Ovachiya 1:1-21
1 Mwata Wakulitulaho YehovaAmwenesele Ovachiya* chakumwenesa chakuvuluka Etome.+Ovachiya ambile ngwenyi:“Tunevu mujimbu unafumu kuli Yehova,Vanatumu muluwa muli vaka-mafuchi ambulule ngwenyi:
‘Tukatukenu, tulizangenu tulwenga jita naEtome.’”+
2 “Tala, ngunakulingisa upwenga uwamokomoko muli vaka-mafuchi.Unapu uwakulumbilisa.+
3 Ove watwama mumwaji walilolwa,Ove watwama hachihela chakulunduka, ove uli nakwamba mumuchima wove ngwove,‘Iyaze mwangutulula nakunguholwela hamavu?’Muchima wove wakazamuzamu unakuhungumwisa.+
4 Numba nge chihela chove chakutwamamo nauchitungila helu* kwijiva nge ngonga,Numba nge nautungila uswa wove muvatanganyika,Oloze nangukutulula.” Omu mukiko mwanambe Yehova.
5 “Kachi nge veji chipwe vihwanga navakulukuka naufuku,(Navakunongesa chikupu.)*Kutala kaveshi kwiva kaha vyuma vize vanasakeko nyi?Kachi nge vaka-kuhela mihako yamivinyo naveza muwande wove wamivinyo,Kutala kaveshi kuseza mihako yimwe yakuhuhwojolako nyi?+
6 Ove Esau vanakutondotondo.Luheto lwove lwakuvumbama nawa vanalutondotondo.
7 Vanakuhangila kungiza yalifuchi.Vaze walikasa navo vivwasano vosena vanakwongo.Vaze watwama navo mukuunda vanakufungulula.Vaze weji kulyanga navo vanakutela lyoji,Oloze ove kawatachikijileko.”
8 Yehova nambe ngwenyi, “Halikumbi lize,Nangukanongesa vaka-mangana vamuEtome,+Nangukanongesa vaka-kunangakana vakungalila yajipili yaEsau.
9 Ove Temane,+ vatu jove vaka-jita navakalizuzukila nawoma,+Mwomwo vatu vaze vatwama mungalila yajipili yaEsau vosena navakavajiha.+
10 Naukevwa sonyi,+Kaha naukanonga haya myaka yosena,+Mwomwo yavyuma vyavipi walingile kuli ndumbwove Yakova.+
11 Halikumbi lize, wemanyine nakumutala kaha nameso.Omu vatu veka vatwalile lizavu lyenyi lyavaka-jita muufunge,+Omu vaka-mafuchi eka vengilile muchikolo chenyi nakuzachisa tutachikijilo+ hali Yelusalema,Nayove walipanjikile navo.
12 Kanda naulisamba halikumbi lize ndumbwove mwamona lupiko,+Kanda nauwahilila halikumbi lize navanonga vaYutako,+Kanda naulitukwojola halikumbi navamona luyandoko.
13 Kanda nawingila muchikolo chavatu jami halikumbi lize navamona lupiko,+Kanda naulisamba halikumbi lize navamona vihuliko,Kanda naukwata haluheto lwavo halikumbi navamona lupiko.+
14 Kanda nawimana hamakanyiko nakujiha vaze navachinako,+Vaze vanayovoka halikumbi lyalupi kanda nauvahana mumavoko avaka-kole javoko.+
15 Likumbi lyaYehova lyakuzangamisa vaka-mafuchi osena lili hakamwihi.+Navakakulinga nge muze unalinginga vakwenu.+Navakakushishishilamo havyuma walingile kuli vakwenu.
16 Nge muze wanwinenga vinyo hapili yami yajila,Mukiko vaka-mafuchi osena navakanwanga utenu wami nge vinyo.+Navakaunwa nakuumina,Navakanonga, kaha navakavavulyama.
17 Oloze haPili yaZeyone nahakapwa vaze navakayovoka,+Kaha pili kana nayikapwa yajila.+Vaze vakuzuvo yaYakova navakaheta cheka vyuma vyavo.+
18 Vaze vakuzuvo yaYakova navakapwa nge kakahya,Vaze vakuzuvo yaYosefwe navakapwa nge milangi,Kaha vaze vakuzuvo yaEsau navakapwa nge visachi.Ngocho navakavaswamika kakahya nakuvocha.Hali vaze vakuzuvo yaEsau+ kaheshi kukapuluka mutu numba umweko,Mwomwo Yehova nahanjikamo lyehi.
19 Kaha vakiko navakaheta Nengeve nangalila yajipili yaEsau,+Navakaheta Shefwela nalifuchi lyavaFwilishite.+Navakaheta chipapa chaEfwalime nachipapa chaSamaliya,+Kaha Mbenjamine mwakaheta Ngileyate.
20 Vatu vahamulundu*+ ou vaze vayile muufunge,Kulumbununa vaIsalele, navakaheta lifuchi lyavaKanane mbwe nakuZalefwate.+Kaha vatu vamuYelusalema vaze vapwile muufunge muSefwalate navakaheta jinganda jamuNengeve.+
21 Vaka-kulwila navakakanduka kuPili yaZeyoneMangana vakayule vatu vamungalila yajipili yaEsau,+Kaha wangana naukapwa waYehova.”+
Kwinyikila Chamwishi
^ Ulumbunwiso, “Ngamba yaYehova.”
^ Chipwe pamo, “Numba nge nautuka helu chikuma.”
^ Chipwe pamo, “Navenyeka vyuma vingahi?”
^ Chipwe “vamunganda yakembwe.”