Samwele 1 29:1-11
-
VaFwilishite navazeneka kufwelela Ndavichi (1-11)
29 Jino vaFwilishite+ vakungulwilile maswalale javo vosena kuAfweke. Kaha vaIsalele nawa vatungile chilombo chavo kukaselwoke muYezelele.+
2 Vamyata javaFwilishite vapwile nakuhita namakulukaji avo amaswalale, namakombakaji avo amaswalale. Ndavichi navatu jenyi naAkishe+ vapwile nakuvakavangiza munyima.
3 Oloze vilolo javaFwilishite vehwile ngwavo: “Uno ava vaHepeleu vanakave ika kuno?” Kaha Akishe akumbulwile vaze vilolo javaFwilishite ngwenyi: “Ou ikiye Ndavichi, ngamba yaSaulu, mwangana wavaIsalele. Napunga nayami mwaka wamuundu nakulisambula.+ Kangwamuwanyine nakatenga kamweko kufuma vene halikumbi lize achinyinyine kuli ami palanga nakulelo lino.”
4 Jino vaze vilolo javaFwilishite vapihililile naAkishe. Vambile ngwavo: “Ou lunga mukindulwise.+ Mulweze akinduluke kungalila yize wamuhanyine. Kanda naumwitavisa ayenga nayetu kujitako kuchina mwakatwalumukila omu nayikepuka jita.+ Mwakatapa mitwe yavatu jetu mangana mwata wenyi akamwivwile uselewa.
5 Ou keshi ikiye Ndavichi uze vatu vembilenga oku vali nakukina ngwavo,‘Saulu najihi makombakaji,Ndavichi najihi tununu natununu’ nyi?”+
6 Ngocho Akishe+ asanyikile Ndavichi, amwambile ngwenyi: “Omu ayoya Yehova tu, ove wapwa uwakwoloka. Ami ngwasakanga kachi uyenga namaswalale jami kujita+ mwomwo kangwawanyine katenga muli oveko kufuma vene halikumbi lize wejile kuli ami palanga nakulelo lino.+ Oloze vamyata kavakufweleleleko.+
7 Shikaho kinduluka mukuunda, kanda naulinga chuma chize nachivwisa kupihya vamyata javaFwilishiteko.”
8 Oloze Ndavichi ambile kuli Akishe ngwenyi: “Ngunalingi ika? Katenga muka unawane muli ami ngamba yove kufuma halikumbi lize ngwejile kuli ove palanga nakulelo? Ika nanguzenekela kuya nayove nakulwa jita navaka-kole jayove mwata wami mwangana?”
9 Kaha Akishe akumbulwile Ndavichi ngwenyi: “Kuli aminyi unapunga umutu wamwaza nge kangelo kaKalunga.+ Oloze vilolo javaFwilishite vakiko vanambe ngwavo, ‘Kanda naumwitavisa ayenga nayetu kujitako.’
10 Shikaho hamene ukahinduka chimenemene navangamba jamwata wove vaze wezanga navo. Ukakatuke muze zwalala mangana ukaye.”
11 Ngocho Ndavichi navatu jenyi vamenekele chimenemene nakukinduluka kulifuchi lyavaFwilishite. Kaha vaFwilishite vayile kuYezelele.+
