Mwaso waSolomone 4:1-16
4 “Ove ngwazanga, wapwa uwamwaza chikupu.Wapwa uwamwaza chikupu.Meso ove anapu nge aliyembe omwo mulihina unalifwiki.Jikambu jove jishikima, jajisuku. Jinapu nge utanga wavapembeUze uli nakushikumuka hajipili jaNgileyate.+
2 Mazo ove amwaza, atoma, kaha anapu nge utanga wamikoko vaze vanateula kalinwomu,Vaze vali nakukanduka kufuma kuze vanavasanyishila.Vosena vanaseme vapasa,Kaha kakweshi umwe natokesa mwanenyiko.
3 Mivumbo yove yinapu nge wanda uchila,Kuhanjika chove chapwa chamwaza.Makili* ove anapu nge chihanda chamuhako walomaOmwo mulihina unalifwiki.
4 Shingo yove+ yinapu nge kaposhi kaNdavichi+Kakutunga namalolwa,Kaze vanasukika jikepwe 1,000,Kaze vanasukika jikepwe jamujingulule javindume josena.+
5 Mavele ove anapu nge misamba jatupaji vavali,+Anapu nge vana vakayi vavapasa,Vaze veji kulilanga muchipapa muze muli jitemo.”
6 “Shimbu kanda kapeho katuta kahuhwe,* shimbu kanda mivwimbimbi yilelangane,Nanguya kupili yamila,Nanguya kupili yalavona.”+
7 “Ove ngwazanga, wapwa uwamwaza chikumakuma,+Kaweshi nakatenga numba kamweko.
8 Tufume muLevanone tuyenga, ove mwenga wami,Tufume muLevanone+ tuyenga.Shikumuka kupili yaAmana,*Kupili yaSenyile, kupili yaHelemone,+Kumauku avandumba, kujipili javisupa.
9 Unangumbate muchima wami,+ ove ndumbwami, ove mwenga wami,Unangumbate muchima wami hakukutala kamwe kaha.Unangumbate muchima wami hakumona usanga wamushingo yove.
10 Ove ndumbwami, ove mwenga wami, zangi yove omwo yawaha!+Zangi yove yawaha chikuma kuhambakana vinyo,+Livumba lyamaji ove lyapwa lyamwaza chikuma kuhambakana vyuma vyalivumba lyamwaza vyosena.+
11 Ove mwenga wami, kumivumbo yove kweji kusotokanga mwezu.+Mwishi yalilimi lyove+ muli uchi namavele,Kaha livumba lyamwaza lyakuuvwalo wove linapu nge livumba lyamwaza lyakuLevanone.
12 Ndumbwami, mwenga wami napu nge milemba vanashichi chipato,Napu nge milemba vanashichi chipato, nge kaselwoke kali muchipato.
13 Vana vamitondo* yove vanapu milemba* yamilomaYize yikwechi mihako yamwaza chikuma, najitemo jahena nanalatu,
14 Nasalafwone,+ nakalamu*+ nakinamone,+Namitondo yakulisezaseza yalavona, namila, namalowe,+Namaji alivumba lyamwaza osena.+
15 Unapu ukaselwoke wamumilemba, ulishima lyameya amwaza,Utulwiji vamuta vakufuma kuLevanone.+
16 Ove peho yakunote, tona.Ove peho yakusulo, twaya.Huhwila mumilemba yami.Livumba lyamwaza lyamumilemba yami litande.”“Ou ngwazanga ezenga mumilemba yenyiMangana alyenga mihako yamwaza yilimo.”
Kwinyikila Chamwishi
^ Chipwe “Mbalakavachingule.”
^ Hepe., “Shimbu kanda likumbi lihwime.”
^ Chipwe “kupili yalitalasana naLevanone.”
^ Chipwe pamo, “Chikova.”
^ Hepe., “vanapu palachise.”
^ Lihongo lyalivumba lyamwaza.