze vapwile vandumbwaShalume vakuzuvo yakakuluka yenyi, vakiko vatalilenga mulimo wakulama kuchikolo chambalaka ngana muze vakakuluka javo valaminenga kuwingililo wachilombo chaYehova.
20 Kushikulu, Fwinehase+ mwanaEleyaza+ ikiye apwile twamina yavo. Yehova apwilenga naikiye.
21 Zekaliya+ mwanaMeshelemiya ikiye apwile muka-kulama kuchikolo chambalaka yakuliwanyina.
22 Vosena vaze vasakwile kupwa vaka-kulama kuvikolo hamikwilichi vapwile 212. Vatwaminenga mumembo avo kweseka nomu vavasonekele muvisaka vyavo.+ Vavatongwele kuli Ndavichi naSamwele muka-kumona vyakulutwe+ mangana vazate milimo yatela vatu vakashishi.
23 Vazachilenga hamwe navana vavo mulimo wakulama kuvikolo vyazuvo yaYehova,+ zuvo yambalaka.
24 Vaka-kulama kuvikolo vapwilenga kumitamba yosena yiwana, kumututuko, nakumulauko, nakunote, nakusulo.+
25 Shimbu jimwe vandumbwavo vafuminenga kumembo avo nakwiza nakuvakafwako kuzata milimo hamakumbi 7.
26 Eyi milimo yatela vatu vakashishi vayizachilenga kuli vakulwane* vawana vaka-kulama kuvikolo. Ava vakulwane vapwilenga vaLevi, kaha vakiko vatalilenga tupete* navikumba vyamuzuvo yaKalunga wamuchano.+
27 Vapwilenga muvihela vyavo ufuku wosena kuzuvo yaKalunga wamuchano jingulwishi, mwomwo vakiko vazachilenga mulimo wakulama. Vakiko nawa valaminenga sapi, ngocho vasokolwelenga kuzuvo chimene hichimene.
28 Vamwe valaminenga vinoma+ vyakuzachisa. Valavilenga vinoma kana omu vavingishilenga mukachi nomu vavilowelenga haweluka.
29 Veka vavahanyine mulimo wakulama vinoma vyeka, navinoma vyajila vyosena,+ naunga wamwaza,+ navinyo,+ nalavona,+ namaji ambalasamu,+ namaji+ eka.
30 Vana vavapilishitu vamwe vakiko vapwile namulimo wakuyenga maji alivumba lyamwaza ambalasamu.
31 Machichiya kaLevi uze apwile twatwa yaShalume kaKola, ikiye atalilenga mulimo wakwocha jimbolo hachikango, mulimo watela mutu wakashishi.+
32 Vandumbwavo veka vaze vapwile vaKohate vatalilenga mulimo wakuwahisa jimbolo jakulumbika*+ hasambata hisambata.+
33 Ava vakiko vapwilenga nawa vaka-kwimba mutupete,* vatwamina vakujizuvo javakakuluka javaLevi. Kavavahanyine milimo yekako, mwomwo vazachilenga eyi milimo yavo musana naufuku.
34 Ava vakiko vapwile vatwamina vakujizuvo javakakuluka javaLevi kweseka navisaka vyavo. Vatwaminenga muYelusalema.
35 Yeyele atwaminenga muNgiveyone,+ kaha ikiye apwile mwenyanganda kana. Pwevo lyenyi apwile ikiye Maka.
36 Mwanenyi watwatwa walunga apwile Avatone, kaha hinamushisa Zule, naKishe, naMbale, naNele, naNatave,
37 naNgetole, naAhiyo, naZekaliya, naMikilote.
38 Mikilote asemene Shimeyame. Kaha vosena vatwaminenga navandumbwavo muYelusalema kwakamwihi navandumbwavo veka.
39 Nele+ asemene Kishe. Kishe asemene Saulu.+ Saulu asemene Yonatane,+ naMalaki-shuwa,+ naAvinatave,+ naEshembale.
40 MwanaYonatane walunga apwile Melive-mbale.+ Melive-mbale asemene Mika.+
41 Vana vaMika vamalunga vapwile Pitone, naMeleke, naTahaleya, naAhaze.
42 Ahaze asemene Yala. Yala asemene Alemete, naAzamavete, naJimili. Jimili asemene Moza.
43 Moza asemene Mbineya, Mbineya asemene Lefwaya, Lefwaya asemene Eleyasa, Eleyasa asemene Azele.
44 Azele apwile navana vamalunga 6. Awa akiko majina avo: Azalikame, naMbokelu, naIshimele, naSheyaliya, naOvachiya, naHanane. Ava vakiko vapwile vana vaAzele vamalunga.
Kwinyikila Chamwishi
^ Chipwe “navaNechine.” Hepe., “ava vakuhana.”
^ Hepe., “vatwamina vamasevo vakujizuvo jamasevo.”
^ Chipwe “kutembele.”
^ Chipwe “tupete vakulila.”
^ Hepe., “vaka-ngolo.”
^ Kulumbununa, jimbolo jakuhana Kalunga.
^ Chipwe “mutupete vakulila.”
