Vaka-kuyula 5:1-31
5 Ndevola+ embile mwaso naMbalake+ mwanaAvinowame halikumbi lize ngwenyi:+
2 “Mwalisenunga YehovaMwomwo vatu vanajitula jikambu* muIsaleleMwomwo vanalisuula nakuya kujita.+
3 Enu vamyangana ivwililenu. Enu vatwamina tengelekenu matwitwi enu.Nangumwimbila Yehova.Nangumwimbila Yehova+ myaso, ou Kalunga kaIsalele.+
4 Ove Yehova, omu wafumine kuSeile,+Omu wakatukile kungalila yaEtome,Mavu alinyikile, kaha mumelu mwafumine meya,Mavwi nawa anokele vula.
5 Jipili jayengunukile* kumeso aYehova,+Napili yaShinai nawa yayengunukile kumeso aYehova,+ Kalunga kaIsalele.+
6 Hamakumbi aShamangale+ mwanaAnate,Hamakumbi aYayele+ mujijila mwapunjile.Vaka-kutambuka, vatambukilenga mutupundujila.
7 Vatu vamumembo aIsalele vachinyinemo,Palanga nomu ngwakatukile ami Ndevola+ nakuvakafwa,Nomu ngwapwile ngunevo yavaIsalele.+
8 Vasakwile tulunga veka.+Ngocho kuvikolo vyavo kwapwile jita.+Hali vaka-kwasa jita 40,000 muIsalele,Kahapwile mutu numba umwe ambachile lukepwe chipwe likungako.
9 Muchima wami uli kuli tupitau vajita vavaIsalele,+Vaze valisuwile kuya navatu kujita.+Mwalisenunga Yehova.
10 Enu vaka-kutambukila havimbulu vasweuluka,Enu mweji kutwamanga hamahina amwaza akwala hamavu,Enu mweji kutambukanga mujijila,Shinganyekenu havilinga vyenyi.
11 Mazu avaka-kuhana vimuna meya, evwakanyine kuvihela vyakuswichila meya,Vambulwilenga vilinga vyaYehova vyakwoloka kuze,Vilinga vyakwoloka vyavatu jenyi vaze vatwaminenga kumembo amuIsalele.Kaha vatu jaYehova vayile kuvikolo vyanganda.
12 Ove Ndevola,+ hinduka, hinduka,Hinduka wimbenga mwaso.+Ove Mbalake,+ katuka utetekele vafunge jove, ove mwanaAvinowame.
13 Jino vaze vasalileho vayile kuli vatu vavalemu.Vatu jaYehova vejile kuli ami mangana valwenga jita navaka-ngolo.
14 Vaze vali kuchinema,* vafuma kuli vaEfwalime,Kaha vali nakukava enu vaMbenjamine, navatu jenu.Tupitau vajita vafumine kuli vaMakile,+Vaka-kumbata mbwechi yamuka-kusonekesa maswalale* vafumine kuli vaZevulune.
15 Vilolo vavaIsakale vayile naNdevola hamwe,Kaha naMbalake+ nawa ayile nenyi hamwe, nge muze vayile vaIsakale.Vamutumine kuchinema* namahinji.+Vatu kumuyachi waLuvene vapwile namichima yakukakasana.
16 Ika watwaminyine mukachi kaviteli vivali,Nakwivwilila kutufunga vaze vapwile nakwimbila vimuna jipanda?+Mwomwo vatu kumuyachi waLuvene vapwile namichima yakukakasana.
17 Ngileyate asalile musali yaYotau.+Mwomwo ika vaNdane vatwaminenga mumato avo?+VaAshele vatwamine pyaku kungenge yakalungalwiji,Vasalile kuvyau vyavo.+
18 VaZevulune vahakile myono yavo muponde.VaNafwatale nawa vahakile myono yavo muponde*+ kuvihela vyajindama helu.+
19 Vamyangana vejile, valwile jita.Vamyangana vakuKanane valwile jita+KuTanake, kumeya akuMengito.+Kaha kavambachile palata numba yimweko.+
20 Vatanganyika vazungile mwilu,Vazungile naShisela oku vali muuhichilo wavo mwilu.
21 Mwanakalwiji Kishone ahungumwine vaka-kole,+Mwanakalwiji wakushikulu, ou mwanakalwiji Kishone.Ngwalyatangilile vatu vangolo.
22 Jisende jatuvalu janehele jishindoOmu tuvalu twenyi valahile jimbushi.+
23 Kangelo kaYehova ambile ngwenyi, ‘Angulenu Meloze,Angulenu vatu vaze vatwamamo,Mwomwo kavejile nakukafwa Yehovako,Kavakafwile Yehova navatu jenyi vangoloko.’
24 Yayele+ pwevo lyaHevele+ kaKene,Apwa wakukisula hali vakwavo mapwevo,Apwa wakukisula hali mapwevo vaze vatwama mujimbalaka.
25 Shisela alombele meya, oloze amuhanyine mavele.Amuhanyine mavele akulikonda+ muchiloso chamwaza.
26 Ambachile lumbambo lwakumbalaka mulivoko lyenyi,Akwachile muveto wafuli mulivoko lyenyi lyachilyo.Kaha apapalilile Shisela, achikile mutwe wenyi,Amupapalilile lumbambo mumbalakavachingule nakuchika mutwe wenyi.+
27 Alezumukile, nakusavala kuswanga kumahinji enyi.Asavalile kuswanga kumahinji enyi, alezumukile.Kuze alezumukilile, kukiko vene afwililile.
28 Pwevo umwe atalile munjanena,Naye yaShisela anonokele mumbelo nakwamba ngwenyi,‘Mwomwo ika matemba enyi kawejile washiko?Mwomwo ika tuvalu twamatemba enyi vanashimbwila kwiza?’+
29 Vasanda jenyi vamangana hinavamukumbulula,Naikiye himwalyamba ngwenyi,
30 ‘Pamo vali nakulipangila vyuma vanapukula,Mwanapwevo umwe, chipwe vana vamapwevo vavali, kumutu himutu,Nauvwalo waShisela waulombo weka naweka,Lihina lyaulombo weka naweka limwe, chipwe avaliAkuvwala mujishingo javaze vayanga nakupukula.’
31 Ove Yehova, vaka-kole jove vosena vanonge,+Oloze vaze vakuzanga vapwenga nge likumbi lize lili nakututuka naupahu walyo.”
Kaha mulifuchi mwapwile kuunda hamyaka 40.+
Kwinyikila Chamwishi
^ Chipwe “Mwomwo vaka-jita kavakashile jikambuko.”
^ Chipwe pamo, “jalinyikile.”
^ Chipwe pamo, “Vaka-kumbata vyuma vyamuka-kusoneka.”
^ Chipwe “kuchana.”
^ Chipwe “kuchana.”
^ Chipwe “vahungile myono yavo.”
