Mwaso waSolomone 8:1-14
-
Mwanapwevo (1-4)
-
“Kachi wapwanga undumbwami walunga” (1)
-
-
Vandumbu jamwanapwevo vamalunga (5a)
-
‘Iyaze ou nasachila hali ou azanga?’
-
-
Mwanapwevo (5b-7)
-
“Zangi yikwechi ngolo ngana mwakufwa” (6)
-
-
Vandumbu jamwanapwevo vamalunga (8, 9)
-
“Kachi nge apwa kembwe, . . . oloze nge apwa chikolo, . . . ” (9)
-
-
Mwanapwevo (10-12)
-
“Ami ngwapwa ngukembwe” (10)
-
-
Kafunga (13)
-
“Mana ngwivwenga lizu lyove”
-
-
Mwanapwevo (14)
-
“Laha jimbushi nge kayi”
-
8 “Kachi wapwanga undumbwami walungaUze amwine kumavele amama,Kaha hinangukuwana haweluka, kachi nangukusweswenya,+Naumwe mwangulumbilisa wauchi.
2 Kachi nangukutwalaNakukwingisa muzuvo yamama+Uze angunangwile.Kachi nangukuhana vinyo viyema unwenga,Namwemwe wamuhako wajiloma.
3 Nangusachila mutwe wami halivoko lyenyi lyachimoswe,Kaha livoko lyenyi lyachilyo nalinguumbachila.+
4 Enu vana vaYelusalema vamapwevo, ngunamishingi ngwami:Kanda namuhindula zangi yami chipwe kuyisangumuna hakuwana nge kayalijilile yiveneko.”+
5 “Iyaze ou ali nakufuminyina mupambo,Ou nasachila hali ou azanga?”“Ngwakuhindwile mwishi yamutondo wajiapo.Mwamuze vene mukiko akwivwilile noko misongo yakusema.Mukiko vene muze evwililile misongo uze akusemene.
6 Nguhake mumuchima wove nge katachikijilo,Nge katachikijilo kahalivoko lyove,Mwomwo zangi yikwechi ngolo ngana mwakufwa,+Kulihana namuchima wosena chikwechi ngolo ngana mwaFuka.*Zangi yeji kwepukanga milangi nge kakahya, himulangi waYa.*+
7 Meya amavulu kaweshi kuhasa kujima zangiko,+Tulwiji nawa kaveshi kuhasa kuyihungumunako.+Kachi nge mutu mwahana luheto lwamuzuvo yenyi lwosena hazangi,Navalulumbilisa* chikuma.”
8 “Tuli nasongo yetu wapwevo wamundende+Uze kanda achipwe namavele.Natulinga muka hali ou songo yetuNge nakwiza lunga ngwenyi amuhuhwe?”
9 “Kachi nge apwa kembwe,Kaha helu lyenyi natutungilaho chipato chapalata.Oloze nge apwa chikolo,Kaha natumupata namyalachi yamushitale.”
10 “Ami ngwapwa ngukembwe,Mavele ami apwa nge tuposhi.Shikaho angumwena kupwaNgumutu wakuunda.
11 Solomone apwile nawande wamivinyo+ kuMbale-hamone.Wande kana auhanyine kuli vaka-kulama.Mutu himutu anehelenga jimbongo japalata 1,000 hamihako ahilenga muwande kana.
12 Ngwatwama nawande wami wamivinyo.Ove Solomone, jimbongo japalata 1,000* jinapu jove,Kaha jimbongo japalata 200 jinapu javaze veji kulamanga mihako.”
13 “Ove watwama mumilemba,+Masepa jami vasaka kwivwa lizu lyove.Mana ngwivwenga lizu lyove.”+
14 “Ove ngwazanga, anguhwisako,Laha jimbushi nge kayi,+Chipwe nge musamba wakapajiUze ali kujipili kuze kwasoka vyuma vyalivumba lyamwaza.”
Kwinyikila Chamwishi
^ Chipwe “mwaSheyole,” kulumbununa fuka yavatu vosena. Tala Mukana waMazu.
^ “Ya” hilijina lyaYehova mukavatu.
^ Chipwe pamo, “Navamulumbilisa.”
^ Hepe., “Ove Solomene, likombakaji.”