Mwaso waSolomone 6:1-13
6 “Ove pwevo wamwaza chikuma kuhambakana mapwevo vosena,Ou wazanga nayi kulihi?Ou wazanga natalikisa kulihi?Mana tukukafwe kumutondatonda.”
2 “Ou ngwazanga nashikumuka kumilemba yenyi,Nayi kumihanga vatumba vyuma vyalivumba lyamwaza,Mangana akafunge vimuna jenyi mumilemba,Akambate jitemo.+
3 Ami ngwapwa nguwayou ngwazanga,Kahou ngwazanga nawa apwa wami.+Ali nakufunga vimuna muchipapa muze muli jitemo.”+
4 “Ove ngwazanga, wapwa uwamwaza nge Chiliza,*+Wapwa uwamwaza+ nge Yelusalema,+Wapwa uwakukomwesa nge maswalale vaze vanajingilika mapandelo avo.+
5 Kanda naungutalako+Mwomwo meso ove ali nakungulukwisa muchima.Jikambu jove jishikima, jajisuku, kaha jinapu nge utanga wavapembeVaze vali nakushikumuka hajipili jaNgileyate.+
6 Mazo ove amwaza, atoma, kaha anapu nge utanga wamikokoVaze vali nakukanduka kufuma kuze vanavasanyishila.Vosena vanaseme vapasa,Kaha kakweshi umwe natokesa mwanenyiko.
7 Makili* ove anapu nge chihanda chamuhako walomaOmwo mulihina unalifwiki.
8 Kunahase kupwa masano 60,Natulumbu twamasano 80,Navana vamapwevo vavavulu chikuma,+
9 Oloze ngukwechi liyembe lyami+ umwe kaha, ou wami wakuzeneka katenga.Ikiye kaha vamona kuli naye kupwa wakulipwila.Ikiye vazanga chikuma* kuli ou amusemene.Vana vamapwevo veji kumumonanga, kaha veji kumwambanga ngwavo awahilila.Masano natulumbu twamasano veji kumumonanga, kaha veji kumwalisanga,
10 ‘Iyaze eji kumunyikanga* nge kumunyika chakulungulungu lyakucha?Iyaze awaha nge kakweji?Iyaze avyakuma nge musana?Iyaze apwa wakukomwesa nge maswalale vaze vanajingilika mapandelo avo?’”+
11 “Ngwashikumukile kumilemba yamitondo yamikau,+Mangana ngukatale vyuma vinasoko muchinema,*Mangana ngukamone nge mivinyo yinasokolokela,*Ngukamone nge miloma yinafukula.
12 Jino hakufwila kumona vyuma kanevi,NgwakasumukileNguli kuze kwapwile matemba avatu jami vavalemu.”*
13 “Kinduluka, kinduluka, ove kaShulame.Kinduluka, kindulukaMangana tukumone.”“Ikaze muli nakutalila kaShulame+ ngana?”“Napu nge mazavu avali aze ali nakukina.”*
Kwinyikila Chamwishi
^ Chipwe “nge Nganda Yamwaza.”
^ Chipwe “Mbalakavachingule.”
^ Hepe., “Ikiye utoma.”
^ Hepe., “eji kutalanga hamavu.”
^ Chipwe “mumwanakalwiji.”
^ Chipwe “yinachivikila.”
^ Chipwe “vakulisuula.”
^ Chipwe “nakukina wino wakuMahanaime.”
