Nahume 2:1-13
2 Muka-kumwanga vatu neza nakumilukuka.*+Kingenu jikembwe.Lamenu jijila.Likolezezenu,* kwatenu ngolo.
2 Yehova mwakakindulwisa upahu waYakova,Naupahu waIsalele.Mwomwo vanavenyeka kuli vaka-lwenyeka.+Kaha mitango yavo nawa vanayenyeka.
3 Jikepwe javatu jenyi vangolo vanajilombo ulombo uchila,Maswalale jenyi vanavwale uvwalo uchila.Halikumbi lyakulwa jita yenyi,Vikungo vyafwelu vyakumatemba enyi navikamunyika nge kakahya,Kaha makunga amilunda yaminjunyipe nawakapwa akulongesa lyehi.
4 Matemba ajita ali nakulaha chikuma mujijila.Ali nakuhitangana muvihela vyasanga.Ali nakumunyika nge jisoka, nge miveso.
5 Mwakasanyika tupitau twenyi.Kaha navakahukananga omu navakeza.Navakalaha nakuya kukembwe yayo,Mangana vakayikinge.
6 Vikolo vyatulwiji navikasokoloka,Kaha zuvo yamwangana navakayishiula.
7 Vanambe lyehi ngwavo: Vanayisaula,Vanayitwale muufunge, kaha vandungo jayo vamapwevo vali nakulishona.Vali nakulishimwoka nge tumbowa omu vali nakuliveta hajitulo* javo.
8 Hamakumbi osena, Nyineve+ yinapunga nge chijiva chameya,Oloze vatu vali nakuchina.Kaha vali nakuvatambakana ngwavo: “Imanenu! Imanenu!”Oloze naumwe ali nakutala kunyima wauchi.+
9 Pukulenu palata, pukulenu ulu!Munganda kana muli luheto lwaluvulu chikuma.Yinalikungulwilanga vyuma vyavivulu vyandando yayinene.
10 Nganda yinasale yamokomoko, vanayenyeka, yinasale ngundu.+Michima yavo yinayengunuka nawoma, mambuli avo ali nakuchikima, jitungi javo jili nakundenda.Kaha vosena vanalizuzukila nawoma.
11 Uno mauku avandumba ali kulihi?+ Nyi kuulilo wamyevu javandumba,Kuze veji kutwalanga vandumba vana vavoChakuzeneka nou wakuvevwisa woma kulihi?
12 Ndumba atanyinyine vana venyi nyama yamukoka,Kaha vandumba vavihwevo avajihililile kanyama valyenga.Mumafulwe enyi azalishilemo nyama yamukoka,Mumauku enyi azalishilemo tunyama vaze atanyinenga.
13 Yehova wamayongomena nambe ngwenyi: “Talenu! Nangumizangamisa.+Nangwocha matemba enu ajita mangana akafwinde wishi,+Kaha poko yamukwale nayikajiha vamyevu jenu javandumba.Tunyama twenu vaze mweji kulyanga nanguvanongesa vosena hamavu,Kaha mazu avaluwa jenu kaweshi kukevwakana chekako.”+
Kwinyikila Chamwishi
^ Kulumbununa, vaka-Nyineve.
^ Hepe., “Kasenu jitungi jenu.”
^ Hepe., “hamichima.”
