Mwaso waSolomone 1:1-17
-
Mwaso uze wahambakana myaso yosena (1)
-
Mwanapwevo (2-7)
-
Vana vaYelusalema vamapwevo (8)
-
Mwangana (9-11)
-
“Natukutungila vimbilingwa vyaulu” (11)
-
-
Mwanapwevo (12-14)
-
“Ou ngwazanga napu nge lifunda lyamaji amila alivumba lyamwaza” (13)
-
-
Kafunga (15)
-
“Ove ngwazanga, wapwa uwamwaza”
-
-
Mwanapwevo (16, 17)
-
“Ove ngwazanga, wapwa uwamwaza” (16)
-
1 Ou ukiko mwaso waSolomone uze wahambakana myaso yosena:+
2 “Ngusweswenye namivumbo yove,Mwomwo zangi yove yinawahe chikuma kuhambakana vinyo.+
3 Maji ove akwechi livumba lyamwaza.+Lijina lyove lyapwa nge maji alivumba lyamwaza aze vanahingununa.+Shikaho vakuzangila vana vamapwevo.
4 Ngumbate* tuchine.Mwangana nangwingisa mutupete twenyi.Tuwahilile nakulisamba.Twalise* zangi yove yize yawaha kuhambakana vinyo.Shikaho vakuzangila vana vamapwevo.
5 Enu vana vaYelusalema vamapwevo, ami nguulava, oloze nguwamwazaNge jimbalaka jakuKetale,+ nge mahina akumbalaka+ yaSolomone.
6 Kanda namungushishika chikuma omu ngunelavako,Mwomwo musana ukiko unangwocho.Vandumbwami vapihililile nayami,Vanguhanyine mulimo wakulama mande amivinyo,Kaha kangwahashile nakulama wande wami wamivinyoko.
7 Ove ngwazanga, ngulwezeOkwo weji kulishilanga vimuna jove,+Nokwo weji kuvautamishilanga nalwola lwamusana.Ikaze nangupwila nge pwevo uze nalikupilika lihina*Nakuhitangana kumautanga avakwenu?”
8 “Ove pwevo wamwaza chikuma kuhambakana mapwevo vosena, kachi nge kawatachikijileko,Kaha landula jingano javimuna,Lishila vana vavapembe jove kwakamwihi najimbalaka jatufunga.”
9 “Ove ngwazanga, ngweji kukufwanyisanga kukavalu wakumatemba aFwalo.+
10 Kumeso ove kunawahe navimbilingwa,*Shingo yove yinawahe nausanga.
11 Natukutungila vimbilingwa vyauluVyakusowela napalata.”
12 “Maji ami* ali nakulovola livumba lyamwaza,+Omu mwangana natwame kumesa yenyi yamujingulule.
13 Ou ngwazanga napu nge lifunda lyamaji amila alivumba lyamwaza,+Mwasavala mukachi kamavele ami naufuku.
14 Ou ngwazanga napu nge chinjomoto chajitemo jahena+Jize jili mumande amivinyo akuEne-ngechi.”+
15 “Ove ngwazanga, wapwa uwamwaza chikupu.Wapwa uwamwaza chikupu. Meso ove anapu nge aliyembe.”+
16 “Ove ngwazanga, wapwa uwamwaza chikupu, kaha nawa weji kungwivwisanga kuwaha.+Kahela ketu kamafwo atuta.
17 Myalachi yazuvo* yetu yinapu yamishitale,Masoko etu anapu aminjunyipe.
Kwinyikila Chamwishi
^ Hepe., “Ngukokele kuli ove.”
^ Chipwe “Tuvuluke.”
^ Chipwe “lihina lyakuvwala hakulishona.”
^ Chipwe pamo, “kunawahe hakuvinda jikambu.”
^ Hepe., “Maji ami analatu.”
^ Chipwe “yazuvo yayinene.”
