Mwaso waSolomone 3:1-11
3 “Omu ngwapwile hakahela kami naufuku,Ngwashinganyekele ou ngwazanga.+Ngwafwililile kumumona, oloze kangwamumweneko.+
2 Ngwalyambile ngwami: ‘Nanguhinduka nguyenga nakukimbangila munganda.Nangutondatonda ou ngwazangaMujijila namuvihela vyasanga.’Ngwamutondeletondele, oloze kangwamuwanyineko.
3 Vaka-kulama vaze vahitanganyinenga munganda vanguwanyine,+ kaha ngwavahulishile ngwami,‘Ou ngwazanga munangumwenayo?’
4 Omu ngwavasezele, hahichile kashimbu kakandende kaha,Ngwamuwanyine ou ngwazanga.Ngwamukakachilile, kangwasakile kumwecha ayengakoPalanga nomu ngwamwingishile muzuvo yamama,+Mukapete kayou angwimichile.
5 Enu vana vaYelusalema vamapwevo, ngunamishingisaVakayi natupaji vavihwevo vamuchipapa ngwami:Kanda namuhindula zangi yami chipwe kuyisangumuna hakuwana nge kayalijilile yiveneko.”+
6 “Chuma muka chize chili nakufuma mupambo, chize chinafwane nge jipanda jawishi,Chize chili nakulovola livumba lyamwaza lyamila nalavona,Chize nawa chili naunga wamuka-kusekasana wakulisezaseza walivumba lyamwaza?”+
7 “Talenu! Hichipoya chaSolomone.Vanachijingilika kumalunga vangolo 60,Malunga vangolo vavaIsalele.+
8 Vosena vali najipoko jamikwale,Vosena valinangula kulwa jita,Mutu himutu naliswelela poko yenyi yamukwaleYakulikinga nayo kuvyuma vyakwivwisa woma naufuku.”
9 “Hichipoya* chawangana chaMwangana SolomoneChize alitungililile namitondo yakuLevanone.+
10 Jipanda jacho japalata,Walo wacho waulu.Chitwamo chacho chalihina lyaungonyi,Kaha mukachi kacho mwakuwahisa kanawaKuli vana vaYelusalema vamapwevo.”
11 “Enu vana vaZeyone vamapwevo, lovokenuMumone Mwangana SolomoneUze navwale muchama wahachiwanyino chakulimbata* uze vamutungilile kuli naye+Halikumbi ambachile pwevo,Halikumbi lize wawahililile muchima wenyi.”
Kwinyikila Chamwishi
^ Chitwamo veji kumbachilanga mutu wamulemu.
^ Chipwe “navwale jitemo; navwale muchama wajitemo.”