Nahume 1:1-15
1 Awa akiko mazu alupi elu nalukeza haNyineve:+ Ou ukiko mukanda wavyuma vamwenesele Nahume* wakuElekoshe:
2 Yehova apwa Kalunga uze asaka vatu valihanenga kuli ikiye namichima yavo yosena,+ kaha eji kulinganga sambanjinga.Yehova eji kulinganga sambanjinga, eji kusololanga utenu wenyi.+Yehova eji kulinganga sambanjinga kuli vaka-kole jenyi,Kaha eji kukwachilanga vaka-kole jenyi utenu.
3 Yehova apwa wakushipwokela kukwata utenu,+ wangolo jajinene,+Yehova mwakazangamisa vaze vatela kuzangamisa.+Jila yenyi yili muchijimbilanganga namupeho yanyamanganda.Kaha mavwi anapu nge lukungu kumahinji enyi.+
4 Mwatenukila kalungalwiji+ nakumumisa.Mwomisa tulwiji vosena.+KuMbashane nakuKalamele nakuma,+Kaha jitemo jakuLevanone najizuza.
5 Jipili jajinene najilinyika mwomwo yaikiye,Jipili jajindende najiyengunuka.+Mavu, nalifuchi, navyuma vyosena vyatwamamoNavindenda mwomwo yaikiye.+
6 Iyaze mwahasa kwimana nge ikiye natenuka?+Iyaze mwahasa kwimana nge napihilila?+Utenu wenyi navauhingununa nge kakahya,Kaha malolwa nawakapazwojoka mwomwo yaikiye.
7 Yehova apwa wamwaza,+ apwa chihela chakukola mulwola lwaluyando.+Ahaka muchima kuli* vaze veji kuchinyinanga muli ikiye.+
8 Mwakanongesa chihela chayo* nalivaji lyalinene,Kaha milima nayikawana vaka-kole jenyi.
9 Vyuma muka namutaka mangana mumufumbukile Yehova?Mwakaminongesa muvosena.Luyando kalweshi kukeza cheka kamuchivaliko.+
10 Mwomwo vatu vamuNyineve vanapu nge vikwata,Vanapu nge vatu vaze vanapende wala.*Oloze navakavocha nge mwila waumu.
11 Muli ove namukafuma uze mwakajina kulinga vyuma vyavipi kuli Yehova,Uze mwakakulweza mazu amokomoko.
12 Yehova nambe ngwenyi:“Numba tuhu vaAsulya vapwile vangolo, vapwile vavavulu,Oloze navakavateta, kaha kaveshi kukapwako chekako.*Oloze ove* ngunakuyanjisa, kaha kangweshi kukakuyanjisa chekako.
13 Nangukafumisa toka yaAsulya hali ove,+Nangukambitula malenge ove havali.
14 Yehova nahanjika hali ove* ngwenyi,‘Lijina lyove kalyeshi kukapwako chekako.Makombelo ove akusonga nawawa akuzuzulula aze ali muzuvo* yatulunga twove nangukawanongesa.Nangukakufulila chimbumbe mwomwo unapihi chikuma.’
15 Tala! Hajipili hali mutu ou ali nakuneha mujimbu wamwaza,Ou ali nakuvilika kuunda.+Ove Yuta, linga viwanyino vyove,+ tesamo jishiko jove,Mwomwo mutu wamokomoko keshi kukahita cheka muli oveko.Navakamunongesa ndolokoto.”
Kwinyikila Chamwishi
^ Ulumbunwiso, “Muka-kuvendejeka.”
^ Chipwe “Azakama.” Hepe., “Atachikiza.”
^ Kulumbununa, Nyineve.
^ Chipwe “wala watiliku.”
^ Chipwe pamo, “kaha mwakahita.”
^ Kulumbununa, Yuta.
^ Kulumbununa, Asulya.
^ Chipwe “mutembele.”
