Vishimo 12:1-28
12 Ou azanga kumunangula azanga chinyingi,+Oloze ou ahunga kumuhanjikila keshi kushinganyeka kanawako.*+
2 Yehova eji kumwivwilanga mutu wamwaza uselewa,Oloze ahunga muka-kujina vyuma vyavipi.+
3 Mutu keshi kukelila mwomwo yavilinga vyenyi vyavipiko.+Kaha mutu wakwoloka kaveshi kukamuvunya hamavuko.
4 Pwevo wamwenemwene napu muchama kuli lunga lyenyi,+Oloze pwevo wachiheu napu nge musongo uze naupolesa vifuwa vyalunga lyenyi.+
5 Vishinganyeka vyamuka-kwoloka vyapwa vyachiyulo.Oloze mazu akufuma kuli muka-kuhuka apwa akutangisa.
6 Mazu amuka-kuhuka nawajihisa vatu,*+Oloze kanwa kamuka-kusungama nakavayovola.+
7 Nge vaka-kuhuka vanavakatumuna, kaveshi kupwako chekako,Oloze zuvo yamuka-kwoloka nayililanga.+
8 Mutu uze mwasakula kanawa vyakuhanjika navamwalisa.+Oloze mutu wamuchima wakutangisa navamulumbilisa.+
9 Ou mwalinyisa oku ali nangamba yenyi nawaheKuhambakana ou mwalitohwesa ivene okunyi keshi navyakulyako.*+
10 Muka-kwoloka eji kuzakamanga vimuna jenyi,*+Oloze muka-kuhuka keshi kuvatetelako.
11 Ou mwalima wande wenyi mwapwa navyakulya vyavivulu,+Oloze ou mwafwila kulinga vyuma vyamokomoko keshi namanganako.*
12 Muka-kuhuka eji kwivwilanga lwiso vyuma vanapupu vakwavo vaka-kuhuka,Oloze muka-kwoloka eji kwimanga mihako.
13 Mutu wavilinga vyavipi eji kulilimbanga muhanjikiso yenyi yayipi,+Oloze muka-kwoloka eji kupululukanga muvihuli.
14 Mutu eji kusuulukanga namazu amwaza amukanwa kenyi,+Kaha milimo yamavoko enyi nayimunganyalisanga.
15 Chileya namono jila yenyi ngwenyi yakwoloka,+Oloze muka-mangana eji kwitavilanga mazu navamukafwa.+
16 Chileya eji kusulakananga washi,*+Oloze mutu wakuzangama eji kuliulanga* matuka.
17 Ou mwahana unjiho wakwoloka mwahanjika muchano,*Oloze chinjiho wamakuli eji kuhanjikanga nakutangisa.
18 Kuhanjika chakulusuka cheji kutuvanga nge poko yamukwale,Oloze lilimi lyamuka-mangana lyeji kuhindulanga.+
19 Mazu amuchano eji kwililanga,+Oloze mazu akwonga kaweshi kushimbulako.+
20 Vaka-kujina vyavipi vatwama namichima yakutangisa,Oloze vaka-kuneha kuunda vapwa vakuwahilila.+
21 Vaka-kwoloka kaveshi kukamona lupiko,+Oloze vaka-kuhuka navakamona vihuli.+
22 Mivumbo yakwonga yapwa yaunyengwe kumeso aYehova,+Oloze vatu vakushishika veji kumwivwisanga kuwaha.
23 Muka-kuzangama eji kuswekanga vyuma atachikiza,Oloze chileya eji kutufulanga uleya wenyi.+
24 Vaka-kuzata nangolo navakayula vakwavo,+Oloze vovwa navakavazachisa milimo yaundungo.+
25 Kulizakamina chamutu nachilemuwisa muchima wenyi,*+Oloze mazu amwaza nawahizumuna muchima wenyi.+
26 Muka-kwoloka eji kukekesanga kanawa musuka wenyi wamavu,Oloze jila yavaka-kuhuka nayivahungumwisa.
27 Muvwa keshi kulandula nyama yamukokako,+Oloze unyongochima wamutu unapu luheto lwenyi.
28 Jila yakwoloka yeji kutwalanga kukuyoya.+Kaha jila kana kayeshi kutwala kukufwako.
Kwinyikila Chamwishi
^ Chipwe “keshi namanganako.”
^ Hepe., “nawaswama amwange manyinga.”
^ Hepe., “namboloko.”
^ Chipwe “kuzakamanga myono yavimuna jenyi.”
^ Hepe., “namuchimako.”
^ Chipwe “hahaze vene.”
^ Hepe., “kufwikanga.”
^ Hepe., “mwahanjika vyuma vyakwoloka.”
^ Chipwe “nachimuhombesa.”
