Nehemiya 11:1-36
-
Vatu navatwama cheka muYelusalema (1-36)
11 Jino vilolo javatu vatwaminenga muYelusalema.+ Kaha vatu veka vosena vazachishile tutachikijilo+ nakusakula lunga umwe umwe halizavu hilizavu lyavatu 10 mangana vatwamenga muYelusalema, munganda yajila. Oloze vaze 9 vasalile halizavu hilizavu vatwaminenga mujinganda jeka.
2 Ngocho vatu vosena vakiswile malunga vaze valisuwile kuya nakutwama muYelusalema.
3 Vatu vanakavangizaho vakiko vapwile vamyata vajingalila vaze vatwaminenga muYelusalema. (Oloze vaIsalele veka vosena, navapilishitu, navaLevi, navangamba vakutembele,*+ navana vavangamba jaSolomone+ vatwaminenga mujinganda jeka jamuYuta, mutu himutu hamusuka wenyi wamavu munganda yenyi.+
4 MuYelusalema mwatwaminenga nawa vaYuta vamwe navaMbenjamine.) Hali vaYuta hapwile Ataya mwanaUjiya, Ujiya mwanaZekaliya, Zekaliya mwanaAmaliya, Amaliya mwanaShefwachiya, Shefwachiya mwanaMahalalele, Mahalalele wakuli vana vaPeleze.+
5 Hapwile nawa Maseya mwanaMbaluke, Mbaluke mwanaKolo-hoze, Kolo-hoze mwanaHazaya, Hazaya mwanaAtaya, Ataya mwanaYoyalive, Yoyalive mwanaZekaliya, Zekaliya wakutanga yavaShela.
6 Vana vaPeleze vamalunga vosena vaze vatwaminenga muYelusalema vapwile 468.
7 Hali vaMbenjamine hapwile Salu+ mwanaMeshulame, Meshulame mwanaYowete, Yowete mwanaPetaya, Petaya mwanaKolaya, Kolaya mwanaMaseya, Maseya mwanaIchele, Ichele mwanaYeshaya.
8 Hapwile nawa Ngavai naSalai, kaha malunga vosena vapwile 928.
9 Jino Yowele mwanaJikili ikiye apwile kalama kavo, kaha Yuta mwanaHasenuwa apwile muhato muka-kutala nganda.
10 Hali vapilishitu hapwile Yetaya mwanaYoyalive, naYakine,+
11 naSelaya mwanaHilikiya, Hilikiya mwanaMeshulame, Meshulame mwanaZatoke, Zatoke mwanaMelayote, Melayote mwanaAhituve+ uze apwile twamina kuzuvo* yaKalunga wamuchano,
12 navandumbwavo vaze vazachilenga milimo kuzuvo yaKalunga, kaha vosena vapwile 822. Hapwile nawa Ataya mwanaYelohame, Yelohame mwanaPelaliya, Pelaliya mwanaAmaji, Amaji mwanaZekaliya, Zekaliya mwanaPashule,+ Pashule mwanaMalakiya,
13 navandumbwenyi vaze vapwile vatwamina vakujizuvo javakakuluka javo, kaha vosena vapwile 242. Hapwile nawa Amashasai mwanaAzalele, Azalele mwanaAhazai, Ahazai mwanaMeshilemote, Meshilemote mwanaImele,
14 navandumbwenyi, malunga vangolo, vakuhamuka, vosena vapwile 128. Kaha mukulwane wavo apwile Zavachele, uze afumine kutanga yavatu vavalemu.
15 Hali vaLevi hapwile Shemaya+ mwanaHashuve, Hashuve mwanaAzalikame, Azalikame mwanaHashaviya, Hashaviya mwanaMbunyi.
16 Hapwile nawa Shevetai,+ naYozavate,+ vatwamina javaLevi vaze vatalilenga havyuma vyasolokelenga kuweluka wazuvo yaKalunga wamuchano.
17 Hapwile nawa Matanyiya+ mwanaMika, Mika mwanaZavachi, Zavachi mwanaAsafwe.+ Matanyiya apwile muka-kwimbisa myaso uze atwaminyinenga vakwavo omu valishilenga Kalunga halwola lwakulomba.+ Kaha Mbakavukiya ikiye apwile muhato hali vandumbwenyi vaka-kwimba myaso. Hapwile nawa Avata mwanaShamuwa, Shamuwa mwanaNgalale, Ngalale mwanaYelutune.+
18 VaLevi vosena vaze vatwaminenga munganda yajila vapwile 284.
19 Vaka-kulama kuvikolo vapwile Akuve, naTalamone,+ navandumbwavo vaze valaminenga kuvikolo, kaha vosena vapwile 172.
20 VaIsalele veka vosena, navapilishitu, navaLevi, vatwaminenga mujinganda jeka jamuYuta, mutu himutu hamavu enyi.*
21 Vangamba vakutembele*+ vatwaminenga muOfwele,+ kaha Jiha naNgishipa vakiko vapwile vakulwane javava vangamba vakutembele.*
22 Kalama wavaLevi muYelusalema apwile Uji mwanaMbanyi, Mbanyi mwanaHashaviya, Hashaviya mwanaMatanyiya,+ Matanyiya mwanaMika wahali vana vaAsafwe vaze vapwile vaka-kwimba. Ujiya ikiye apwile muka-kutala milimo yakuzuvo yaKalunga wamuchano.
23 Mwangana ahanyine lushimbi lwakwamba nge,+ vaka-kwimba vavahanenga vyuma vyakulikafwa navyo vize vyasakiwilenga hakumbi hakumbi.
24 Kaha Petahiya mwanaMeshezavele wahali vana vaZela, Zela mwanaYuta ikiye apwile muka-kulweza mwangana mangana* havihande vyavatu.
25 Eji jikiko jinganda navipapa vyajo vatwaminenga vatu: VaYuta vatwaminenga muKilyate-alava+ najimbongi jajingilikileko, namuNjivone najimbongi jajingilikileko, namuYekavazele+ namembo ajingilikileko,
26 namuYeshuwa, namuMolata,+ namuMbete-pelete,+
27 namuHazale-shuwale,+ namuMbele-sheva najimbongi jajingilikileko,
28 namuJikilange,+ namuMekona najimbongi jajingilikileko,
29 namuEne-limone,+ namuZola,+ namuYalamute,
30 namuZanowa,+ namuAtulame namembo ajingilikileko, namuLakishe+ navipapa vyayo, namuAzeka+ najimbongi jajingilikileko. Vatwaminenga* kuMbele-sheva swi nakuChinema chaHinome.+
31 Kaha vaMbenjamine vapwilenga kuNgeva,+ nakuMikimashe, nakuAiya, nakuMbetele+ najimbongi jajingilikileko,
32 nakuAnatote,+ nakuNove,+ nakuAnanyiya,
33 nakuHazole, nakuLama,+ nakuNgitayime,
34 nakuHachite, nakuZevowime, nakuNevalate,
35 nakuLote, nakuOno+ kuchinema vatwaminenga vitotombwe.
36 Kaha mazavu avaLevi vamwe vakuYuta vatwaminenga navaMbenjamine.
Kwinyikila Chamwishi
^ Chipwe “navaNechine.” Hepe., “ava vakuhana.”
^ Chipwe “kutembele.”
^ Chipwe “hauswana wenyi.”
^ Chipwe “vaNechine.” Hepe., “ava vakuhana.”
^ Chipwe “VaNechine.” Hepe., “Ava vakuhana.”
^ Hepe., “apwile kulivoko lyamwangana.”
^ Chipwe “Vatungilenga chilombo chavo.”
