Mijimbu 2 22:1-12
22 Jino vatu vamuYelusalema vaswanyishile Ahajiya mwanaYeholame wakasulasongo hawangana, mwomwo lizavu lyavaka-kunyemukila lize lyejile navaAlavya muchilombo chavaYuta lyajihile vana vaYeholame vakukola vosena.+ Ngocho Ahajiya mwanaYeholame apwile jino mwangana wavaYuta.+
2 Ahajiya apwile namyaka yakusemuka 22 omu aputukile kuyula, kaha ayulile mwaka umwe muYelusalema. Lijina lyanaye apwile ikiye Ataliya+ muzukulu* lyaOmoli.+
3 Ahajiya akavilenga jijila jajipi javaze vakuzuvo yaAhave,+ mwomwo naye amunangwile vilinga vyavipi.
4 Ahajiya alingilenga vyuma vyavipi kumeso aYehova nge muze valingilenga vaze vakuzuvo yaAhave, mwomwo vakiko vapwile vaka-kumulweza mangana omu afwile ise. Ngocho vahichikishilemo mwono wenyi.
5 Likumbi limwe, Ahajiya akavangijile vyuma vamulwezele, kaha ayile hamwe naYeholame mwanaAhave mwangana wavaIsalele kuLamote-ngileyate+ vakalwe jita naHazayele+ mwangana waSulya. Omu vahetele kuze, vaka-kwasa mata amanana valemekele Yeholame.
6 Ngocho Yeholame+ akindulukile kuYezelele mangana akalikangule kujimbandu vamulemekele kuLama omu azungile naHazayele mwangana wavaSulya.+
Jino Ahajiya* mwanaYeholame+ mwangana wavaYuta ayile kuYezelele akamone Yeholame+ mwanaAhave mwomwo vamulemekele jimbandu.*+
7 Oloze Kalunga alingishile Ahajiya akafwile kuze ayile nakumona Yeholame. Omu ahetele kuze, ayile hamwe naYeholame vakalihumangane naYehu+ muzukulu* lyaNyimishi uze vawavishile kuli Yehova mangana ajihe vaze vakuzuvo yaAhave.+
8 Omu Yehu aputukile kujiha vaze vakuzuvo yaAhave, awanyine vilolo javaYuta, navana vavandumbwaAhajiya vaze vazachililenga Ahajiya, kaha avajihile.+
9 Kufumaho, atondeletondele Ahajiya, kaha vamuwanyine kuSamaliya kuze aswamine. Vamukwachile nakumuneha kuli Yehu. Ngocho vamujihile nakumufunda.+ Vambile ngwavo: “Ou ikiye muzukulu lyaYehoshafwate uze atondeletondele Yehova namuchima wenyi wosena.”+ Shikaho kuli vaze vakuzuvo yaAhajiya kakwapwile mutu ahashile kuyula wanganako.
10 Omu Ataliya+ amwene ngwenyi mwanenyi Ahajiya nafu, anongesele vatu vosena vakutanga yawangana* wavaze vakuzuvo yaYuta.+
11 Oloze Yehoshaveyate mwanamwangana ambachile Yehowashe+ mwanaAhajiya hali vana vamwangana vaze vambile kujiha, kaha amuswekele mukapete kakusavala, nandeji yenyi hamwe. Yehoshaveyate mwanaMwangana Yeholame+ (pwevo lyakapilishitu Yehoyata+ kaha nawa ndumbwaAhajiya) aswekele Yehowashe kuchina Ataliya mwamujiha.+
12 Atwaminenga navo muzuvo yaKalunga wamuchano myaka 6 halwola luze Ataliya apwile nakuyula mulifuchi.
Kwinyikila Chamwishi
^ Hepe., “mwana.”
^ Mujimanyusikilipiti jimwe jachiHepeleu vamuluka ngwavo “Azaliya.”
^ Chipwe “mwomwo apwile nakuviza.”
^ Hepe., “mwana.”
^ Hepe., “anongesele mbuto josena jakuwangana.”