Mwaso waSolomone 5:1-16
5 “Ove ndumbwami, ove mwenga wami,Ngunengila lyehi mumilemba yami.+Ngunambate lyehi mila yami navyuma vyami vyalivumba lyamwaza.+Ngunali lyehi ngenga yami nauchi wami.Ngunanu lyehi vinyo vyami namavele ami.”+“Enu vasepa namutu, lyenu,Nwenu, pendenu zangi.”+
2 “Ngunasavala, oloze muchima wami unatono.+Nguli nakwivwa ou ngwazanga ali nakungongomweza.”“Ngusokolweleko, ove ndumbwami, ove ngwazanga,Ove liyembe lyami, ove wazeneka katenga.Mwomwo kumutwe wami kunazovo nalyume,Jikambu jami jinazovo nambundu yaufuku.”+
3 “‘Ngunazulu lyehi chikuto chami,Kaha nguchivwale cheka nawa?Ngunasane lyehi kumahinji ami,Kaha ngulipihise cheka nawa?’
4 Jino ou ngwazanga afumishile livoko lyenyi mumbelo yachikolo,Kaha muchima wami walukukile mwomwo yakumufwila.
5 Ngocho ngwahindukile mangana ngusokolwele ou ngwazanga.Kumavoko ami kwapwile nakusotoka mila,Kuminwe yami kwapwile nakusotoka maji amila,Asotokelelenga havikwachilo vyakapachiso.
6 Ngwasokolwelele ou ngwazanga,Oloze ngwamuwanyine wauchiho, nayi lyehi.Ngwahombele* omu ngwazenekele kumuwana.*Ngwamutondeletondele, oloze kangwamuwanyineko.+Ngwamusanyikile, oloze kangwitavileko.
7 Vaka-kulama vaze vahitanganyinenga munganda vanguwanyine.Kaha vanguvetele, vangulemekele.Vaka-kulama jikembwe vangutambwile lilesu* lyami.
8 Enu vana vaYelusalema vamapwevo, ngunamishingi ngwami:Kachi nge ou ngwazanga munamuwane,Kaha mulwezenu ngwenu ngunafu hazangi.”
9 “Ove pwevo wamwaza chikuma kuhambakana mapwevo vosena,Ou wazanga ahambakanyina halihi malunga veka?Ou wazanga ahambakanyina halihi malunga vekaNumba utushinge ngana?”
10 “Ou ngwazanga apwa wamwaza chikuma kaha nawa uchila.Apwa wakulipwila hamalunga 10,000.
11 Mutwe wenyi unapu nge ulu wamwaza.Jikambu jenyi jinapu nge mafwo amukoma,*Jilava nge likololo.
12 Meso enyi ali nakusoloka nge mayembe vaze vali kutulwiji vameya,Vaze vali nakusana mumavele,Vaze vali kuchijiva.*
13 Makili enyi anapu nge muhanga uze vanatumbu vyuma vyalivumba lyamwaza,+Nge matumbo vanatumbu vitumbo vyalupengopengo.Mivumbo yenyi yinapu nge jitemo, kaha yili nakusotoka maji amila.+
14 Minwe yakumavoko enyi yinapu nge ulu, yakulamika kulusolite.Lijimo lyenyi linapu nge mazo avanjamba akuwahisa kanawa, akukwita safwila.
15 Mahinji enyi anapu nge jipanda jamamole jize vanajiki hamanevo aulu wamwaza.Apwa wamwaza nge Levanone, ahambakana mishitale.+
16 Mukanwa* kenyi muyekemena,Apwa wamwaza muvyuma vyosena.+Enu vana vaYelusalema vamapwevo, ou ikiye ngwazanga, ou ikiye anguya kumuchima.”
Kwinyikila Chamwishi
^ Chipwe pamo, “Mwono wami walovokele omu ahanjikile.”
^ Chipwe “Mwono wami walovokele.”
^ Chipwe “lihina.”
^ Chipwe pamo, “nge misusu yamukoma.”
^ Chipwe pamo, “kukaselwoke.”
^ Hepe., “Mundakwila.”
