Mwaso waSolomone 7:1-13
7 “Ove mwanapwevo wamulemu,
Vilyachilo vyove omu vyawaha mumendelo ove!Jitungi jove japwa jamwaza nge vimbilingwaVyakutunga kuli muka-kutunga vyuma nautotombwe.
2 Muchinji wove unapu nge chiloso chamuundungulu.Chiloso kana chipwenganga lika navinyo vyakuchingasana kanawa.Lijimo lyove linapu nge mulumba watiliku,Uze vanajingilika jitemo.
3 Mavele ove anapu nge misamba jatupaji vavali,Anapu nge vana vakayi vavapasa.+
4 Shingo yove+ yinapu nge kaposhi kamazo avanjamba.+Meso ove+ anapu nge vijiva vyamuHeshevone,+Vize vili kuchikolo chaMbate-lavime.Muzulu wove unapu nge kaposhi kakuLevanone,Kaze katala kuNdamashiku.
5 Mutwe wove unapu nge Kalamele,+Jikambu jove+ jinapu nge wanda waungonyi.+Mwangana nakunyuka* najikambu jove jize jinatepuka kanawa.
6 Ove mwanapwevo ngwazanga, wapwa uwamwaza chikupu,Wawaha kuhambakana vyuma vyakwivwisa kuwaha vyosena.
7 Chivuvu chove chapwa nge mukoma,Mavele ove apwa nge misusu yamukoma.+
8 Ngwambile ngwami, ‘Nangunyina kumukoma,Mangana ngukwate kumikota yamisusu yayo.’Mavele ove apwenga nge misusu yamivinyo,Peho yamukanwa kove yinuke kanawa nge jiapo,
9 Mukanwa* kove mupwenga nge vinyo vyamwaza.”“Vinyo kana vishikumuke kanawa hamiliu yayou ngwazanga,Vihite kanawa hamivumbo yavaze vanasavala tulo.
10 Ami ngwapwa nguwayou ngwazanga,+Afwila yami kaha.
11 Ove ngwazanga, twaya,Tuyenga muchipapa.Tuyenga tukatwame mumitondo yahena.+
12 Tuhinduke chimenemene tuyenga kumande amivinyo,Mangana tukamone nge mivinyo yinasokolokela,*Nge yinafukula jitemo,+Tukamone nge miloma yinafukula.+Kwakuze vene kukiko nangukakusolwela zangi.+
13 Mandeleke+ yili nakulovola livumba lyamwaza.Kuvikolo vyetu kuli mihako yakulisezaseza yamwaza.+Ove ngwazanga, ngunakutulikilaMihako yayihya nayeyi yamwaka.
Kwinyikila Chamwishi
^ Chipwe “Mwangana vanamukase.”
^ Hepe., “Mundakwila.”
^ Chipwe “yinachivikila.”
