Vamyangana 2 14:1-29
14 Amajiya mwanaYehowashe+ mwangana wavaYuta aputukile kuyula vaYuta mumwaka wamuchivali wachiyulo chaYehowashe mwanaYehowahaze mwangana wavaIsalele.
2 Amajiya aputukile kuyula omu apwile namyaka yakusemuka 25, kaha ayulile myaka 29 muYelusalema. Lijina lyanaye apwile ikiye Yehowachine wamuYelusalema.+
3 Amajiya alingilenga vyuma vyakwoloka kumeso aYehova, oloze keshi nge muze alingilenga kakuluka yenyi Ndavichiko.+ Amajiya alingilenga nge kutesa nomu alingilenga ise Yehowashe.+
4 Oloze kafumishile vihela vyakulundukako,+ kaha vatu vachipwile lika nakuhana vimuna vakuvatula havihela kana mangana vakakumuke wishi.+
5 Omu alingile hanazamisa lyehi wangana wenyi, ajihile vangamba jenyi vaze vajihile ise.+
6 Oloze vana vavaze vajihile ise kavajihileko nge kutesa najishimbi jaYehova jize vasonekele mumukanda waJishimbi jaMose ngwavo: “Visemi kanda vakavajihila hamilonga yavana vavoko, kaha vana nawa kanda vakavajihila hamilonga yavisemi javoko. Mutu himutu vakamujihile hashili yenyi.”+
7 Amajiya ajihile nawa malunga vavaEtome+ 10,000, avajihilile kuChinema chaMungwa,+ kaha atambwile nganda yaSela kujita.+ Nganda kana ayilukile ngwenyi Yokotele, kaha mukiko vayivuluka nakulelo lino.
8 Jino Amajiya atumine tunganda kuli mwangana wavaIsalele Yehowashe mwanaYehowahaze, Yehowahaze mwanaYehu ngwenyi: “Twaya tulwenga jita.”*+
9 Kaha Yehowashe mwangana wavaIsalele atumine mazu ano kuli Amajiya mwangana wavaYuta ngwenyi: “Mutuvapoko wakuLevanone watumine mazu kuli mushitale wakuLevanone ngwawo, ‘Hana mwanove wapwevo kuli mwanami apwenga pwevo lyenyi.’ Oloze chisuma umwe wakuLevanone ejile nakulyatangila uze mutuvapoko.
10 Uli nakulivwimba mwomwo unajihi vaEtome.+ Shikaho lisase haupahu wove, oloze twama muzuvo* yove. Ikaze musangumwina ndombo nakuneha lupi hali ove ivene nahali vaYuta?”
11 Oloze Amajiya akanyine kwivwilila.+
Ngocho Yehowashe mwangana wavaIsalele ayile nakulwa jita naAmajiya mwangana wavaYuta kuMbete-shemeshe+ nganda yamuYuta.+
12 VaYuta vavafungulwile kuli vaIsalele, ngocho mutu himutu achinyinyine kwimbo* lyenyi.
13 Yehowashe mwangana wavaIsalele akwachile Amajiya mwangana wavaYuta kuMbete-shemeshe. Amajiya apwile mwanaYehowashe, Yehowashe mwanaAhajiya. Vayile nenyi hamwe kuYelusalema, kaha Yehowashe apuzwile lihanya lyajikuvite 400* hambango yaYelusalema, kufuma kuChikolo chaEfwalime+ swi nakuChikolo ChamuMbango.+
14 Yehowashe ambachile ulu wosena, napalata navyuma vyeka vyapwile muzuvo yaYehova, navize vyapwile muze valaminyinenga vyuma muzuvo* yamwangana, navafunge. Kaha akindulukile kuSamaliya.
15 Mujimbu wosena waYehowashe wakuvuluka ngolo jenyi navyuma vyosena alingile, nomu alwile jita naAmajiya mwangana wavaYuta vausoneka mumukanda wamijimbu yavamyangana javaIsalele.
16 Yehowashe atokele ngana mwavakakuluka jenyi, kaha vamufunjile muSamaliya+ navamyangana javaIsalele hamwe. Kaha mwanenyi Yelovowame*+ aswanyine hawangana.
17 Mwangana wavaYuta Amajiya+ mwanaYehowashe ayoyele myaka 15 kufuma hakufwa chaYehowashe mwanaYehowahaze+ mwangana wavaIsalele.+
18 Mujimbu wosena waAmajiya wavyuma alingile vausoneka mumukanda wamijimbu yavamyangana javaYuta.
19 Kutwala muze Amajiya vamufumbukilile+ muYelusalema, kaha achinyinyine kuLakishe. Oloze vatumine vatu vamukave kuLakishe, kaha vakamujihilile kuze.
20 Ngocho vamumbachile hatuvalu nakumukindulwisa kuYelusalema, kaha vamufunjile muNganda yaNdavichi+ navakakuluka jenyi hamwe.
21 Jino vatu vamuYuta vosena vasakwile Azaliya*+ uze apwile namyaka yakusemuka 16,+ kaha vamuswanyishile hawangana waise Amajiya.+
22 Omu alingile mwangana Amajiya hanatoko lyehi ngana mwavakakuluka jenyi,+ Azaliya atungulwile nganda yaElate+ nakuyikindulwisa kuli vaYuta.
23 Yelovowame+ mwanaYehowashe mwangana wavaIsalele aputukile kuyula muSamaliya mumwaka wakusokesa 15 wachiyulo chaAmajiya mwanaYehowashe mwangana wavaYuta, kaha ayulile myaka 41.
24 Yelovowame mwanaYehowashe alingilenga vyuma vyavipi kumeso aYehova. Kambilile jishili jaYelovowame mwanaNevate uze ahungumwishile navaIsalele valinge jishili kanako.+
25 Ahilwishile cheka ngiza yavaIsalele kufuma kuLevo-hamate*+ swi nakuKalungalwiji waAlava*+ nge kutesa nomu ahanjikile Yehova Kalunga kavaIsalele kuhichila muli ngamba yenyi Yona+ mwanaAmitai, kapolofweto wakuNgata-hefwele.+
26 Yehova amwene omu vapwile nakuyanda vaIsalele.+ Mwomwo kakwapwile mutu avakafwileko, chipwe kukafwa vaka-kukalikiza chipwe vaka-kuhehelako.
27 Yehova ashikile ngwenyi keshi kukajimbangana lijina lyenyi muli vaIsalele hamavuko.+ Shikaho avalwilile kuhichila muli Yelovowame mwanaYehowashe.+
28 Mujimbu wosena waYelovowame wakuvuluka ngolo jenyi navyuma vyosena alingile, najita alwile, nomu ahilwishile nganda yaNdamashiku+ nayeyi yaHamate+ kuli vaYuta muIsalele, vausoneka mumukanda wamijimbu yavamyangana javaIsalele.
29 Yelovowame atokele ngana mwavakakuluka jenyi, nge muze nawa vatokele vamyangana javaIsalele. Kaha mwanenyi Zekaliya+ aswanyine hawangana.
Kwinyikila Chamwishi
^ Chipwe “tulitale meso nameso.”
^ Chipwe “munganda.”
^ Hepe., “kumbalaka.”
^ Kafwe jimita 178. Tala Chihande B14.
^ Chipwe “munganda.”
^ Kulumbununa, Yelovowame II.
^ Ulumbunwiso, “Yehova Nakafwe.” Vamuvuluka ngwavo Ujiya hali 2My 15:13; 2Mi 26:1-23; Isa 6:1; naZek 14:5.
^ Chipwe, “kuwingililo wakuHamate.”
^ Ikiye Kalungalwiji waMungwa, chipwe Kalungalwiji waKufwa.
