Vishimo 2:1-22
2 Ove mwanami, kachi nge nawitavila mazu amiNakulamanga jishimbi jami,+
2 Nge nautengeleka matwitwi ove kumangana,+Nakuhaka muchima wove kuuhashi wakukekesa vyuma,+
3 Kachi nge nausanyika kunangakana,+Nakutambika uhashi wakukekesa vyuma+ nalizu lyove,
4 Kachi nge nauvitondatonda nge palata,+Nakuvilengeza nge luheto lwakuvumbama,+
5 Kaha nautachikiza muchapwa kumwivwa Yehova woma,+Nakupwa nachinyingi chakumutachikiza Kalunga.+
6 Mwomwo Yehova ikiye eji kuhananga mangana.+Mukanwa kenyi mukiko mweji kufumanga chinyingi nauhashi wakukekesa.
7 Vaka-kusungama eji kuvalaminanga mangana amwenemwene.Apwa nge kepwe kuli vaka-kutambuka mukulonga,+
8 Mangana akingenga jijila jachiyulo,Alamenga jila yavatu jenyi vakushishika.+
9 Nautachikiza nawa omu chapwa kwoloka, nomu mwaya chiyulo, nakusungama,Chipwe ngwetu jijila jamwaza josena.+
10 Kachi nge mangana nawengila mumuchima wove,+Mwono* wove nawa nauzanga chinyingi,+
11 Kaha uhashi wakushinganyeka naukukinganga.+Uhashi wakukekesa vyuma nawa naukulamanga,
12 Mangana vikukinge kujijila jajipi,Nakuli vatu vaze veji kuhanjikanga vyuma vyakuhingama,+
13 Vikukinge kuvatu vaze navaseza jijila jakusungamaNakutambuka mujijila jamilima,+
14 Kuli vaze veji kuwahililanga hakulinga vyuma vyakuhenga,Vaze veji kwivwilanga kuwaha vyuma vyavipi vyakuhingama.
15 Kuli vaze vakwechi jijila jakuhenga,Vakulunguluka muvilinga vyavo vyosena.
16 Navikukinga kuli pwevo wakulumbuka,*Pwevo muka-ujila*+ uze mwakuleleveka* namazu enyi,
17 Pwevo uze naseze lunga wahaukweze wenyi,+Nakuvulyama lushiko lwenyi naKalunga.
18 Mwomwo kwingila muzuvo yenyi nachikutwala kukufwa,Jijila jenyi najikutwala kuli vaze vanatoko lyehi.+
19 Vaze navalisavala nenyi* kaveshi kukakindulukako,Kaha kaveshi kukawana cheka jijila jakuyoyako.+
20 Shikaho kavangizanga jila yavatu vamwenemwene,Tambukanga mujijila javaka-kwoloka.+
21 Mwomwo vaka-kusungama vakiko kaha navakatwamanga hamavu,Vaka-kulonga vakiko navakasalaho.+
22 Vaka-kuhenga navakavateta hamavu.+Kaha vaka-kumbembejeka navakavatukulaho.+
Kwinyikila Chamwishi
^ Tala Mukana waMazu.
^ Chipwe “mwakuhungumwisa.”
^ Hepe., “Pwevo weka.” Pamo pwevo uze akwechi vilinga vyakuhanduka kuli Kalunga.
^ Hepe., “wamupi.” Pamo pwevo akwechi vilinga vyavipi vyakumuhandula kuli Kalunga.
^ Hepe., “navaya kuli ikiye.”