Mwaso waSolomone 2:1-17
2 “Ami ngunapu kaha ngulutemo lwasalafwone lwamuchana,Ngunapu ngulutemo lwamuchinema.”+
2 “Nganomu lwapwa lutemo hamingonga,Mukiko mwanapu nayou ngwazanga hali vana vamapwevo.”
3 “Nganomu wapwa mutondo wajiapo hamitondo yamuchipapa,Mukiko mwanapu nayou ngwazanga hali vakweze.Ngwafwila chikuma kutwama mumuvule wenyi,Kaha muhako wenyi ngwawivwa kuyema.
4 Angwingishile muzuvo muze mwapwile kulya nakunwa,*Vatu vosena vamwene ngwavo anguzanga chikuma.
5 Nguhizumunenu navindanda vyamihako yamivinyo yaumu.+Ngulisenu jiapo,Mwomwo ngunafu hazangi.
6 Ngunasachila mutwe wami halivoko lyenyi lyachimoswe,Kaha livoko lyenyi lyachilyo linanguumbachila.+
7 Enu vana vaYelusalema vamapwevo, ngunamishingisaVakayi+ natupaji vavihwevo vamuchipapa ngwami:Kanda namuhindula zangi yami chipwe kuyisangumuna hakuwana nge kayalijilile yiveneko.+
8 Ngunevu lizu lyayou ngwazanga.Talenu! Uze mweza muze,Ali nakunyina hajipili jajinene, ali nakutumbwojoka hajipili jajindende.
9 Ou ngwazanga napu nge kayi, napu nge musamba wakapaji.+Yauze, nemana kusali yambango yetu,Ali nakunonoka munjanena,Ali nakutalila mumuteta.
10 Ou ngwazanga nahanjika, nambe kuli ami ngwenyi:‘Ove ngwazanga, hinduka,Ove wami wamwaza, twaya tuyenga.
11 Tala! Ngonde yavula yinakumu.Vula yinachi, yinayi.
12 Jitemo jinatemwina mulifuchi,+Lwola lwakunonga mitondo lunahete,+Myaso yatutela yili nakwivwakana mulifuchi lyetu.+
13 Jikuyu jatete jinahi lyehi kumikuyu.+Mivinyo yinafukula nakulovola livumba lyamwaza.Ove ngwazanga, hinduka, twaya.Ove wami wamwaza, twaya tuyenga.
14 Ove liyembe lyami, ove uli mumwaji walilolwa,+Ove uli kuchihela chakuhengama chakumulundu,+Mana ngukumone nakwivwa lizu lyove,Mwomwo lizu lyove lyapwa lyamwaza, kaha nawa wapwa uwamwaza.’”+
15 “Tukwachilenu vamyumbwe,Vana vavamyumbwe vaze veji kwenyekanga mande amivinyo,Mwomwo mivinyo yinafukula mumande etu.”
16 “Ou ngwazanga apwa wami, kaha ami nawa nguwenyi.+Ali nakufunga+ vimuna muchipapa muze muli jitemo.+
17 Shimbu kanda kapeho katuta kahuhwe,* shimbu kanda mivwimbimbi yilelangane,Kinduluka washi, ove ngwazanga.Kinduluka washi kwijiva nge kayi+ chipwe musamba wakapaji+ uze ali hajipili eji jinatuhandununa.*
Kwinyikila Chamwishi
^ Hepe., “muzuvo yavinyo.”
^ Hepe., “Shimbu kanda likumbi lihwime.”
^ Chipwe “hajipili jaMbetele.”
