Samwele 1 2:1-36
2 Jino Hana alombele ngwenyi:
“Muchima wami unawahilila muli Yehova,+Yehova nazezula ngolo* jami.Ngunalokolola mukanwa kami nakupayisa vaka-kole jami,Ngunawahilila mwomwo yavilinga vyove vyaulwilo.
2 Kakweshi umwe ajila nge yove Yehovako,Naumwe wauchi shina yove kaha.+Kakweshi lilolwa lyakukola nge Kalunga ketuko.+
3 Kanda namuhanjika lika nakulivwimbako,Kanwa kenu kanda nakahanjika vyuma vyakulitukwojolako,Mwomwo Yehova apwa Kalunga wachinyingi,+Eji kukekesanga vilinga vyavatu.
4 Mata amanana avindume vanawahokojola,Oloze vaze vapwile nakupelyangila vanavahane ngolo.+
5 Vaze vapwilenga navyakulya vali nakuzachila jino vyakulya,Oloze vaze vapwile muzala vali navyakulya.+Mumba naseme vana 7,+Oloze uze apwilenga navana vavavulu nasale jino uka wenyi.*
6 Yehova eji kujihanga, kaha nawa eji kuyoyesanga,Eji kushikumwinanga vatu muFuka,* kaha nawa eji kusangulanga vatu.+
7 Yehova eji kuhutwisanga, kaha nawa eji kuhetesanga luheto,+Eji kwinyisanga, kaha nawa eji kuzezulanga.+
8 Eji kukatulanga vaka-kukalikiza mulukungu.Eji kukatulanga vaka-kuhutwa kuchishita chauto*+Mangana vatwamenga navilolo,Nakuvahana vitwamo vyaulemu.Yehova ikiye ajika jipanda jamavu,+Ikiye ahaka mavu hajipanda kana.
9 Eji kutwaminyinanga jitambo javatu jenyi vakushishika.+Oloze vaka-kuhuka mwavaholesa kulu mumilima,+Mwomwo mutu keshi kufungulula hangolo jenyiko.+
10 Yehova mwachika vaze vali nakuzunga naikiye.*+Mwavalilimina mwilu.+Yehova mwasopesa vatu hamavu hosena,+Mwahana mwangana wenyi ngolo,+Mwazezula ngolo* jayou wenyi awavisa.”+
11 Jino Elekana ayile kuzuvo yenyi kuLama. Kaha uze kanyike Samwele apwile muka-kuzachila Yehova+ kumeso akapilishitu Eli.
12 Vana vaEli vapwile vakuhuka.+ Kavavumbikile Yehovako.
13 Evi vikiko valingilenga kutalisa kuchazano vatambwilenga vapilishitu kuvatu:+ Omu vatu vahanyinenga vimuna vakuvatula, muka-kukafwa kapilishitu ejilenga nachimbonde chamisomo yitatu. Kaha shimbu nyama yichapwile hajiko,
14 achokelenga chize chimbonde chamisomo mumbashiya, chipwe mundeho yamikota yivali, chipwe mundeho yamukota umwe, chipwe mupoto. Yeshoyo tumba azambwilengamo yikiko yapwilenga yakapilishitu. Omu mukiko valingilenga kuli vaIsalele vosena vaze vejilenga kuShilo.
15 Kaha nawa shimbu kanda mutu uze ali nakuhana wana alumbe maji mangana akakumuke wishi,+ muka-kukafwa kapilishitu ejilenga kuli ikiye nakumulweza ngwenyi: “Muhane kapilishitu nyama akoche, mwomwo keshi nakusaka umuhane nyama yakutelekako, oloze yayivisu.”
16 Kachi nge uze mutu mwamulweza ngwenyi: “Achivandamine ngulumbe maji mangana akakumuke wishi+ numba umbate yeshoyo nyama musaka,”* kaha ikiye amwambilenga ngwenyi: “Nduma, nguhane oholyapwa vene, nge pimbi nangulimbachila ami ivene.”
17 Ngocho shili yavaka-kukafwa vapilishitu yatohwele chikuma kumeso aYehova,+ mwomwo malunga kana valumbilishilenga wana waYehova.
18 Samwele azachililenga+ kumeso aYehova oku navwale lipunu+ numba tuhu apwile kanyike wamundende.
19 Kaha nawa naye amutongelelenga ndeleji yakuzeneka mavoko, amunehelelengayo mwaka himwaka omu ejilenga nalunga lyenyi nakuhana chimuna wakuvatula uze vahanyinenga mwaka himwaka.+
20 Kaha Eli akiswile Elekana napwevo lyenyi ngwenyi: “Yehova akuhane mwana weka kuli ou pwevo lyove mangana ashise muli ou munahane Yehova.”+ Kufumaho vakindulukile kwimbo lyavo.
21 Ngocho Yehova alakanyine Hana, kaha asemene+ vana veka vamalunga vatatu navana vamapwevo vavali. Kanyike Samwele akolelenga lika, kaha Yehova+ amwivwililenga uselewa.
22 Jino Eli ashinakajiwile chikuma. Evwilenga vyuma vyosena valingilenga+ vana venyi kuli vaIsalele, nomu valisavalilenga namapwevo vaze vazachililenga kuchikolo chambalaka yakuliwanyina.+
23 Kaha ambilenga kuli vakiko ngwenyi: “Ikaze muli nakulingila vyuma kana? Vyuma nguli nakwivwa vize vali nakuhanjika vatu hali enu kavyawahileko.
24 Nduma enu vana vami, mujimbu nguli nakwivwa uze unatande muli vatu jaYehova kawawahileko.
25 Kachi nge mutu mwavulumuna mulonga kuli mukwavo, mutu weka nahase kumulembelelako kuli Yehova.*+ Oloze nge mutu mwalinga shili kuli Yehova, kaha iyaze mwamulombelako?” Oloze vakiko kavevwililenga sevoko, mwomwo Yehova ajinyine kuvajiha.+
26 Hashimbu yoseneyi, kanyike Samwele apwile nakuya nakukola, kaha vamwivwililenga uselewa kuli Yehova nakuli vatu.+
27 Jino mutu waKalunga ejile kuli Eli nakumulweza ngwenyi: “Yehova nambe ngwenyi, ‘Ngwalisolwele hatoma kuli vaze vakuzuvo yakakuluka yove omu vapwile vandungo muEjipitu, kuzuvo yaFwalo.+
28 Kaha ngwavasakwile kufuma kumiyachi yavaIsalele yosena+ mangana vapwenga vapilishitu jami. Vakandukenga kulijiko lyami lyakulumbila+ mangana valumbenga vimuna vakuvatula, vahanenga vyuma vyalivumba lyamwaza,* vavwalenga mapunu kumeso ami. Vaze vakuzuvo yakakuluka yove ngwavahanyine vyazano vyakuwana wakwocha hakakahya uze vahanyinenga vaIsalele.*+
29 Ikaze muli nakulumbilishila* wana wami wavimuna vakuvatula, nawana weka ngunamilweze kuhana muchihela chami ngwatwama?+ Ikaze uli nakuvumbikila vana vove kuhambakana ami hakulinunyisa enu vavene, mwomwo yakulya nyama yamwaza yakumawana vali nakuhana vatu jami vaIsalele?+
30 “‘Shikaho Yehova Kalunga kaIsalele nambila ngwenyi: “Ngwambile ngwami, vaze vakuzuvo yove navaze vakuzuvo yakakuluka yove navakatambukanga lika mukulonga kumeso ami.”+ Oloze oholyapwa Yehova nambe ngwenyi: “Kacheshi kupwa ngochoko, mwomwo vaze veji kunguvumbikanga, nayami nanguvavumbika,+ oloze vaze veji kungulumbilisanga, nayami nanguvalumbilisa.”
31 Tala! Makumbi ali nakwiza omu nangukakumisa ngolo jove* nangolo javaze vakuzuvo yakakuluka yove. Kaha muzuvo yove kamweshi kukapwa mutu mwakaheta kuushinakajiko.+
32 Omu vaIsalele navakalivwisa kuwaha vyuma vyamwaza, ove naukamona muka-kole muchihela chami ngwatwama.+ Muzuvo yove kamweshi kukapwa cheka kashinakajiko.
33 Mutu umwe wakuzuvo yove uze kangweshi kukafumisa kulijiko lyami lyakulumbilako mwakelavisa meso ove nakukwivwisa chinyengo. Oloze vatu vakuzuvo yove vavavulu navakafwa kupoko yamukwale.+
34 Chuma nachikasoloka kuli vana vove vavali, Hofwonyi naFwinehase chikiko nachikapwa chinjikizo kuli ove. Vosena vavali navakafwa likumbi lyolimwe.+
35 Jino nangukalitongwela kapilishitu wakushishika.+ Mwakalinganga mwaya muchima wami. Kaha nangukamutungila zuvo yize nayikatwama haya myaka yosena. Mwakatambukanga kumeso ayou wami ngwawavisa shimbu yosena.
36 Weshowo mwakasala muzuvo yove mwakeza nakulifukula kuli ikiye mangana akazachileko jimbongo nambolo. Mwakamba ngwenyi: “Nguhaneko milimo yimwe yaupilishitu nguzate mangana ngulyengako kachihanda kamwe kambolo.”’”+
Kwinyikila Chamwishi
^ Chipwe “lumbinga.” Tala Mukana waMazu.
^ Hepe., “nalehuka.”
^ Chipwe “muSheyole,” kulumbununa fuka yavatu vosena. Tala Mukana waMazu.
^ Chipwe pamo, “kwakumbilila swali.”
^ Chipwe pamo, “Vaze vali nakulipika naYehova navalizuzukila.”
^ Chipwe “lumbinga.” Tala Mukana waMazu.
^ Chipwe “nausaka mwono wove.”
^ Chipwe pamo, “mutu kana nahase kuya kuli Kalunga amuyule.”
^ Hepe., “vana vaIsalele.”
^ Chipwe pamo, “valumbenga mawana mangana akakumuke wishi.”
^ Hepe., “nakulyatangila.”
^ Hepe., “omu nangukakuteta livoko.”
