Mika 2:1-13
2 “Lamba kuli vaze veji kutakanga vyuma vyakuhenga,Vaze veji kujinanga vyuma vyavipi hatuhela twavo.Kahomu nakucha hinavalinga vyuma vajinanga,Mwomwo chili mungolo jamavoko avo.+
2 Veji kwivwilanga lwiso mande avakwavo, kaha veji kuwatambulanga.+Veji kwivwilanga lwiso jizuvo javakwavo, kaha veji kujitambulanga.Veji kutambulanga mutu zuvo yenyi mulizangamina,+Veji kutambulanga mutu uswana wenyi.
3 Shikaho Yehova nambe ngwenyi:‘Ngunajinyi kuneha lupi+ hali vaka-tanga yino luze namukahona kuchina.*+Kaha kamweshi kukatambuka nakulitukwojolako,+ mwomwo nalukapwa lwola lwavihuli.+
4 Halikumbi lize, vatu navakata chishimo hali enu,Navakalila jingungu hali enu.+Navakamba ngwavo: “Tuli muukalu chikupu.+Natambula chazano chavatu jetu nakuchihana kuli vatu veka.+Nahane mande etu kuli vatu vakuzeneka kushishika.”
5 Shikaho kakweshi kukapwa mutu wakumikanyikila mukole wakupimisaHakulipangila lifuchi haliyongomena lyavatu jaYehovako.
6 Veji kwambanga ngwavo: “Litwaminenu kwambulula.Kanda namwambulula vyumeviko.Katweshi kukevwa sonyiko.”
7 Enu vakuzuvo yaYakova, kutala kuli vamwe vali nakwihula ngwavo:“Uno shipilitu yaYehova kayasuulukileko tahi?Uno evi vikiko vilinga vyenyi nyi?”Kutala mazu ami kaweshi kuneha vyuma vyamwaza kuli vaka-kutambuka mukwolokako nyi?
8 Oloze makumbi ano vatu jami vanapu nge hivaka-kole.Kaha vatu vaze veji kutambukanga nakunjikangila kwijiva nge vaze vali nakufuma kujitaMweji kuvatambulanga vimbilingwa vyaulangaji nauvwalo wavo.*
9 Mweji kuhanganga mapwevo javatu jami mujizuvo javo jamwaza.Vana vavo mweji kuvatambulanga vyuma vyaupahu ngweji kuvahananga.
10 Katukenu muyenga, mwomwo chino keshi chihela chakunokelako.Chihela chino navachinongesa ndolokoto+ mwomwo chinapihi.+
11 Kachi nge mutu mwakavangiza peho nakuhanjika mazu akwonga ngwenyi:“Nangumyambulila chihande chavinyo nawala wausasu,”Mutu kana mwapwanga kaha muka-kwambulila vatu ava.+
12 Enu vatu jaYakova, nangukamikungulula muvosena.VaIsalele vaze navakasalaho nangukavakungulwila hamwe.+Nangukavahaka hamwe nge mikoko mulimba,Nge utanga wamikoko kuulilo wavo.+Kaha nakukapwanga liuya lyavatu.’+
13 Ou mwakalivanga kulovoka mwakavatetekelako.Kaha navakalovokela kuchikolo changanda nakuya.+Mwangana wavo mwakavatetekelako,Kaha Yehova mwakapwanga kulutwe lwavo vosena.”+
Kwinyikila Chamwishi
^ Hepe., “namukahona kufumisa jishingo jenu.”
^ Chipwe pamo, “vimbilingwa vyaulangaji vyahauvwalo wavo.”
