Nehemiya 7:1-73
7 Omu kembwe yakumine kuyitungulula,+ ngwahakileko jino mapito.+ Kaha ngwatongwele vaka-kulama kuvikolo,+ navaka-kwimba,+ navaLevi.+
2 Ngwatongwele nawa ndumbwami Hananyi+ apwenga mukulwane wanganda yaYelusalema, naHananyiya apwenga mukulwane waZuvo Yakukola+ mwomwo apwile lunga wakushishika, kaha evwilenga woma Kalunga wamuchano+ kuhambakana vakwavo.
3 Ngocho ngwambile kuli vakiko ngwami: “Vikolo vyaYelusalema kavatela kuvisokololako kuvanga musana unatu. Vaka-kulama kuvikolo vasokenga mapito nakupatako tupachiso halwola vanemana nakulama kuze kuvikolo. Kaha tongolenu vatu vamuYelusalema vapwenga vaka-kulama, vamwe vemanenga havihela vanavalweze kulama, vakwavo vemanenga kuze kwakulitalasana najizuvo javo.”
4 Nganda yaYelusalema yapwile yayinene, oloze mwapwile vatu vavandende,+ kaha jizuvo nawa japwile kanda vachijitunge.
5 Jino Kalunga ahakile vishinganyeka mumuchima wami mangana ngukungulule vatu vavalemu, namihato javatwamina, navatu veka mangana vavasoneke kweseka navisaka vyavo.+ Kaha ngwawanyine mukanda uze vasonekele majina avatu vaze valivangile kukinduluka kufuma muufunge. Majina kana vawasonekele kweseka navisaka vyavo.
6 Ava vakiko vatu vamulifuchi vaze Nevukataneza+ mwangana waMbavilone akwachile ufunge muMbavilone, vaze vafumine muufunge+ nakukinduluka kuYelusalema nakuYuta. Vakindulukile mutu himutu kunganda yenyi.+
7 Vaze vejile hamwe naZeluvavele+ vapwile Yeshuwa,+ naNehemiya, naAzaliya, naLamiya, naNahamanyi, naMolotekai, naMbilishane, naMishipelete, naMbingivai, naNehume, naMbana.
Malunga vavaIsalele hakuvalava vapwile ngana:+
8 Vana vaPaloshe vapwile 2,172.
9 Vana vaShefwachiya vapwile 372.
10 Vana vaAla+ vapwile 652.
11 Vana vaPahate-mowave+ vakutanga yaYeshuwa naYowave+ vapwile 2,818.
12 Vana vaElame+ vapwile 1,254.
13 Vana vaZatu vapwile 845.
14 Vana vaZakai vapwile 760.
15 Vana vaMbinuwi vapwile 648.
16 Vana vaMbevai vapwile 628.
17 Vana vaAzangate vapwile 2,322.
18 Vana vaAtonyikame vapwile 667.
19 Vana vaMbingivai vapwile 2,067.
20 Vana vaAchine vapwile 655.
21 Vana vaAtele, vakutanga yaHezekiya vapwile 98.
22 Vana vaHashume vapwile 328.
23 Vana vaMbezai vapwile 324.
24 Vana vaHalufwe vapwile 112.
25 Malunga vakuNgiveyone+ vapwile 95.
26 Malunga vakuMbetelema nakuNetofwa vapwile 188.
27 Malunga vakuAnatote+ vapwile 128.
28 Malunga vakuMbete-azamavete vapwile 42.
29 Malunga vakuKilyate-yeyalime,+ nakuKefwile, nakuMbelote+ vapwile 743.
30 Malunga vakuLama nakuNgeva+ vapwile 621.
31 Malunga vakuMikimase+ vapwile 122.
32 Malunga vakuMbetele+ nakuAi+ vapwile 123.
33 Malunga vakunganda yikwavo yaNevo vapwile 52.
34 Vana vaElame mukwavo vapwile 1,254.
35 Vana vaHalime vapwile 320.
36 Malunga vakuYeliko vapwile 345.
37 Malunga vakuLote, nakuHachite, nakuOno+ vapwile 721.
38 Vana vaSena vapwile 3,930.
39 Ava vakiko vapilishitu:+ Vana yaYetaya vakuzuvo yaYeshuwa vapwile 973.
40 Vana vaImele vapwile 1,052.
41 Vana vaPashule+ vapwile 1,247.
42 Vana vaHalime+ vapwile 1,017.
43 Ava vakiko vaLevi:+ Vana vaYeshuwa, vakuli vana vaKatamiyele,+ vakutanga yaHoteva vapwile 74.
44 Ava vakiko vaka-kwimba:+ Vana vaAsafwe+ vapwile 148.
45 Ava vakiko vaka-kulama kuvikolo:+ Vana vaShalume, navana vaAtele, navana vaTalamone, navana vaAkuve,+ navana vaHachita, navana vaShovai, vosena vapwile 138.
46 Ava vakiko vangamba vakutembele:*+ Vana vaJiha, navana vaHasufwa, navana vaTavayote,
47 navana vaKelose, navana vaShiya, navana vaPatone,
48 navana vaLevana, navana vaHangava, navana vaShamalai,
49 navana vaHanane, navana vaNgitele, navana vaNgahale,
50 navana vaLeyaya, navana vaLejine, navana vaNekota,
51 navana vaNgazame, navana vaUza, navana vaPaseya,
52 navana vaMbesai, navana vaMeune, navana vaNefushese,
53 navana vaMbakavuke, navana vaHakufwa, navana vaHalahule,
54 navana vaMbazalite, navana vaMehita, navana vaHalasha,
55 navana vaMbalakose, navana vaShisela, navana vaTema,
56 navana vaNejiya, navana vaHachifwa.
57 Ava vakiko vana vavangamba jaSolomone:+ Vana vaSotai, navana vaSofwelete, navana vaPelita,
58 navana vaYala, navana vaNdalakone, navana vaNgitele,
59 navana vaShefwachiya, navana vaHachile, navana vaPokelete-hazevaime, navana vaAmone.
60 Vangamba vakutembele,*+ navana vavangamba jaSolomone vosena vapwile 392.
61 Ava vakiko vatu vaze vafumine kuTele-mela, nakuTele-halasha, nakuKeluve, nakuAtone, nakuImele, vaze kavahashile kulumbununa jizuvo javakakuluka javo najitanga javoko, numba nge vapwile vaIsalele nyi chiku:+
62 Vana vaNdelaya, navana vaToviya, navana vaNekota, vosena vapwile 642.
63 Ava vakiko vana vavapilishitu: Vana vaHavaya, navana vaHakoze,+ navana vaMbalajilai uze ambachile pwevo hali vana vaMbalajilai+ wakuNgileyate. Mbalajilai alilukile lijina lyavaka-tanga yapwevo lyenyi.
64 Malunga kana vatondele vawane numba nge vavasonekele mumijimbu yavisaka vyavo, oloze kavawanyine mijimbu yavoko, shikaho vavakanyishile kuzata milimo yaupilishitu.*+
65 Ngocho nguvulu*+ avalwezele ngwenyi kanda valya kuvyuma vyajila chikumako,+ kuvanga omu nakukapwa kapilishitu uze mwakahulisa Ulime naTumime.+
66 Lizavu lyosena lyapwile navatu vakuheta ku 42,360,+
67 kufumisako vandungo javo vamalunga, navava vamapwevo+ vaze vavulile nakuheta ku 7,337. Vaka-lizavu kana vapwile nawa navaka-kwimba vamalunga, navava vamapwevo vakuheta ku 245.+
68 Vapwile natuvalu 736, navamulu 245,
69 navangamela 435, navimbulu 6,720.
70 Vatwamina vamwe vakujizuvo javakakuluka javaIsalele vahanyine wana wakuzachisa kumulimo.+ Nguvulu* ahanyine jindalakima* jaulu 1,000, naviloso 50, navikuto 530 vyavapilishitu+ kuzuvo yakulamina vikumba.
71 Vatwamina vamwe vakujizuvo javakakuluka javaIsalele vahanyine jindalakima jaulu 20,000, najimina* japalata 2,200 kuzuvo yakulamina vikumba vyakuzachisa kumulimo.
72 Kaha vatu vosena vahanyine jindalakima jaulu 20,000, najimina japalata 2,000, navikuto 67 vyavapilishitu.
73 Ngocho vapilishitu, navaLevi, navaka-kulama kuvikolo, navaka-kwimba,+ navatu veka vamwe, navangamba vakutembele,* navaIsalele vosena vaputukile kutwama mujinganda javo.+ Kuheta mukakweji wakusokesa 7,+ vaIsalele vosena vatwaminenga jino mujinganda javo.+
Kwinyikila Chamwishi
^ Chipwe “vaNechine.” Hepe., “ava vakuhana.”
^ Chipwe “VaNechine.” Hepe., “Ava vakuhana.”
^ Chipwe “kavavetavishile kuzata milimo yaupilishituko mwomwo vapihile.”
^ Chipwe “Tishata,” vulukiso yavaPeleja vavulukilenga nguvulu walifuchi.
^ Chipwe “Tishata,” vulukiso yavaPeleja vavulukilenga nguvulu walifuchi.
^ Ndalakima yatesekele hamwe najimbongo jaulu jakuPeleja vavuluka ngwavo ndalike jize jalemene jingalamu 8.4. Eyi ndalakima keshi yize vavuluka muVisoneka vyachiHelaseko. Tala Chihande B14.
^ MuVisoneka VyachiHepeleu, mina yimwe yapwile jingalamu 570. Tala Chihande B14.
^ Chipwe “navaNechine.” Hepe., “ava vakuhana.”
