Muka-kwambulula 11:1-10
11 Mbila* mbolo yove hameya,+ mwomwo omu namuhita makumbi amavulu naukayiwana cheka.+
2 Hana vyuma vyove vimwe kuvatu 7 chipwe 8,+ mwomwo kawatachikijile lupi* nalusoloka hamavuko.
3 Kachi nge mavwi analemenena nameya, kaha eji kunehanga vula hamavu. Kachi nge mutondo unaholokela kusulo chipwe kunote, kaha kwakuze vene unaholokela kukiko naupwa.
4 Ou mwatala peho keshi kukuva mbutoko, kahou mwatala mavwi keshi kwahako.+
5 Nganomu wazeneka kutachikiza omu shipilitu yeji kuzatanga muvifuwa vyamwana ali* mujimo lyapwevo,+ mukiko nawa wazeneka kutachikiza milimo yaKalunga wamuchano ou eji kulinganga vyuma vyosena.+
6 Kuva mbuto jove nachimene, kaha livoko lyove kanda nalinoka palanga nakuchingoloshiko.+ Mwomwo kawatachikijile jimwe jilihi najifukila, kwiji eji tahi, nyi jize, nyi josena najifukila.
7 Kumunyika chapwa chamwaza, kaha nawa chapwa chamwaza meso kumona likumbi.
8 Kachi nge mutu mwayoya myaka yayivulu, kaha alivwise kuwaha hamyaka yoseneyi.+ Oloze anuke ngwenyi makumbi amilima anahase kupwa amavulu. Vyuma vyosena vize naviza kulutwe vinapu vyaufwefwelekete.+
9 Ove mukweze, wahililanga shimbu uchili umukweze, muchima wove uwahililenga hamakumbi aukweze wove. Linganga mweshomwo unayi muchima wove, yakonga kweshokwo nawakutwala meso ove. Oloze tachikiza ngwove Kalunga wamuchano mwakakusopesa havyuma vyosenevi naulinga.+
10 Ngocho fumisa vyuma vili nakukuyanjisa mumuchima wove, kinga mujimba* wove kuvyuma vyavipi. Mwomwo ukweze namyaka yaukweze vinapu vyaufwefwelekete.+
Kwinyikila Chamwishi
^ Chipwe “Tuma.”
^ Chipwe “luyando.”
^ Hepe., “muvifuwa vili.”
^ Hepe., “kinga nyama.”
