Nehemiya 3:1-32
-
Kutungulula kembwe (1-32)
3 Kapilishitu wakulitulaho Elyashive+ navandumbwenyi vapilishitu vaputukile kutungulula Chikolo chaMikoko.+ Vapachikileko mapito acho, kaha vachijilikile.*+ Vajilikilile kumwe nachihanda chakembwe chakuputukila kuKaposhi kaHameya+ swi nakuKaposhi kaHananele.+
2 Chihanda chakavangijileho vachitungulwile kuli malunga vakuYeliko,+ kaha chihanda chakavangijileho vachitungulwile kuli Zakule mwanaImili.
3 Vana vaHasena vatungulwile Chikolo chaVaishi.+ Vahakileko vipamba,+ namapito acho natupachiso twacho, namyalachi yacho.
4 Chihanda chakembwe chakavangijileho vachitungulwile kuli Melemote+ mwanaUliya, Uliya mwanaHakoze. Kaha chihanda chakavangijileho vachitungulwile kuli Meshulame+ mwanaMbelekiya, Mbelekiya mwanaMeshezavele. Chihanda chakavangijileho vachitungulwile kuli Zatoke mwanaMbana.
5 Chihanda chakavangijileho vachitungulwile kuli vaka-Tekowa,+ oloze vatu javo vavalemu kavalinyishile vazate* mulimo wavamyata javoko.
6 Yoyata mwanaPaseya, naMeshulame mwanaMbesoteya vatungulwile Chikolo chaNganda yaMwaka.+ Vahakileko vipamba, namapito acho, natupachiso twacho, namyalachi yacho.
7 Chihanda chakembwe chakavangijileho vachitungulwile kuli Melachiya wakuNgiveyone+ naYatone wakuMelonote. Ava himalunga vakuNgiveyone nakuMijipa+ vaze vapwile mwishi* yanguvulu wangalila yaMusali yaKalwiji.*+
8 Chihanda chakavangijileho vachitungulwile kuli Ujiyele mwanaHalahaya uze apwile fuli waulu. Kaha chihanda chakavangijileho vachitungulwile kuli Hananyiya uze ayengelenga maji alivumba lyamwaza.* Valile malolwa akwola muYelusalema swi nakuKembwe Yayinene.+
9 Kaha chihanda chakavangijileho vachitungulwile kuli Lefwaya mwanaHule, chilolo wachimbwa changalila yaYelusalema.
10 Chihanda chakavangijileho vachitungulwile kuli Yetaya mwanaHalumafwe, chihanda kana chapwile kulutwe lwazuvo yenyi. Chihanda chakavangijileho vachitungulwile kuli Hatushe mwanaHashavaneya.
11 Malakiya mwanaHalime,+ naHashuve mwanaPahate-mowave+ vatungulwile chihanda chakembwe chakavangijileho naKaposhi kaJifwolonyi.+
12 Chihanda chakavangijileho vachitungulwile kuli Shalume mwanaHaloheshe navana venyi vamapwevo. Shalume apwile chilolo wachimbwa changalila yaYelusalema.
13 Hanune navaka-Zanowa+ vatungulwile Chikolo chaChinema.+ Vahakileko vipamba, namapito acho natupachiso twacho, namyalachi yacho, kaha vatungulwile chihanda chakembwe chajikuvite 1,000* nakuheta kuChikolo chaMilumba yaUto.+
14 Malakiya mwanaLekave uze apwile chilolo wangalila yaMbete-hakeleme,+ atungulwile Chikolo chaMilumba yaUto. Ahakileko vipamba, namapito acho, natupachiso twacho, namyalachi yacho.
15 Shalune mwanaKolo-hoze uze apwile chilolo wangalila yaMijipa+ atungulwile Chikolo chaKaselwoke.+ Atungilileho mulungu, kaha ahakileko vipamba, namapito acho, natupachiso twacho, namyalachi yacho. Atungulwile nawa chihanda chakembwe chakufuma haChijiva+ chaKapila nakuheta kuMilemba yaMwangana,+ swi nakuNdondelo+ yize yashikumuka kufuma kuNganda yaNdavichi.+
16 Chihanda chakavangijileho vachitungulwile kuli Nehemiya mwanaAzavuke uze apwile chilolo wachimbwa changalila yaMbete-zule.+ Atungulwile chihanda chakembwe chakuputukila kuze kwakulitalasana naMafuka aNdavichi+ nakuheta kuchijiva+ chize vafulile, swi nakuZuvo yaVindume.
17 Chihanda chakembwe chakavangijileho vachitungulwile kuli vaLevi, kaha vavatetekelele kuli Lehume mwanaMbanyi. Chihanda chakavangijileho vachitungulwile kuli Hashaviya uze apwile chilolo wachimbwa changalila yaKeila,+ kaha emanyinyineko ngalila yenyi nakutungulula chihanda chavo.
18 Chihanda chakavangijileho vachitungulwile kuli vandumbwavo, kaha vavatetekelele kuli Mbavai mwanaHenetate uze apwile chilolo wachimbwa chikwavo changalila yaKeila.
19 Chihanda chakembwe chakavangijileho vachitungulwile kuli Ezele mwanaYeshuwa+ uze apwile chilolo wangalila yaMijipa. Atungulwile chihanda chize chalitalasanyine nahaze hakukandukila kuZuvo yaKulamina Vitwa yize yalihachile naPanda yaMalolwa+ yakukundwiza kembwe.
20 Chihanda chakembwe chakavangijileho vachitungulwile natwima kuli Mbaluke mwanaZavai.+ Atungulwile chihanda chakufuma haze haPanda yaMalolwa nakuheta kuchikolo chazuvo yakapilishitu wakulitulaho Elyashive.+
21 Chihanda chakembwe chakavangijileho vachitungulwile kuli Melemote+ mwanaUliya, Uliya mwanaHakoze. Atungulwile chihanda chakembwe chakufuma kuchikolo chazuvo yaElyashive nakuheta haze hakuminyine zuvo yaElyashive.
22 Chihanda chakembwe chakavangijileho vachitungulwile kuli vapilishitu, malunga vakungalila yaYotau.*+
23 Chihanda chakembwe chakavangijileho vachitungulwile kuli Mbenjamine naHashuve. Vatungulwile chihanda chakembwe chakulitalasana najizuvo javo. Kaha chihanda chakavangijileho vachitungulwile kuli Azaliya mwanaMaseya, Maseya mwanaAnanyiya, kaha atungulwile chihanda chakembwe kwakamwihi nazuvo yenyi.
24 Chihanda chakembwe chakavangijileho vachitungulwile kuli Mbinuwi mwanaHenetate. Atungulwile chihanda chakembwe chakufuma kuzuvo yaAzaliya nakuheta kuPanda yaMalolwa+ swi namumbango yakembwe.
25 Chihanda chakembwe chakavangijileho vachitungulwile kuli Palale mwanaUzai. Atungulwile chihanda chakembwe chakulitalasana naPanda yaMalolwa, nakaposhi kaze kapwile kuZuvo* yaMwangana,+ kuChipango chaVaka-kulama.+ Kaha Chihanda chakavangijileho vachitungulwile kuli Petaya mwanaPaloshe.+
26 Vangamba vakutembele*+ vaze vatwaminenga muOfwele+ vatungulwile chihanda chakembwe swi nakuze kwakulitalasana naChikolo chaMeya+ chakumututuko nakaposhi kaze kapwile kukembwe.
27 Chihanda chakembwe chakavangijileho vachitungulwile kuli vaka-Tekowa.+ Vatungulwile chihanda chakembwe chakufuma kuze kukaposhi kakanene swi nakukembwe yaOfwele.
28 Vapilishitu vatungulwile chihanda chahelu chakuChikolo chaTuvalu,+ mutu himutu kuze kwakulitalasana nazuvo yenyi.
29 Chihanda chakembwe chakavangijileho vachitungulwile kuli Zatoke+ mwanaImele. Atungulwile chihanda chakembwe chakulitalasana nazuvo yenyi.
Chihanda chakembwe chakavangijileho vachitungulwile kuli Shemaya mwanaShekanyiya uze apwile muka-kulama Chikolo chaKumututuko.+
30 Chihanda chakembwe chakavangijileho vachitungulwile kuli Hananyiya mwanaShelemiya, naHanune mwanaZalafwe wakusokesa 6.
Kaha chihanda chakavangijileho vachitungulwile kuli Meshulame+ mwanaMbelekiya. Atungulwile chihanda chakembwe chakulitalasana nazuvo yenyi.
31 Chihanda chakembwe chakavangijileho vachitungulwile kuli Malakiya uze apwile fuli waulu. Atungulwile chihanda chakembwe swi nakuzuvo yavangamba vakutembele,*+ navaka-kusekasana, kuze kwakulitalasana naChikolo chaKukekesela nakukapete kahelu kamumbango yakembwe.
32 Vafuli vaulu navaka-kusekasana vatungulwile chihanda chakembwe chakufuma kukapete kahelu kamumbango nakuheta kuChikolo chaMikoko.+
Kwinyikila Chamwishi
^ Chipwe “vachikunjikile.”
^ Hepe., “kavahakile jishingo javo.”
^ Hepe., “vapwile vakulitanda.”
^ Chipwe “yaMusali yaYufwalate.”
^ Chipwe “atungilenga maji alivumba lyamwaza.”
^ Kafwe jimita 445. Tala Chihande B14.
^ Chipwe pamo, “vakungalila yahakamwihi.”
^ Chipwe “kuNganda.”
^ Chipwe “VaNechine.” Hepe., “Ava vakuhana.”
^ Chipwe “yavaNechine.” Hepe., “ava vakuhana.”
