Samwele 2 15:1-37
15 Omu vyakumine vyuma vyosenevi, Avasalome ahetele litemba natuvalu, kaha nawa apwile namalunga 50 vakulaha kulutwe lwenyi.+
2 Avasalome ahindukilenga chimenemene, ayilenga nakwimana kukulo yajila yakuya kuchikolo changanda.+ Kaha asanyikilenga weshowo mutu ahichilenga mujila uze atwalilenga chihande chenyi kuli mwangana akachisope.+ Amuhulishilenga ngwenyi: “Kunganda muka unafumu?” Ikiye amukumbulwile ngwenyi: “Ami ngamba yove ngunafumu kumuyachi umwe wavaIsalele.”
3 Avasalome ambilenga ngwenyi: “Tala, chihande chove chinawahe, kaha nawa chinoloka kanawa. Oloze kuli mwangana kakweshi umwe nahase kusopa chihande choveko.”
4 Avasalome ambilenga ngwenyi: “Kachi nge vangutongolanga kupwa ngumuka-kuyula vihande mulifuchi, kaha mutu himweza kuli ami namulonga wenyi chipwe nachihande chenyi, kachi nangusopa mujila yakwoloka.”
5 Kaha nawa omu vatu vapandaminenga kuli Avasalome nakumufukamina, avakwachilenga nakuvasweswenya.+
6 Omu mukiko alingilenga Avasalome kuli vaIsalele vosena vaze vejilenga kuli mwangana mangana asope vihande vyavo. Ngocho Avasalome atwalileho lika kukunyula vaIsalele.+
7 Omu mwahichile myaka yiwana,* Avasalome ambile kuli mwangana ngwenyi: “Ngwitavise nguyenga kuHevelone+ mangana ngukatesemo lushiko luze ngwashikile Yehova.
8 Ami ngamba yove ngwalishikile lushiko+ omu ngwapwile nakutwama kuNgeshule+ muSulya ngwami: ‘Kachi nge Yehova mwakangukindulwisa kuYelusalema, kaha nangukahana wana kuli* Yehova.’”
9 Ngocho mwangana amwambile ngwenyi: “Yakonga mukuunda.” Kaha akatukile nakuya kuHevelone.
10 Jino Avasalome atumine vandoji kumiyachi yavaIsalele yosena, ambile ngwenyi: “Omu namwivwa luneta, muvosena vilikenu ngwenu, ‘Avasalome napu mwangana muHevelone!’”+
11 Avasalome ayile kuze namalunga 200 vaze vafumine kuYelusalema. Malunga kana alingile vakulanya, oloze kavatachikijile vyuma vyapwile nakulingiwako.
12 Kahomu Avasalome akumishile kuhana wana, atumine vatu vayenga kunganda yaNgilo+ vakasake Ahitofwele+ uze apwile muka-kulweza Ndavichi mangana.+ Vatu vaze vakundwijilenga Avasalome mangana afumbukile mwangana vapwile nakuvulilako lika.+
13 Kutwala muze, mutu umwe ayile nakulweza Ndavichi ngwenyi: “VaIsalele vosena vali nakukundwiza Avasalome.”
14 Hahaze vene Ndavichi ambile kuli vangamba jenyi vosena vaze apwile navo muYelusalema ngwenyi: “Tukatukenu tuchine+ mwomwo naumwe wauchi mwahasa kuyovoka kuli Avasalome. Twanguhwisenu mokomoko mwatuwana, kaha mwatumwenesa lupi nakujiha vatu munganda napoko yamukwale.”+
15 Vangamba jamwangana vambile ngwavo: “Etu vangamba jove natulinga mweshomwo unajinyi ove mwata wetu mwangana.”+
16 Ngocho mwangana alovokele munganda navaze vakuzuvo yenyi vosena, oloze asezele tulumbu twamasano+ 10 mangana valame zuvo.*
17 Mwangana navatu vosena vaze vamukavangijile vatwalileho lika naungeji wavo, kaha vakemanyine kuMbete-melehake.
18 Vangamba jamwangana vosena vaze apwile navo,* navaKelete vosena, navaPelete+ vosena, namalunga 600 vakuNgata+ vosena vaze vamukavangijile vapwile nakuhita oku ali nakuvakekesa.*
19 Jino mwangana ambile kuli Itai+ wakuNgata ngwenyi: “Ikaze uli nakuyila nayetu? Kinduluka ukatwame namwangana wamuhya, mwomwo ove umwiza, wachina kulifuchi lyove.
20 Ove wezanga zau, ngocho kangweshi kuhasa kukwitavisa lelo ukimbwojoke nayetu kweshokwo natuya, naheshoho natusakila kuyako. Mbata vandumbwove mukinduluke. Yehova amisolwele zangi yakwilila, nakupwa lika wakushishika kuli enu.”+
21 Oloze Itai akumbulwile mwangana ngwenyi: “Omu ayoya Yehova tu, nomu wayoya ove mwata wami mwangana tu, kweshokwo nauya ove mwata wami mwangana kukiko nanguya nayami ngamba yove, kaha nawa ngunalizange kufwila hamwe nayove.”+
22 Ngocho Ndavichi ambile kuli Itai+ ngwenyi: “Zauka.” Kaha Itai wakuNgata azaukile hamwe navatu jenyi vosena navana venyi vosena.
23 Vatu vosena mulifuchi vapwile nakulila namazu akukanguka omu vatu jamwangana vapwile nakuzauka oku ikiye nemana kuChinema chaKichilone.+ Vatu jamwangana vosena vazaukile nakuya mujila yakuya mupambo.
24 Jino Zatoke+ navaLevi+ vosena navakiko vapwile kuze. Vakiko vambachile chikasha+ chalushiko lwaKalunga wamuchano.+ Chikasha chaKalunga wamuchano vachitumbikile hamavu. Aviyatale+ naikiye apwile kuze omu vatu vosena vapwile nakufuma munganda nakuzauka chinema.
25 Oloze mwangana ambile kuli Zatoke ngwenyi: “Kindulwisa Chikasha chaKalunga wamuchano munganda.+ Kachi nge Yehova nangwivwila uselewa, nayami mwakangukindulwisa munganda, ngocho nangukachimona. Kaha nangukamona nawa kuchihela kuze cheji kutwamanga.+
26 Oloze kachi nge mwamba ngwenyi, ‘Kangwakwivwilile kuwahako,’ kaha angulinge mweshomwo namono ngwenyi mwamwaza.”
27 Mwangana ambile nawa kuli Zatoke ngwenyi: “Ove ngwetu wapwa umuka-kumona vyakulutwe?+ Kinduluka munganda mukuunda. Mbata ava vana venu vavali, mwanove wakulisemena Ahimaze, naYonatane+ mwanaAviyatale mangana uyenga navo.
28 Ami nangwimajala kuvyau vize vili kwakamwihi napambo palanga nomu naungutumina mazu akungulweza vyuma vili nakulingiwa.”+
29 Ngocho Zatoke naAviyatale vakindulwishile Chikasha chaKalunga wamuchano muYelusalema. Kaha vakatwamine vene kuze.
30 Ndavichi apwile nakukanduka haPili* yaMilive+ oku ali nakulila. Alifwikile kumutwe, kaha atambukile mahinjihinji. Vatu vosena vaze apwile navo navakiko valifwikile kumitwe, kaha vapwile nakukanduka hapili oku vali nakulila.
31 Jino Ndavichi vamulwezele ngwavo: “Ahitofwele naikiye ali nakukundwiza+ Avasalome.”+ Kaha Ndavichi ambile ngwenyi: “Ove Yehova,+ lingisa vyuma mwahanjika Ahitofwele vavimone kupwa vyauleya.”+
32 Omu Ndavichi ahetele hachihela chakulunduka haze vatu valifukwililenga kuli Kalunga, awanyine Hushai+ kaAlake+ ali nakumuvandamina kuze. Hushai avwalile chikuto chakupulyejeka, kaha apwile namavu kumutwe.
33 Ndavichi ambile kuli ikiye ngwenyi: “Naupwa uchiteli kuli ami kachi nge nauzauka nakuya nayami hamwe.
34 Oloze naungukafwa kuluwanganyisa vyuma mwahanjika Ahitofwele+ kachi nge naukinduluka munganda ukalweze Avasalome ngwove, ‘Ove mwangana, ami ngunapu jino ngungamba yove.+ Ngwapwile ngungamba yaiso, oloze ngunapu jino ngungamba yove.’
35 Kapilishitu Zatoke nakapilishitu Aviyatale navakiko vali kuze. Vyeshovyo nawivwa kuzuvo yamwangana uvilweza kapilishitu Zatoke nakapilishitu Aviyatale.+
36 Ava vapilishitu vali nawa navana vavo vavali kuze, Ahimaze+ mwanaZatoke, naYonatane+ mwanaAviyatale. Uvatuma vezenga nakungulweza vyeshovyo nawivwa.”
37 Ngocho Hushai sepa lyaNdavichi+ ayile munganda omu Avasalome apwile nakwingila muYelusalema.
Kwinyikila Chamwishi
^ Chipwe pamo, “myaka 40.”
^ Chipwe “kaha nangukalemesa.” Hepe., “kaha nangukazachila.”
^ Chipwe “nganda.”
^ Chipwe “vaze vahichile kuluhachi lwenyi.”
^ Chipwe “vapwile nakuvatasana kumeso amwangana.”
^ Chipwe “hamukandu.”
