Nehemiya 10:1-39
10 Ava vakiko vaze vetavilile lushiko nakuhakako tutachikijilo+ twavo:
Nguvulu* Nehemiya mwanaHakaliya.
Kaha vakwavo vapwile Zetekiya,
2 naSelaya, naAzaliya, naYelemiya,
3 naPashule, naAmaliya, naMalakiya,
4 naHatushe, naShevanyiya, naMaluke,
5 naHalime,+ naMelemote, naOvachiya,
6 naNdanyele,+ naNginetone, naMbaluke,
7 naMeshulame, naAviya, naMiyamine,
8 naMajiya, naMbilingai, naShemaya. Vosena ava vapwile vapilishitu.
9 VaLevi vaze vahakileko tutachikijilo twavo vapwile Yeshuwa mwanaAzanyiya, naMbinuwi mwanaHenetate, naKatamiyele,+
10 navandumbwavo vaShevanyiya, naHochiya, naKelita, naPelaya, naHanane,
11 naMika, naLehove, naHashaviya,
12 naZakule, naSheleviya,+ naShevanyiya,
13 naHochiya, naMbanyi, naMbenyinu.
14 Vatwamina javatu vaze vahakileko tutachikijilo twavo vapwile Paloshe, naPahate-mowave,+ naElame, naZatu, naMbanyi,
15 naMbunyi, naAzangate, naMbevai,
16 naAtonyiya, naMbingivai, naAchine,
17 naAtele, naHezekiya, naAzule,
18 naHochiya, naHashume, naMbezai,
19 naHalufwe, naAnatote, naNovai,
20 naMangapiyashe, naMeshulame, naHejile,
21 naMeshezavele, naZatoke, naYatuwa,
22 naPelachiya, naHanane, naAnaya,
23 naHosheya, naHananyiya, naHashuve,
24 naHaloheshe, naPiliha, naShoveke,
25 naLehume, naHashavana, naMaseya,
26 naAhiya, naHanane, naAnane,
27 naMaluke, naHalime, naMbana.
28 Jino vatu veka vasalileho vosena, vapilishitu, navaLevi, navaka-kulama kuvikolo, navaka-kwimba, navangamba vakutembele,* navosena vaze valihandunwine kuvatu vakumafuchi mangana vakavangize Jishimbi jaKalunga wamuchano+ namapwevo javo, navana vavo vamalunga, navava vamapwevo, navatu vosena vaze vapwile nachinyingi nakunangakana,*
29 valikundwijile navandumbwavo, navatu javo vavalemu nakulishinga lushingo ngwavo natutambukanga mwaya Jishimbi jaKalunga wamuchano jize vatuhanyine kuhichila muli Mose ngamba yaKalunga wamuchano, nakulamanga jishimbi jaMwata wetu Yehova, namazu enyi akuyula, najindongi jenyi.
30 Katweshi kuhangisa vana vetu vamapwevo kuli malunga vamulifuchi eli, kaha nawa katweshi kumbachila vana vetu vamalunga vana vavo vamapwevoko.+
31 Kachi nge vatu vamulifuchi naveza nakutulanjisa vyuma vyavo, najimbuto javo jamanona halikumbi lyaSambata, katweshi kukalanda chuma chimwe kuli vakiko halikumbi lyaSambata+ chipwe halikumbi lyeka lyajilako.+ Mumwaka wakusokesa 7+ nawa katweshi kukalima jimbuto, chipwe kukakala mikuli yetuko.+
32 Kaha tunalikase nawa ngwetu mutu himutu mwakahana chimbwa chashekele* chakusokesa muvimbwa vitatu mwaka himwaka chakuzachisa kumilimo yakuzuvo* yaKalunga ketu,+
33 kumulimo wakuwahisa jimbolo jakulumbika,*+ nawana wamanona wamakumbi osena,+ nawana wakulumba wamakumbi osena wahajiSambata,+ nahakumweka chakakweji,+ nakumulimo wakuwahisa viwanyino vyakulya vyahalwola vatongola,+ navyuma vyajila, nawana wahashili+ wakulingila vaIsalele chakufwika hashili yavo, nakumilimo yosena yakuzuvo yaKalunga ketu.
34 Tunazachisa nawa tutachikijilo mangana tuwane lwola luze vapilishitu, navaLevi, navatu navanehanga jikunyi kuzuvo yaKalunga ketu mwaka himwaka kweseka najizuvo javakakuluka jetu mangana vajizachisenga kulijiko lyakulumbila lyaYehova Kalunga ketu nge omu vasoneka muJishimbi.+
35 Natumbatanga nawa jimbuto jakulivanga kuhya mumande etu mwaka himwaka, namihako yakulivanga kuhya kumitondo yakulisezaseza nakuyineha kuzuvo yaYehova.+
36 Natunehanga nawa vana vetu vavatwatwa, navatwatwa javimuna+ jetu nge omu vasoneka muJishimbi, vatwatwa javangombe jetu, navava vamikoko jetu. Natuvanehanga kuzuvo yaKalunga ketu, kuli vapilishitu vaze veji kuzachilanga kuzuvo yaKalunga ketu.+
37 Kaha unga wetu wakumanona akulivanga,+ namawana etu, namihako yakumitondo yakulisezaseza,+ navinyo vyavihya, namaji+ natuvinehanga kuli vapilishitu, kutupete vakutulikila* vazuvo yaKalunga ketu.+ Natuhananga nawa vaLevi vize vyakusokesa mumakumi+ vyamumande etu, mwomwo vaLevi vakiko veji kutambulanga vize vyakusokesa mumakumi vyamujinganda jetu josena muze veji kulimanga jimbuto.
38 Kaha kapilishitu mwanaAlone akapwenga navaLevi omu navakatambulanga vize vyakusokesa mumakumi. Kaha vaLevi nawa vakahane vyakusokesa mumakumi vyakufuma kuli vize vyakusokesa mumakumi vavahananga. Vakavitwale kuzuvo yaKalunga ketu,+ kutupete* vakuzuvo yakutulikila.
39 Mwomwo kuze kutupete vakutulikila* kukiko vaIsalele navaLevi navatwalanga wana+ wamanona, navinyo vyavihya, namaji.+ Kukiko nawa nakupwanga vinoma vyakuchihela chajila, navapilishitu vaze vali nakuzata milimo, navaka-kulama kuvikolo, navaka-kwimba. Katweshi kukasuvilila zuvo yaKalunga ketuko.+
Kwinyikila Chamwishi
^ Chipwe “Tishata,” vulukiso yavaPeleja vavulukilenga nguvulu walifuchi.
^ Chipwe “navaNechine.” Hepe., “ava vakuhana.”
^ Chipwe pamo, “navatu vosena vaze vahashile kumona mwalumbunukila vyuma.”
^ Shekele yimwe yapwile jingalamu 11.4. Tala Chihande B14.
^ Chipwe “yakutembele.”
^ Kulumbununa, jimbolo jakuhana Kalunga.
^ Chipwe “kutupete vakulila.”
^ Chipwe “kutupete vakulila.”
^ Chipwe “kutupete vakulila.”
