Muka-kwambulula 3:1-22
-
Vyuma vyosena vikwechi lwola vavitongwela (1-8)
-
Kulivwisa kuwaha kuyoya hiwana wakuli Kalunga (9-15)
-
Vatu vavahaka kuyoya haya myaka yosena mumichima yavo (11)
-
-
Kalunga eji kusopesanga vosena mwaya chiyulo chakwoloka (16, 17)
-
Vatu natunyama vosena veji kufwanga (18-22)
-
Vosena navakakinduluka kulukungu (20)
-
3 Vyuma vyosena vikwechi lwola vavitongwela,Mulimo himulimo ukwechi lwola vautongwela mwishi yamelu:
2 Kuli lwola lwakusemuka, nalwola lwakufwa.Kuli lwola lyakutumba, nalwola lwakuvunya vize vanatumbu.
3 Kuli lwola lwakujiha, nalwola lwakuhindula.Kuli lwola lwakupuzula, nalwola lwakutunga.
4 Kuli lwola lwakulila, nalwola lwakuseha.Kuli lwola lwakulila jimbimbi, nalwola lwakukina.*
5 Kuli lwola lwakumbilyejela malolwa, nalwola lwakuwakungulula.Kuli lwola lwakulipakata mukasamba, nalwola lwakuzeneka kulipakata mukasamba.
6 Kuli lwola lwakutondatonda vyuma, nalwola lwakuvimona nge vinajimbala kunahu.Kuli lwola lwakulama vyuma, nalwola lwakuvimbila.
7 Kuli lwola lwakupula,+ nalwola lwakutonga.Kuli lwola lwakuhola kulu,+ nalwola lwakuhanjika.+
8 Kuli lwola lwakuzanga, nalwola lwakuhunga.+Kuli lwola lwajita, nalwola lwakutwama mukuunda.
9 Nganyo muka mwawana muka-kuzata hamilimo yenyi yosena eji kukilikitanga?+
10 Ngunamono milimo yize Kalunga nahane vana vavatu mangana vazatenga.
11 Vyuma vyosena navitenge mujila yamwaza* halwola lwavyo.+ Nahake kuyoya chahaya myaka yosena mumichima yavo, oloze vatu kaveshi kukatachikiza milimo yize Kalunga wamuchano natenge kufuma kukuputuka swi nakusongoko.
12 Ngunamono ngwami kakweshi chuma chamwaza vatela kulinga vatu kuhambakana kuwahilila nakulinga vyamwaza shimbu vachili nakuyoyako.+
13 Kaha nawa vatu vosena vatela kulya nakunwa nakulivwisa kuwaha hamilimo yavo veji kukilikitanga. Chinapu wana wakufuma kuli Kalunga.+
14 Ngunatachikiza jino ngwami vyuma vyosena atenga Kalunga navipwangako haya myaka yosena. Kakweshi kuhakilako chipwe kufumisakoko. Kalunga wamuchano navitenge mujila kaneyi mangana vatu vamwivwenga woma.+
15 Vyuma vyosena vize vyeji kusolokanga vyasolokaho lyehi, kaha vyuma vize naviza kulutwe kuvyapwile lyehi.+ Oloze Kalunga wamuchano eji kutondatondanga chuma chize vanahangasana.*
16 Echi chikiko chuma ngunamono nawa mwishi yalikumbi: Haze hatelanga kupwa chiyulo hali vilinga vyakuhuka, kaha haze hatelanga kupwa vilinga vyakwoloka hali nawa vilinga vyakuhuka.+
17 Ngocho ngwalyambile mumuchima wami ngwami: “Kalunga wamuchano mwakasopesa vaka-kwoloka navaka-kuhuka+ mwomwo kuli lwola lwamulimo himulimo nalwola lwakulinga chuma hichuma.”
18 Ngwalyambile nawa mumuchima wami hali vana vavatu ngwami Kalunga wamuchano mwakaveseka nakuvalingisa vakamone ngwavo vapwa nge tunyama,
19 mwomwo kwatwama chuma cheji kuwananga vatu nachuma cheji kuwananga tunyama. Chuma cheji kuvawananga vosena chapwa chochimwe.+ Nganomu eji kufwanga kanyama mukiko eji kufwanga namutu nawa. Vosena vakwechi shipilitu+ yoyimwe. Shikaho vatu kavapwa vavalemu kuhambakana tunyamako. Mwomwo vyuma vyosena vinapu vyaufwefwelekete.
20 Vosena veji kuyanga kuchihela chochimwe.+ Vosena vafuma kulukungu,+ kaha nawa vosena veji kukindulukanga kulukungu.+
21 Iyaze atachikiza chikupu numba nge shipilitu yavatu yeji kuyanga mwilu, kaha shipilitu yatunyama yeji kuyanga mumavu?+
22 Ngwamwene ngwami kakweshi chuma chamwaza atela kulinga mutu kuhambakana kulivwisa kuwaha hamilimo yenyiko,+ mwomwo yikiko fweto* yenyi. Mwomwo iyaze nahase kukamulingisa akamone vyuma navikasoloka nge hiwauchiko?+
Kwinyikila Chamwishi
^ Hepe., “lwakusambwojoka; lwakutumbwojoka.”
^ Chipwe “navitenge vyakulongesa kanawa; vyamwaza; vyakutamo.”
^ Chipwe pamo, “chize chinahichi lyehi.”
^ Chipwe “chazano.”
