Nahume 3:1-19
3 Lamba kunganda yakumwanga manyinga!Yinazale namakuli nauhwanga.Mweji kupwanga lika nyama yamukoka.
2 Munganda muli vyema vyavikote navyevi vyatufumbo,Muli jishindo jatuvalu namatemba aze ali nakulaha.
3 Muli vaka-kulaha hatuvalu, najipoko jamikwale jakuvyakuma, namakunga akukejima,Muli masetaseta avatu vakufwa, namilumba yavivimbi.Vivimbi kana vavavulu chikuma.Kaha vatu vali nakuhukana hamijimba yavivimbi.
4 Vyumevi vinasoloka mwomwo yaujila wamuka-ujila.Ou muka-ujila napu wamwaza, mukulwane wavaka-kupanda,Kaha eji kuzondolanga mafuchi naujila wenyi nakuzondola nawa visaka vyavatu nakupanda chenyi.
5 Yehova wamayongomena nambe ngwenyi: “Tala! Nangukwimanyina nakole.*+Nangukukambula vifunga vyove nakukufwikavyo kumeso ove.Nangulingisa vaka-mafuchi vamone usonyi wove,Namawangana nawa amone uselesele wove.
6 Nangukakumwangila majiloNakukulingisa kupwa uchileya wamokomoko.Nangukakulingisa vakakusehenga kuvatu.+
7 Weshowo mwakakumona mwakachina+ nakwamba ngwenyi,‘Nyineve vanayenyeka!Iyaze mwayivwila keke?’Vaka-kukuvendejeka nangukavawana kulihi?
8 Kutala unahambakana No-amone*+ yize yapwile kutupila vaNyile+ tahi?Vayijingilikile nameya.Kalungalwiji yikiye apwile luheto lwayo, yikiye apwile kembwe yayo.
9 Ngolo jayo japendaminyine hali vaEchopa navaEjipitu.Kaha vaka-Pute+ navaLivya+ vayikafwilenga.
10 Oloze nayikiko yayile muufunge,Yayile muundungo.+Vana vayo navakiko vavachikile chikichiki kumakanyiko ajijila josena.*Vazachishile tutachikijilo hali vatu jayo vavalemu,Vatu jayo vangolo vavakashile malenge.
11 Nayove nawa naukapenda.+Kaha naukaswama.Naukachinyina kuli vaka-kole jove.
12 Vihela vyove vyakukingiwa vyosena vinapu nge mikuyu yize yili namihako yakulivanga kuhya.Kachi nge navayinyikisa, kaha nayiholokela mutunwa twavaka-kuyilya.
13 Tala! Maswalale jove vanapu nge mapwevo.Vikolo vyakulifuchi lyove navakavisokolola mangana mukengile vaka-kole jove.Kakahya nakakocha tupachiso twavikolo vyove.
14 Swita meya utungise kembwe yachingombela.+Kolesa vihela vyove vyakukingiwa.Yako kuvitapu ukachike unonga.Mbata chikombola chatumenga.
15 Chipwe ngocho, kakahya nakakakulya.Poko yamukwale nayikakutapa.+Nayikakulya nge omu vana vavambimba navalya vyuma vituta.+Semunwinenu mukavule nge omu vavula vana vavambimba.Semunwinenu mukavule nge omu vavula vambimba.
16 Vaka-kusekasana jove vanavulu kuhambakana vatanganyika vamwilu.Vana vavambimba vanalituununa nakulitukila kwavo.
17 Vaka-kukulama vanapu nge vambimba.Tupitau twove vanapu nge chendo chavambimba.Veji kuwilanga kuvipato vyamalolwa nge kunatutu,Oloze nge likumbi linatutuka, veji kutukanga.Kaha naumwe wauchi eji kutachikizanga okwo veji kuyanga.
18 Ove mwangana waAsulya, tufunga twove vali nakunongoka.Vatu jove vavalemu vali mujizuvo javo.Vatu jove vanavamwange kujipili,Kaha naumwe wauchi ali nakuvakungulwila hamwe.+
19 Ukalu wove kaweshi kukakufumako.Mbandu yove kayeshi kukakangukako.Vosena vaze vali nakwivwa puho yove navakasakwilila jikushi.+Iyaze nazeneka kuyanda havilinga vyove vyaukenya?”+
