Mika 4:1-13
4 Hamakumbi akukuminyina,
Pili yazuvo yaYehova+Nayikazama mbe helu lyajipili jikwavo,Navakayizezula helu lyajipili jikwavo,Kaha vatu veka naveka navakaumbukilangako.+
2 Vaka-mafuchi navakeza nakwamba ngwavo:“Twayenu, tukandukenu kupili yaYehova,Kuzuvo yaKalunga kaYakova.+Mwakatunangula jijila jenyi,Kaha natukatambukanga mujijila jenyi.”Mwomwo jishimbi* najikafuminyina kuZeyone,Mazu aYehova nawakafuminyina kuYelusalema.
3 Mwakayulanga vihande muli vatu veka naveka,+Mwakasungamisa vyuma* muli vaka-mafuchi angolo aze ali kwakusuku,Jipoko javo jamikwale navakajifululula nakupwa matemo akulimisa,Makunga avo navakawafululula nakupwa jipoko jakunongesa kumitondo.+Lifuchi limwe kalyeshi kukakajila lifuchi likwavo jipoko jamikwaleko,Kaha kaveshi kukalinangula cheka jitako.+
4 Navakatwamanga mutu himutu mwishi yamuvinyo wenyi, mwishi yamukuyu wenyi,+Kaha naumwe wauchi mwakavevwisa woma,+Mwomwo Yehova wamayongomena nahanjikamo lyehi.
5 Vatu veka naveka vosena navakatambukanga mutu himutu mulijina lyakalunga kenyi,Oloze etu natukatambukanga mulijina lyaKalunga ketu Yehova+ haya myaka namyaka.
6 Yehova nambe ngwenyi: “Halikumbi lize,Nangukakungulula vaka-kumbilikita,Vaze ngwamwangile nangukavakungulwila hamwe+Navaze ngwalingile mwamupi.
7 Vaka-kumbilikita nangukavalingisa kupwa vasalaho,+Kaha vaze vayile kwakusuku nangukavalingisa kupwa vaka-lifuchi lyangolo.+Yehova mwakapwanga mwangana wavo haPili yaZeyone,Kufuma oholyapwa nahaya myaka yosena.
8 Oloze ove kaposhi kautanga wamikoko,Ove mulundu wamwanapwevo Zeyone,+Wata wakulivanga* naukeza kuli ove,+Ukiko wangana wamwanapwevo Yelusalema.+
9 Ikaze uli nakutetela miteto?Uno kaweshi namwanganako tahi?Uno muka-kukulweza mangana ikiye nanongoShikaho uli nakwivwila kukola nge pwevo uze ali nakusapuluka nyi?+
10 Ove mwanapwevo Zeyone, lyonyinge, likeme mikemoNge pwevo uze ali nakusapuluka,Mwomwo naufuma munganda nakukatwama muchipapa.Nauya mbwe nakuMbavilone,+Kaha kuze kukiko navakakupululwila.+Kukiko mwakakusokwela Yehova mumavoko avaka-kole jove.+
11 Vaka-mafuchi amavulu navakakukungulukila.Navakamba ngwavo, ‘Zeyone vayijilulule,Kaha meso etu amone chuma kanechi hali Zeyone.’
12 Oloze vakiko kavatachikiza vishinganyeka vyaYehovako,Kavatachikiza vyuma ajinako.Mwomwo mwakavakungulwila hamwe nge milumba yatiliku vanahe lyehi yize yili kuchizungwilo.
13 Ove mwanapwevo Zeyone, katuka uzungule.+Mwomwo jimbinga jove nangujalumuna jipwenga jafwelu,Jisende jove nangujalumuna jipwenga japalata.Kaha naukachika vatu veka naveka.+Nganyo yavo vanawane mulizangamina naukayihana kuli Yehova,Kaha luheto lwavo naukaluhana kuli Mwata wamuchano wahamavu hosena.”+
